完整藏文原文 · 德格版页 当前仅加载第 40 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཆོས་ཉན་པར་འདོད་པ་ཡིན། སེར་སྣ་མེད་ཅིང་ལྷུག་པར་གཏོང་བ་དང་། ལག་བརྐྱང་ཞིང་རྣམ་པར་གཏོང་བ་ལ་དགའ་བ་དང་། སྦྱིན་པ་བགེད་པ་ལ་དགའ་བ་ཡིན། སེམས་ཅན་ཐམས་ཅད་ལ་ཁོང་ཁྲོ་བ་མེད་པའི་སེམས་ཡིན། རྙོག་པ་མེད་པའི་སེམས་
D56.040.0284a01.01དང་། འཁྲུགས་པ་མེད་པའི་སེམས་དང་། མ་འདྲེས་པའི་སེམས་དང་། དེ་ལས་དང་ལས་ཀྱི་རྣམ་པར་སྨིན་པ་ལ་མངོན་པར་དད་པ་དང་། རབ་ཏུ་རྟོག་ཅིང་ཡིད་ཆེས་པ་དང་། ཐེ་ཚོམ་མེད་ཅིང་སོམ་ཉི་མེད་པ་ཡིན་ནོ། །དེ་ནག་པོ་དང་། དཀར་པོའི་ཆོས་རྣམས་ཀྱི་འབྲས་བུ་མི་
D56.040.0284a02.01སྟོར་བར་ཤེས་པས་སྲོག་གི་ཕྱིར་ཡང་སྡིག་པའི་ལས་མི་བྱེད་པ་ཡིན་ཏེ། དེ་སྲོག་གཅོད་པ་སྤོང་བ་ཡིན། མ་བྱིན་པར་ལེན་པ་དང་། འདོད་པ་ལ་ལོག་པར་གཡེམ་པ་དང་། {བརྫུན་,རྫུན་}དུ་སྨྲ་བ་དང་། ཕྲ་མ་དང་། ངག་རྩུབ་པོ་དང་། ཚིག་ཀྱལ་བ་དང་། བརྣབ་སེམས་དང་།
D56.040.0284a03.01གནོད་སེམས་དང་། ལོག་པར་ལྟ་བ་སྤོང་བ་ཡིན་ཏེ། མི་དགེ་བ་བཅུའི་ལས་ཀྱི་ལམ་འདི་དག་སྤངས་ནས། དགེ་བ་བཅུའི་ལས་ཀྱི་ལམ་རྣམས་ཡང་དག་པར་ལེན་ཅིང་སྤྱོད་དོ། །དེ་དད་པ་དང་ལྡན་པས་གང་དགེ་སྦྱོང་དང་། བྲམ་ཟེ་དག་ཡང་དག་པར་སོང་བ་དང་། ཡང་དག་པར་ཞུགས་པ་
D56.040.0284a04.01དང་། ཚུལ་ཁྲིམས་དང་ལྡན་པ་དང་། དགེ་བའི་ཆོས་ཅན་དང་། མང་དུ་ཐོས་པ་དང་། ཐོས་པ་ལ་བརྩོན་པ་དང་། ཚུལ་བཞིན་ཡིད་ལ་བྱེད་པ་དང་ལྡན་པ་དང་། དུལ་བ་དང་། ཞི་བ་དང་། ཉེ་བར་ཞི་བ་དང་། རྩོད་པའི་སྨྲ་བ་མེད་པ་དང་། མི་སྙན་པར་སྨྲ་བ་མེད་པ་དང་། བསམ་
D56.040.0284a05.01པ་དགེ་ཞིང་མི་དགེ་བའི་བསམ་པ་མེད་པ་དང་། དགེ་བ་ལ་ཡང་དག་པར་སྦྱོར་བ་དང་། མི་དགེ་བའི་ཆོས་ཐམས་ཅད་ཡོངས་སུ་སྤངས་པ་དང་། རྒོད་པ་མེད་པ་དང་། ཁེངས་པ་མ་ཡིན་པ་དང་། ཡབ་ཡབ་པོ་མེད་པ་དང་། མུ་ཅོར་མི་སྨྲ་བ་དང་། ཚིག་མ་འདྲེས་པ་དང་། དྲན་
D56.040.0284a06.01པ་ཉེ་བར་གནས་པ་དང་། སེམས་ཤིན་ཏུ་མཉམ་པར་གཞག་པ་དེ་དག་དང་། ཇི་ལྟར་སྲིད་པར་འདྲེན་པ་བཅད་པ་དང་། ཟུག་རྔུ་ཕྱུང་བ་དང་། ཁུར་བོར་བ་དང་། ཐེ་ཚོམ་ལས་རྒལ་བ་དང་། སོམ་ཉི་ལས་རྒལ་བ་དང་། ཡང་སྲིད་པ་ཟད་པའི་སངས་རྒྱས་བཅོམ་ལྡན་འདས་
D56.040.0284a07.01