完整藏文原文 · 德格版页 当前仅加载第 40 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་པའི་བྱང་ཆུབ་སེམས་དཔའ་ཚུལ་བཞིན་ཡིད་ལ་བྱེད་པ་དང་ལྡན་པ་ནི་གང་ཡོད་པར་འཇིག་རྟེན་གྱི་མཁས་པ་རྣམས་ཀྱིས་ཀུན་ཤེས་པ་དེ་ལ་ནི་ཡོད་དོ་ཞེས་འདོགས་སོ། །གང་མེད་པར་འཇིག་རྟེན་ན་མཁས་པ་རྣམས་ཀྱིས་ཀུན་ཤེས་པ་དེ་ལ་ནི་མེད་དོ་ཞེས་འདོགས་སོ། །དེ་ཡོད་ཅེས་
D56.040.0287b01.01ཐ་སྙད་དུ་འདོགས་པ་ལ་ཡང་ཡང་དག་པར་ཤེས་པར་མི་བྱེད། མེད་ཅེས་ཐ་སྙད་ཏུ་འདོགས་པ་ལ་ཡང་ཡང་དག་པར་ཤེས་པར་མི་བྱེད་དོ། །སངས་རྒྱས་བཅོམ་ལྡན་འདས་ཐམས་ཅད་ཀྱིས་གསུངས་པའི་ཡང་དག་པའི་དོན་ཀྱང་ཁོང་དུ་ཆུད་དེ། ཆོས་ཐམས་ཅད་ནི་དེ་བཞིན་གཤེགས་
D56.040.0287b02.01པས་བསྡུས་ཏེ་ཆོས་ཀྱི་མདོ་བཞིར་འདུས་པར་བྱས་སོ། །བཞི་གང་ཞེ་ན། འདི་ལྟ་སྟེ། འདུ་བྱེད་ཐམས་ཅད་མི་རྟག་པ་དང་། འདུ་བྱེད་ཐམས་ཅད་སྡུག་བསྔལ་བ་དང་། ཆོས་ཐམས་ཅད་བདག་མེད་པ་དང་། མྱ་ངན་ལས་འདས་པ་ཞི་བའོ། །འདུ་བྱེད་ཐམས་ཅད་མི་རྟག་པ་ཞེས་བྱ་བ་
D56.040.0287b03.01ནི་རྟག་པར་འདུ་ཤེས་པའི་སེམས་ཅན་རྣམས་ཀྱི་རྟག་པར་འདུ་ཤེས་པ་སྤང་བའི་ཕྱིར་དེ་བཞིན་གཤེགས་པས་བཤད་དོ། །འདུ་བྱེད་ཐམས་ཅད་སྡུག་བསྔལ་བ་ཞེས་བྱ་བ་ནི་བདེ་བར་འདུ་ཤེས་པའི་སེམས་ཅན་རྣམས་ཀྱི་བདེ་བར་འདུ་ཤེས་པ་སྤང་བའི་ཕྱིར། དེ་བཞིན་གཤེགས་པས་
D56.040.0287b04.01བཤད་དོ། །ཆོས་ཐམས་ཅད་བདག་མེད་པ་ཞེས་བྱ་བ་ནི་བདག་ཏུ་འདུ་ཤེས་པའི་སེམས་ཅན་རྣམས་ཀྱི་བདག་ཏུ་འདུ་ཤེས་པ་སྤོང་བའི་ཕྱིར་དེ་བཞིན་གཤེགས་པས་བཤད་དོ། །མྱ་ངན་ལས་འདས་པ་ཞི་བ་ཞེས་བྱ་བ་ནི་དམིགས་པས་ཕྱིན་ཅི་ལོག་ཏུ་གྱུར་པའི་སེམས་ཅན་རྣམས་ཀྱི་
D56.040.0287b05.01དམིགས་པའི་ཕྱིན་ཅི་ལོག་ཏུ་གྱུར་པ་སྤོང་བའི་ཕྱིར་དེ་བཞིན་གཤེགས་པས་བཤད་དོ། །དེ་འདུ་བྱེད་ཐམས་ཅད་མི་རྟག་གོ་ཞེས་ཐོས་ནས་ཤིན་ཏུ་མི་རྟག་པ་ཉིད་ལ་འཇུག་གོ །འདུ་བྱེད་ཐམས་ཅད་སྡུག་བསྔལ་བའོ། །ཞེས་ཐོས་ནས་སྨོན་ལམ་དང་བྲལ་བ་སྐྱེད་དོ། །ཆོས་
D56.040.0287b06.01ཐམས་ཅད་བདག་མེད་པའོ་ཞེས་ཐོས་ནས་སྟོང་པ་ཉིད་ཀྱི་ཏིང་ངེ་འཛིན་དང་། རྣམ་པར་ཐར་པའི་སྒོ་ལ་སྒོམ་མོ། །མྱ་ངན་ལས་འདས་པ་ཞི་བ་ཞེས་ཐོས་ནས་མཚན་མ་མེད་པ་ཡོངས་སུ་འདྲིས་པར་བྱེད་དེ། དུས་མ་ཡིན་པར་ནི་ཡང་དག་པའི་མཐའ་མངོན་སུམ་དུ་མི་བྱེད་དོ། །
D56.040.0287b07.01