完整藏文原文 · 德格版页 当前仅加载第 40 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་ཀྱིས་དོན་དེ་ཉིད་རྒྱ་ཆེར་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་གསུངས་སོ། །བྱིས་པ་སོ་སོའི་སྐྱེ་བོ་ཀུན། །བདག་ཏུ་ལྟ་དང་སེམས་ཅན་ལྟ། །སྲོག་ཏུ་ལྟ་བ་རྣམས་ཀྱི་ཡང་། །ལྟ་བ་ཐིབས་པོས་རབ་ཏུ་གཡོགས། །རྟག་དང་ཆད་པར་
D56.040.0259b01.01ལྟ་བ་དང་། །བྱ་མེད་ལྟ་ལ་གནས་པ་དག །ཡང་དག་ལྟ་བར་དགོད་དོ་ཞེས། །དེ་ཕྱིར་ང་ནི་རབ་ཏུ་བྱུང་། །ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་ཟུག་རྔུ་ཆེན་པོ་བཅུས་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་དུ་ཟུག་རྔུས་ཟུག་པར་མཐོང་སྟེ། བཅུ་གང་ཞེ་ན། འདི་
D56.040.0259b02.01ལྟ་སྟེ། སྲིད་པའི་ཟུག་རྔུ་དང་། མ་རིག་པའི་ཟུག་རྔུ་དང་། འདོད་པའི་ཟུག་རྔུ་དང་། འདོད་ཆགས་ཀྱི་ཟུག་རྔུ་དང་། ཞེ་སྡང་གི་ཟུག་རྔུ་དང་། གཏི་མུག་གི་ཟུག་རྔུ་དང་། ང་རྒྱལ་གྱི་ཟུག་རྔུ་དང་། ལྟ་བའི་ཟུག་རྔུ་དང་། འབྱུང་བའི་ཟུག་རྔུ་དང་། འཇིག་པའི་ཟུག་རྔུ་དང་བཅུའོ། །ཁྱིམ་
D56.040.0259b03.01བདག་ཟུག་རྔུ་ཆེན་པོ་བཅུ་པོ་ནི་དེ་དག་ཡིན་ཏེ། ཟུག་རྔུ་ཐམས་ཅད་བསལ་བའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་བྱའོ་ཞེས་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །སྲིད་
D56.040.0259b04.01པའི་ཟུག་རྔུས་ཟུག་པ་རྣམས། །ཐོག་མའི་མཐའ་ནི་མི་ཤེས་ཏེ། །མ་རིག་པ་ཡིས་ལྡོངས་བྱས་ནས། །མུན་པ་ནས་ནི་མུན་པར་འགྲོ། །སྲེད་པའི་ཟུག་རྔུས་ཟུག་པ་དང་། །འདོད་ཆགས་ཟུག་རྔུས་རྒྱུས་པ་དང་། །ཞེ་སྡང་ཟུག་རྔུས་བརྒྱལ་བས་ན། །ཕུང་པོ་དག་ནི་ལེན་
D56.040.0259b05.01པར་བྱེད། །གཏི་མུག་གི་ནི་ཟུག་རྔུས་དཀྲིས། །ང་རྒྱལ་དག་གི་ཟུག་རྔུས་སྙེམས། །འབྱུང་བ་དང་ནི་འཇིག་པ་ན། །ལྟ་བའི་ཟུག་རྔུས་མི་འཕྲོད་འགྱུར། །བྱིས་པ་སོ་སོའི་སྐྱེ་བོ་ཀུན། །ཕན་ཚུན་ཚིག་གི་མཚོན་ཆ་ཡིས། །འདི་ནི་{བརྫུན་,རྫུན་}གྱིས་འདི་བདེན་ཞེས། །ཕན་ཚུན་དུ་ནི་
D56.040.0259b06.01རྩོད་པར་བྱེད། །ཟུག་རྔུས་ཟུག་པའི་སེམས་ཅན་གྱི། །སྐྱབས་དང་དཔུང་གཉེན་འགྱུར་བ་ཡི། །ཟུག་རྔུ་འབྱིན་པ་དེ་བཞིན་གཤེགས། །འཇིག་རྟེན་འདིར་ནི་འབྱུང་བར་འགྱུར། །གཞན་ཡང་ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི། སྲེད་པའི་རྩ་བ་ལས་བྱུང་བའི་ཆོས་བཅུ་
D56.040.0259b07.01