完整藏文原文 · 德格版页 当前仅加载第 40 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་ཞེས་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །དེ་ནས་བཅོམ་ལྡན་འདས་ཀྱིས་དོན་དེ་ཉིད་རྒྱ་ཆེར་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་གསུངས་སོ། །སྲོག་གཅོད་པ་ཡི་སེམས་ཅན་དང་། །གཞན་གྱི་
D56.040.0261a01.01ནོར་ལ་ཕྲོག་པ་དང་། །འདོད་ལ་ལོག་པར་གཡེམ་པ་དག །སེམས་ཅན་དམྱལ་བར་མྱུར་དུ་འགྲོ། །དབྱེན་བྱེད་པ་དང་ཚིག་རྩུབ་དང་། །{བརྫུན་,རྫུན་}དུ་སྨྲ་ཞིང་མི་སྡོམ་པ། །བྱིས་པ་ཀྱལ་བ་སྨྲ་བ་རྣམས། །སོ་སོ་སྐྱེ་བོ་སླུ་བས་བཅིངས། །གཞན་གྱི་སྤྱོད་ལ་བརྣབ་སེམས་དང་། །གནོད་
D56.040.0261a02.01སེམས་དག་ནི་མང་བ་དང་། །མི་མང་ལྟ་བ་ལོག་ཞུགས་པ། །ངན་འགྲོ་དག་ཏུ་འགྲོ་བར་འགྱུར། །ལུས་ཀྱིས་སྡིག་པ་རྣམ་གསུམ་དང་། །ངག་གིས་སྡིག་པ་རྣམ་བཞི་དང་། །ཡིད་ཀྱིས་སྡིག་པ་རྣམ་གསུམ་ནི། །སྡིག་བྱེད་པ་དག་རབ་ཏུ་བྱེད། །སྡིག་པའི་ལས་རྣམས་བྱས་པས་ན། །
D56.040.0261a03.01དེ་ཕྱིར་ངན་འགྲོར་འགྲོ་བར་འགྱུར། །ཅི་ནས་ངན་འགྲོར་མི་གཏང་བར། །བསྐྱབ་པའི་ཕྱིར་ནི་རབ་ཏུ་བྱུང་། །གཞན་ཡང་ཀྱེ་མའོ་ཁྱིམ་བདག་འཇིག་རྟེན་གནས་པ་འདི་ནི་ཀུན་ནས་ཉོན་མོངས་པ་བཅུ་དག་གིས་ཉོན་མོངས་པ་དང་། ཉེ་བའི་ཉོན་མོངས་པ་དང་། ཀུན་ནས་ཉོན་མོངས་པའི་
D56.040.0261a04.01དྲི་མ་དང་ལྡན་པར་མཐོང་སྟེ། བཅུ་གང་ཞེ་ན། འདི་ལྟ་སྟེ། སེར་སྣའི་དྲི་མ་ཀུན་ནས་ཉོན་མོངས་པ་དང་། འཆལ་བའི་ཚུལ་ཁྲིམས་ཀྱི་དྲི་མ་ཀུན་ནས་ཉོན་མོངས་པ་དང་། གནོད་སེམས་ཀྱི་དྲི་མ་ཀུན་ནས་ཉོན་མོངས་པ་དང་། ལེ་ལོའི་དྲི་མ་ཀུན་ནས་ཉོན་མོངས་པ་དང་། གཡེང་བའི་
D56.040.0261a05.01དྲི་མ་ཀུན་ནས་ཉོན་མོངས་པ་དང་། འཆལ་བའི་ཤེས་རབ་ཀྱི་དྲི་མ་ཀུན་ནས་ཉོན་མོངས་པ་དང་། སྲི་ཞུ་མེད་པའི་དྲི་མ་ཀུན་ནས་ཉོན་མོངས་པ་དང་། ཐེ་ཚོམ་གྱི་དྲི་མ་ཀུན་ནས་ཉོན་མོངས་པ་དང་། མ་མོས་པའི་དྲི་མ་ཀུན་ནས་ཉོན་མོངས་པ་དང་། །མ་གུས་པའི་དྲི་མ་ཀུན་ནས་ཉོན་
D56.040.0261a06.01མོངས་པ་དང་བཅུ་སྟེ། ཁྱིམ་བདག་འཇིག་རྟེན་གནས་པ་འདི་ནི་ཀུན་ནས་ཉོན་མོངས་པ་བཅུ་པོ་དེ་དག་གིས་ཀུན་ནས་ཉོན་མོངས་པར་མཐོང་ནས་ཀུན་ནས་ཉོན་མོངས་པ་མེད་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ། །ཞེས་དད་པས་
D56.040.0261a07.01