完整藏文原文 · 德格版页 当前仅加载第 40 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན། སྟོབས་སུ་སྒྲོ་བཏགས་པས་རབ་ཏུ་ཕྱེ་བ་མ་ཡིན། མི་འཇིགས་པས་རབ་ཏུ་ཕྱེ་བ་མ་ཡིན། སོ་སོ་ཡང་དག་པར་རིག་པས་རབ་ཏུ་ཕྱེ་བ་མ་ཡིན། རྫུ་འཕྲུལ་གྱིས་རབ་ཏུ་ཕྱེ་བ་མ་ཡིན། སྙིང་རྗེ་ཆེན་པོས་རབ་ཏུ་ཕྱེ་བ་མ་ཡིན། སངས་རྒྱས་ཀྱི་ཆོས་མ་འདྲེས་པར་སྒྲོ་བཏགས་པས་རབ་ཏུ་ཕྱེ་བ་མ་ཡིན་ཏེ། སྒྱུ་
D56.040.0290a01.01མ་དང་། སྨིག་རྒྱུ་དང་། ཆུ་ཟླ་དང་། རྨི་ལམ་གྱི་རང་བཞིན་ལྟ་བུར་སྐྱེ་བའི་སྐུའོ། །སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ལས་བྱུང་བའི་སྐུའོ། །མི་འགྱུར་བའི་སྐུའོ། །མི་འཁྲུགས་པའི་སྐུའོ། །རྣམ་པར་མི་རྟོག་པའི་སྐུའོ། །མི་གནས་པའི་སྐུའོ། །མི་སྙེམས་པའི་སྐུའོ། །གནས་པ་དང་རབ་ཏུ་གནས་པ་
D56.040.0290a02.01དང་མི་གཡོ་བ་ཐོབ་པའི་སྐུའོ། །གཟུགས་མེད་པ་གཟུགས་ཀྱི་རང་བཞིན་མ་ཡིན་པའི་སྐུའོ། །ཚོར་བ་མ་ཡིན། འདུ་ཤེས་མ་ཡིན། འདུ་བྱེད་མ་ཡིན། རྣམ་པར་ཤེས་པ་མ་ཡིན། རྣམ་པར་ཤེས་པའི་རང་བཞིན་མ་ཡིན་པའི་སྐུའོ། །བྱུང་བ་མ་ཡིན། ཀུན་ཏུ་བྱུང་བ་མ་ཡིན། མ་བྱུང་བ་མ་ཡིན་པའི་སྐུའོ། །རྨད་དུ་བྱུང་
D56.040.0290a03.01བ་རྨད་དུ་བྱུང་བའི་ཆོས་ཀྱི་སྐུའོ། །མིག་ལས་བྱུང་བ་མ་ཡིན། གཟུགས་སུ་གཏོགས་པ་མ་ཡིན། ཕྱི་རོལ་མ་ཡིན། རྣ་བ་ལ་གནས་པ་མ་ཡིན། སྒྲར་གཏོགས་པ་མ་ཡིན། ཕྱི་རོལ་མ་ཡིན། སྣས་རྣམ་པར་ཤེས་པར་བྱ་བ་མ་ཡིན། དྲིར་གཏོགས་པ་མ་ཡིན། ཕྱི་རོལ་མ་ཡིན། ལྕེས་བསྐྱེད་པ་མ་ཡིན། རོར་
D56.040.0290a04.01གཏོགས་པ་མ་ཡིན། ཕྱི་རོལ་མ་ཡིན། ལུས་དང་ལྡན་པ་མ་ཡིན། རེག་བྱར་གཏོགས་པ་མ་ཡིན། ཕྱི་རོལ་མ་ཡིན། སེམས་ལ་འཇུག་པ་མ་ཡིན། ཡིད་ལ་འཇུག་པ་མ་ཡིན། རྣམ་པར་ཤེས་པ་ལ་འཇུག་པ་མ་ཡིན། ལྡོག་པ་མ་ཡིན། རྗེས་སུ་འཇུག་པ་མ་ཡིན། གནས་པ་དང་མི་གཡོ་བ་ཐོབ་པ། ཆོས་ཀྱི་
D56.040.0290a05.01དབྱིངས་ཀྱིས་ཀླས་པ། ནམ་མཁའི་ཁམས་ཀྱི་མཐས་གཏུགས་པ། ནམ་མཁའ་དང་མཉམ་པའི་སྐུ་སྟེ། ཤཱ་རིའི་བུ་འདི་ནི་དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་སྐུ་བསམ་གྱིས་མི་ཁྱབ་པ་སྟེ། དེ་ལ་བྱང་ཆུབ་སེམས་དཔའ་མངོན་པར་དང་། ཡིད་ཆེས། རབ་ཏུ་རྟོག །ཐེ་ཚོམ་མི་ཟ།
D56.040.0290a06.01རྒྱ་ཆེར་དགའ་མགུ་སྟེ་རངས་པ་རྙེད་ནས་ངོ་མཚར་དང་རྨད་དུ་འདུ་ཤེས་སྐྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས་སྟོན་པས་གཞན་ཡང་འདི་སྐད་གསུང་ངོ་། །བསྐལ་པ་བྱེ་བ་ཁྲག་ཁྲིག་དཔག་མེད་པར། །བྱང་ཆུབ་སེམས་དཔའི་སྤྱོད་པ་རྣམ་སྤྱད་ཅིང་། །
D56.040.0290a07.01