完整藏文原文 · 德格版页 当前仅加载第 40 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་སྡང་བ་ཉིད་དང་བཅུའོ། །ཁྱིམ་བདག་ཀུན་ནས་མནར་སེམས་ཀྱི་དངོས་པོ་བཅུ་པོ་ནི་དེ་དག་ཡིན་ཏེ། ཀུན་ནས་མནར་སེམས་ཐམས་ཅད་སེལ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་བྱའོ། །ཞེས་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །དེ་
D56.040.0259a01.01ནས་བཅོམ་ལྡན་འདས་ཀྱིས་དོན་དེ་ཉིད་རབ་ཏུ་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་གསུངས་སོ། །ཀྱེ་མའོ་སེམས་ཅན་ཞེ་སྡང་སྟེ། །གཅིག་ལ་གཅིག་ནི་ཕན་ཚུན་དུ། །ཀུན་ནས་མནར་སེམས་དངོས་པོ་བཅུས། །ཀུན་ལ་ཀུན་ནས་མནར་སེམས་གྱུར། །བདག་དང་བདག་གི་
D56.040.0259a02.01ཉེ་དུ་ལ། །གནོད་པ་བྱས་དང་བྱེད་པ་དང་། །གནོད་པ་བྱེད་པར་འགྱུར་རོ་ཞེས། །དེ་ཡི་ཀུན་ནས་མནར་སེམས་སྐྱེ། །གང་རྣམས་བདག་དང་མི་མཛའ་བ། །དེ་དག་གི་ནི་དོན་བྱས་དང་། །བྱེད་དོ་བྱེད་པར་འགྱུར་རོ་ཞེས། །དེ་ཡི་ཀུན་ནས་མནར་སེམས་སྐྱེ། །གནོད་པའི་སྡང་
D56.040.0259a03.01དང་བཅུ་ཡིན་ཏེ། །གང་གིས་མནར་སེམས་འཕེལ་འགྱུར་བ། །དེ་མཐོང་ཀུན་ནས་མནར་སེམས་རྣམས། །མི་འདོད་པས་ན་རབ་ཏུ་བྱུང་། །ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་ལྟ་བར་བྱས་པ་ལྟ་བ་ངན་པ་ཐིབས་པོ་བཅུས་ལྟ་བར་བྱས་པ་སྣ་ཚོགས་དང་། ལྟ་བ་ངན་པ་
D56.040.0259a04.01ཐིབས་པོ་དག་གིས་ནོན་པར་མཐོང་སྟེ། བཅུ་གང་ཞེ་ན། འདི་ལྟ་སྟེ། །བདག་ཏུ་ལྟ་བར་གྱུར་བ་ལྟ་བ་ངན་པ་ཐིབས་པོ་དང་། སེམས་ཅན་དུ་ལྟ་བར་གྱུར་པ་ལྟ་བུ་ངན་པ་ཐིབས་པོ་དང་། སྲོག་ཏུ་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། གང་ཟག་ཏུ་ལྟ་བར་གྱུར་བ་ལྟ་བ་ངན་པ་ཐིབས་པོ་དང་།
D56.040.0259a05.01ཆད་པར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། རྟག་པར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། བྱ་བ་མེད་པར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། རྒྱུ་མེད་པར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། མི་འཐུན་པའི་རྒྱུར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། ལོག་
D56.040.0259a06.01པར་ལྟ་བར་གྱུར་པ་ལྟ་བ་ངན་པའི་ཐིབས་པོ་དང་བཅུའོ། །ཁྱིམ་བདག་ལྟ་བར་གྱུར་པ་ལྟ་བ་ངན་པའི་ཐིབས་པོ་ནི་དེ་དག་ཡིན་ཏེ། ལྟ་བ་ཐམས་ཅད་གཞིག་པའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་བྱའོ། །ཞེས་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །
D56.040.0259a07.01