完整藏文原文 · 德格版页 当前仅加载第 40 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ། །འཇིག་རྟེན་འདི་དག་ཕལ་ཆེར་ནི། །ཀུན་ནས་ཉོན་མོངས་བཅུ་ཡིས་གཟིར། །འདུས་བྱས་ཀུན་ནས་ཉོན་མོངས་དགའ། །ནམ་ཡང་སྐྱོ་བར་བྱེད་མི་འགྱུར། །བྱིས་པ་སོ་སོའི་སྐྱེ་བོ་
D56.040.0261b01.01ཀུན། །སེར་སྣའི་དྲི་མས་ཉོན་མོངས་ཏེ། །བསླབ་པ་ཡང་དག་བཟུང་ནས་ཀྱང་། །སྡོམ་པ་མེད་ཅིང་ཉམས་པར་སྤྱོད། །བྱིས་པ་བཟོད་ལ་རྒྱབ་ཀྱིས་ཕྱོགས། །བརྩོན་འགྲུས་ཆུང་བ་ལེ་ལོ་ཅན། །སེམས་ཀྱང་གནས་པ་མ་ཡིན་པ། །ཤེས་རབ་འཆལ་བ་བླུན་ཞིང་རྨོངས། །ཕ་
D56.040.0261b02.01དང་མ་དང་ཕུ་བོ་དང་། །བླ་མ་ལ་ནི་སྲི་ཞུ་སྤངས། །འཇིག་རྟེན་སྣང་མཛད་སངས་རྒྱས་དག །མཐོང་ནས་བློ་ངན་ནེམ་ནུར་བྱེད། །ཟབ་མོ་རྒྱལ་བས་གསུངས་པ་ཡི། །དམ་པའི་ཆོས་ནི་སྤོང་བར་བྱེད། །མུན་པའི་ཕུང་པོས་རབ་ཏུ་ཁེབས། །འཕགས་པའི་ཚོགས་ལ་གུས་མི་བྱེད། །ཀུན་ནས་
D56.040.0261b03.01ཉོན་མོངས་འདི་གཟིགས་ནས། །འདུས་བྱས་གང་ལའང་མི་དགའ་སྟེ། །ཉོན་མོངས་མེད་པ་འདུས་མ་བྱས། །མྱ་ངན་འདས་པ་ཐོབ་པར་བྱ། །གཞན་ཡང་ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་འདི་ལྟ་སྟེ། ཕྲག་དོག་དང་སེར་སྣའི་ཀུན་ཏུ་སྦྱོར་བ་དང་ལྡན་པར་ཤེས། ཀྱེ་
D56.040.0261b04.01མའོ་ཁྱིམ་བདག་འཇིག་རྟེན་གནས་པ་འདི་ནི་འདི་ལྟ་སྟེ། མ་རིག་པའི་ལིང་ཏོག་གིས་ཁེབས་པར་མཐོང་། ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་འདི་ལྟ་སྟེ། གཏི་མུག་གི་འོབས་སུ་ནུབ་པར་མཐོང་། ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་འདི་ལྟ་སྟེ། འདོད་པའི་ཀླུང་གིས་
D56.040.0261b05.01དེད་པར་མཐོང་། ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་འདི་ལྟ་སྟེ། འདོད་པའི་ཟུག་རྔུས་གཤིས་སུ་ཟུག་པར་མཐོང་། ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་འདི་ལྟ་སྟེ། ཁྲོ་བ་དང་འཁོན་དུ་འཛིན་པའི་དུ་བས་ཤིན་ཏུ་བདུགས་པར་མཐོང་། ཀྱེ་མའོ་ཁྱིམ་བདག་འཇིག་རྟེན་
D56.040.0261b06.01གནས་པ་འདི་ནི་འདི་ལྟ་སྟེ། འདོད་ཆགས་ཀྱི་མེས་ཀུན་ཏུ་འབར་བར་མཐོང་། ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་འདི་ལྟ་སྟེ། ཞེ་སྡང་གི་དུག་གིས་ཀུན་ཏུ་ཁེབས་པར་མཐོང་། ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་འདི་ལྟ་སྟེ། སྒྲིབ་པའི་ཚེར་མས་བསྐོར་བར་མཐོང་། ཀྱེ་
D56.040.0261b07.01