完整藏文原文 · 德格版页 当前仅加载第 40 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
ཤ་ར་དྭ་ཏིའི་བུ་སངས་རྒྱས་ཀྱི་མཐུས་རིགས་ཀྱི་བུ་འམ་རིགས་ཀྱི་བུ་མོ་གང་སུ་ཡང་རུང་བ་ཞིག་གི་རྣ་ལམ་དུ་གྲག་པར་གྱུར་ན་རིགས་ཀྱི་བུ་འམ་རིགས་ཀྱི་བུ་མོ་དེས་ཀྱང་མྱུར་བ་མྱུར་བར་གཟུང་བར་བྱ། བཅང་བར་བྱ། བཀླག་པར་བྱ། ཀུན་ཆུབ་པར་བྱ་ཞིང་། གཞན་དག་ལ་
D50.040.0062b01.01ཡང་རྒྱ་ཆེར་ཡང་དག་པར་རབ་ཏུ་བསྟན་པར་བྱའོ། །ཤ་ར་དྭ་ཏིའི་བུ་གལ་ཏེ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གིས་སེམས་ཅན་འགའ་ཞིག་གི་དོན་གྱི་ཕྱིར་ཀྱེ་མ་སེམས་ཅན་འདིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D50.040.0062b02.01པའི་སངས་རྒྱས་མི་འཁྲུགས་པའི་ཡོན་ཏན་ཡོངས་སུ་བརྗོད་པའི་ཆོས་ཀྱི་རྣམ་གྲངས་འདི་ཐོས་པར་གྱུར་ཅིག་ཅེས་འཛམ་བུའི་གླིང་འདི་དབྱིག་དང་གསེར་གྱིས་ཡོངས་སུ་བཀང་སྟེ། སྦྱིན་པ་བྱིན་ཞིང་ཡོངས་སུ་བཏང་བར་གྱུར་ཀྱང་། ཤ་ར་དྭ་ཏིའི་བུ་སེམས་ཅན་བསོད་ནམས་ཆུང་ངུ་རྣམས་
D50.040.0062b03.01ཀྱིས་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པའི་ཡོན་ཏན་ཡོངས་སུ་བརྗོད་པའི་ཆོས་ཀྱི་རྣམ་གྲངས་འདི་ཐོས་པར་མི་ནུས་སོ། །དེ་ཅིའི་ཕྱིར་ཞེ་ན། ཤ་ར་དྭ་ཏིའི་བུ་ཆོས་ཀྱི་རྣམ་གྲངས་འདི་ནི་ཆོས་ཐམས་ཅད་རབ་
D50.040.0062b04.01ཏུ་རྣམ་པར་འབྱེད་པར་བྱེད་ཅིང་རིགས་ཀྱི་བུ་དང་རིགས་ཀྱི་བུ་མོ་དད་པ་རྣམས་སངས་རྒྱས་ཀྱི་ཞིང་ཡོངས་སུ་དག་པར་འགྲོ་བར་བྱེད་པའི་ཕྱིར་རོ། །ཤ་ར་དྭ་ཏིའི་བུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པའི་ཡོན་
D50.040.0062b05.01ཏན་ཡོངས་སུ་བརྗོད་པའི་ཆོས་ཀྱི་རྣམ་གྲངས་འདི་ནི་འཆལ་པའི་ཤེས་རབ་ཅན་རྣམས་ཀྱི་ལག་ན་གནས་པར་མི་འགྱུར་ཏེ། ཤ་ར་དྭ་ཏིའི་བུ་གཞན་དུ་ན་ཆོས་ཀྱི་རྣམ་གྲངས་འདི་ནི་མཁས་པ་ཤེས་རབ་ཟབ་མོ་དང་ལྡན་པ་རྣམས་ཀྱི་ལག་ཏུ་གནས་པར་འགྱུར་རོ། །ཤ་ར་དྭ་ཏིའི་བུ་
D50.040.0062b06.01རིགས་ཀྱི་བུ་འམ་རིགས་ཀྱི་བུ་མོ་གང་དག་གི་ལག་ཏུ་ཆོས་ཀྱི་རྣམ་གྲངས་འདི་གནས་པ་དང་། ལུས་ལ་གནས་པ་དེ་དག་ནི་དེ་བཞིན་གཤེགས་པ་མཐོང་བ་ཡིན་ནོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་རིན་པོ་ཆེ་རིན་ཐང་མེད་པ་རིན་ཆེ་བ་གང་ཡང་རུང་བ་ཞིག་རྒྱ་མཚོ་ཆེན་པོའི་
D50.040.0062b07.01