完整藏文原文 · 德格版页 当前仅加载第 40 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གནོད་པ་བྱས་ཞེས་སེམས་ལ་ཀུན་ནས་མནར་སེམས་སྐྱེ་བ་དང་། བདག་གི་མཛའ་བོ་ལ་གནོད་པ་བྱེད་དོ་ཞེས་སེམས་ལ་ཀུན་ནས་མནར་སེམས་སྐྱེ་བ་དང་། བདག་གི་མཛའ་བོ་ལ་གནོད་པ་བྱེད་པར་འགྱུར་རོ་ཞེས་སེམས་ལ་ཀུན་ནས་མནར་སེམས་སྐྱེ་བ་དང་། བདག་དང་
D56.040.0264a01.01མི་མཛའ་བའི་དོན་བྱས་སོ་ཞེས་སེམས་ལ་ཀུན་ནས་མནར་སེམས་སྐྱེ་བ་དང་། བདག་དང་མི་མཛའ་བའི་དོན་བྱེད་དོ་ཞེས་སེམས་ལ་ཀུན་ནས་མནར་སེམས་སྐྱེ་བ་དང་། བདག་དང་མི་མཛའ་བའི་དོན་བྱེད་པར་འགྱུར་རོ་ཞེས་སེམས་ལ་ཀུན་ནས་མནར་སེམས་སྐྱེ་བ་དང་། གནོད་པའི་རབ་ཏུ་སྡང་
D56.040.0264a02.01བ་ཉིད་དང་བཅུ་སྟེ། ཁྱིམ་བདག་ཁྱེད་རྣམས་ཀུན་ནས་མནར་སེམས་ཀྱི་དངོས་པོ་བཅུ་པོ་འདི་དག་ལས་ཐར་བར་འདོད་དམ། གཞན་ཡང་ཁྱིམ་བདག་ཁྱེད་རྣམས་ལྟ་བ་སྣ་ཚོགས་སུ་གྱུར་པ། ལྟ་བ་ངན་པའི་ཐིབས་པོ་བཅུ་ལས་ཐར་བར་འདོད་དམ། བཅུ་གང་ཞེ་ན། འདི་ལྟ་སྟེ། བདག་ཏུ་ལྟ་བར་
D56.040.0264a03.01གྱུར་པ་ལྟ་བ་ངན་པ་ཐིབས་པོ་དང་། སེམས་ཅན་དུ་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། སྲོག་ཏུ་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། གང་ཟག་ཏུ་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། ཆད་པར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། རྟག་པར་ལྟ་བར་གྱུར་པ་ལྟ་བ་
D56.040.0264a04.01ངན་པ་ཐིབས་པོ་དང་། བྱ་བ་མེད་པར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། རྒྱུ་མེད་པར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། མི་མཐུན་པའི་རྒྱུར་ལྟ་བར་གྱུར་པ་ལྟ་བ་ངན་པ་ཐིབས་པོ་དང་། ལོག་པར་ལྟ་བར་གྱུར་པ་ལྟ་བ་ངན་པ་ཐིབས་པོ་སྟེ། ཁྱིམ་བདག་ཁྱེད་རྣམས་
D56.040.0264a05.01ལྟ་བར་གྱུར་པ་ལྟ་བ་ངན་པ་ཐིབས་པོ་བཅུ་པོ་འདི་དག་ལས་ཐར་བར་འདོད་དམ། གཞན་ཡང་ཁྱིམ་བདག་ཁྱེད་རྣམས་ཟུག་རྔུ་བཅུ་ལས་ཐར་བར་འདོད་དམ། བཅུ་གང་ཞེ་ན། འདི་ལྟ་སྟེ། སྲིད་པའི་ཟུག་རྔུ་དང་། མ་རིག་པའི་ཟུག་རྔུ་དང་། འདོད་པའི་ཟུག་རྔུ་དང་། འདོད་ཆགས་ཀྱི་
D56.040.0264a06.01ཟུག་རྔུ་དང་། ཞེ་སྡང་གི་ཟུག་རྔུ་དང་། གཏི་མུག་གི་ཟུག་རྔུ་དང་། ང་རྒྱལ་གྱི་ཟུག་རྔུ་དང་། ལྟ་བའི་ཟུག་རྔུ་དང་། འབྱུང་བའི་ཟུག་རྔུ་དང་། འཇིགས་པའི་ཟུག་རྔུ་དང་བཅུ་སྟེ། ཁྱིམ་བདག་ཁྱེད་རྣམས་ཟུག་རྔུ་བཅུ་པོ་འདི་དག་ལས་ཐར་བར་འདོད་དམ། གཞན་ཡང་ཁྱིམ་བདག་ཁྱེད་རྣམས་
D56.040.0264a07.01