完整藏文原文 · 德格版页 当前仅加载第 40 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་རྣམས་འདུས་བྱས་དང་། འདུས་མ་བྱས་ཀྱི་ཁམས་ཞེས་བྱ་བའི་ཆོས་འདི་ནི་བྱིས་པ་སོ་སོའི་སྐྱེ་བོ་ཐམས་ཅད་ཀྱི་འདོད་པ་ཙམ་མོ། །དེ་བས་ན་ཁྱིམ་བདག་ཁྱེད་རྣམས་མི་འདོད་པར་གྱིས་ཤིག་མི་འདོད་པར་གྱུར་ནས་བུ་དང་ཆུང་མ་རྣམས་ཉེ་བར་མ་ལེན་ཅིག །ནོར་
D56.040.0271a01.01རྣམས་མ་ལེན་ཅིག །དེ་དག་མི་ལེན་པར་གྱུར་ནས་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་གྱིས་ཤིག །དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་མི་འདོད་པར་གྱིས་ཤིག །ཁྱིམ་བདག་རྣམས་རབ་ཏུ་བྱུང་བའི་མི་འདོད་པ་གང་ཞེ་ན་གང་སོ་སོར་ཐར་བའི་སྡོམ་པས་བསྡམས་ཤིང་ཆོ་ག་དང་།
D56.040.0271a02.01སྤྱོད་ཡུལ་ཕུན་སུམ་ཚོགས་པ། ཁ་ན་མ་ཐོ་བ་རྡུལ་ཙམ་ལ་ཡང་འཇིགས་པར་ལྟ་ཞིང་བསླབ་པའི་གཞི་ཡང་དག་པར་བཟུང་ནས་སློབ་སྟེ། ཚུལ་ཁྲིམས་དང་ལྡན་པར་གནས་པའོ། །ཚུལ་ཁྲིམས་ཀྱི་ཕུང་པོ་དང་ལྡན་པ་ནི་མིག་མི་ལེན། རྣ་བ་དང་། སྣ་དང་། ལྕེ་དང་། ལུས་དང་།
D56.040.0271a03.01ཡིད་མི་ལེན། གཟུགས་མི་ལེན། སྒྲ་དང་། དྲི་དང་། རོ་དང་། རེག་བྱ་དང་། ཆོས་མི་ལེན། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་ཕུང་པོ་མི་ལེན། སའི་ཁམས་མི་ལེན། ཆུའི་ཁམས་མི་ལེན། མེའི་ཁམས་དང་།
D56.040.0271a04.01རླུང་གི་ཁམས་དང་ནམ་མཁའི་ཁམས་དང་། རྣམ་པར་ཤེས་པའི་ཁམས་མི་ལེན་ཏེ། ཁྱིམ་བདག་རྣམས་འདི་ནི་རབ་ཏུ་བྱུང་བའི་མི་འདོད་པའོ། །མི་འདོད་ནས་མིག་གི་ཁམས་མི་ལེན་ཏོ། །གོང་མ་བཞིན་དུ་སྦྱར་ཏེ། ཡིད་ཀྱི་ཁམས་ཀྱི་བར་དུ་མི་ལེན་ཏེ། གོང་མ་བཞིན་དུ་སྦྱར་ཏེ།
D56.040.0271a05.01གང་མི་ལེན་པ་དེ་ཡོངས་སུ་མི་སྤོང་ངོ་། །ཅི་ཡོངས་སུ་མི་སྤོང་ཞེ་ན། མིག་ཡོངས་སུ་མི་སྤོང་། རྣ་བ་དང་སྣ་དང་ལྕེ་དང་། ལུས་དང་ཡིད་ཡོངས་སུ་མི་སྤོང་། གཟུགས་ཡོངས་སུ་མི་སྤོང་། སྒྲ་དང་། དྲི་དང་། རོ་དང་། རེག་བྱ་དང་། ཆོས་ཡོངས་སུ་མི་སྤོང་། གཟུགས་
D56.040.0271a06.01ཀྱི་ཕུང་པོ་ཡོངས་སུ་མི་སྤོང་། ཚོར་བའི་ཕུང་པོ་ཡོངས་སུ་མི་སྤོང་། འདུ་ཤེས་ཀྱི་ཕུང་པོ་ཡོངས་སུ་མི་སྤོང་། འདུ་བྱེད་ཀྱི་ཕུང་པོ་ཡོངས་སུ་མི་སྤོང་། རྣམ་པར་ཤེས་པའི་ཕུང་པོ་ཡོངས་སུ་མི་སྤོང་། སའི་ཁམས་ཡོངས་སུ་མི་སྤོང་། ཆུའི་ཁམས་ཡོངས་སུ་མི་སྤོང་། མེའི་
D56.040.0271a07.01