完整藏文原文 · 德格版页 当前仅加载第 40 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
ལུང་བསྟན་པ་ཡིན་པར་རིག་པར་བྱ་སྟེ། ཤ་ར་དྭ་ཏིའི་བུ། བྱང་ཆུབ་སེམས་དཔའ་དེ་དག་ནི་བརྒྱར་བགྲང་བས་བགྲང་བར་མི་འགྱུར་གྱི། ཤ་ར་དྭ་ཏིའི་བུ་གཞན་དུ་ན་དེ་དག་ནི་བརྒྱ་ཞེའམ། སྟོང་ཞེའམ། བརྒྱ་སྟོང་ཞེས་བྱ་བའི་གྲངས་སུ་འགྲོའོ། །ཤ་ར་དྭ་
D50.040.0048a01.01ཏིའི་བུ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་བརྒྱའི་གྲངས་དང་། སྟོང་གི་གྲངས་དང་། བརྒྱ་སྟོང་གི་གྲངས་སུ་འགྲོ་བ་དེ་བཞིན་དུ་ཤ་ར་དྭ་ཏིའི་བུ་དེ་བཞིན་གཤེགས་པའི་གྲངས་སུ་བལྟ་བར་བྱའོ། །སངས་རྒྱས་ཀྱི་གྲངས་སུ་བལྟ་བར་བྱའོ། །ཐམས་ཅད་མཁྱེན་
D50.040.0048a02.01པ་ཉིད་ཀྱི་གྲངས་སུ་བལྟ་བར་བྱའོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་དག་འཇིག་རྟེན་གྱི་ཁམས་འདི་ནས་ཤི་འཕོས་སམ་འཇིག་རྟེན་གྱི་ཁམས་གཞན་དག་ནས་ཤི་འཕོས་ཀྱང་རུང་སྟེ། སངས་རྒྱས་ཀྱི་ཞིང་དེར་སྐྱེས་སམ། སྐྱེ་འམ། སྐྱེ་
D50.040.0048a03.01བར་འགྱུར་བ་དེ་དག་ཐམས་ཅད་ཀྱང་དེ་ལྟ་བུའི་གྲངས་ཉིད་དུ་འགྲོ་བར་འགྱུར་ཏེ། འདི་ལྟ་སྟེ། དེ་བཞིན་གཤེགས་པའི་གྲངས་དང་། སངས་རྒྱས་ཀྱི་གྲངས་དང་། ཐམས་ཅད་མཁྱེན་པ་ཉིད་ཀྱི་གྲངས་སུ་གྲངས་དེ་ཉིད་དུ་འགྲོ་བར་འགྱུར་རོ། །ཤ་ར་དྭ་ཏིའི་བུ་བྱང་ཆུབ་སེམས་
D50.040.0048a04.01དཔའ་སེམས་དཔའ་ཆེན་པོ་ཕྱིར་མི་ལྡོག་པ་རྣམས་མ་གཏོགས་པ་དེ་ལས་གཞན་པའི་བྱང་ཆུབ་སེམས་དཔའ་གང་དག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེའི་ཡོན་ཏན་ཡོངས་སུ་བརྗོད་པའི་ཆོས་ཀྱི་རྣམས་
D50.040.0048a05.01གྲངས་འདི་ཐོས་པར་མི་འགྱུར་བ་དེ་དག་ཐམས་ཅད་ནི་བདུད་ཀྱིས་བྱིན་གྱིས་བརླབས་པར་རིག་པར་བྱའོ། །ཤ་ར་དྭ་ཏིའི་བུ་གཞན་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་ཡོངས་སུ་མྱ་ངན་ལས་འདའ་བ་ཆེན་པོས་
D50.040.0048a06.01ཡོངས་སུ་མྱ་ངན་ལས་འདས་པ་ན་སྐུ་ནི་རང་གི་མེའི་ཁམས་ཀྱིས་སྲེག་པར་འགྱུར་རོ། །དེའི་སྐུ་གདུང་རྣམས་ནི་གསེར་གྱི་མདོག་འདྲ་བར་འགྱུར་ཏེ། སྐུ་གདུང་དེ་དག་བཅད་པའི་འཕྲོ་ནས་བཀྲ་ཤིས་དང་། གཡུང་དྲུང་འཁྱིལ་པ་དག་སྣང་བར་འགྱུར་ཞིང་རབ་ཏུ་གསལ་བར་འགྱུར་རོ། །
D50.040.0048a07.01