完整藏文原文 · 德格版页 当前仅加载第 43 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུ་ཐོབ་པར་འགྱུར་བ་དང་། མ་འོངས་པ་ན་བདག་གིས་སངས་རྒྱས་ཀྱི་ཆོས་མཐོང་བའི་རྒྱུར་འགྱུར་བའོ། །འོད་སྲུང་དེ་ལ་སྐྱེས་བུ་བླུན་པོ་ཁ་ཅིག་དེ་བཞིན་གཤེགས་པའི་སྤྱན་སྔར་གོས་ངུར་སྨྲིག་དག་བགོས་ཤིང་རབ་ཏུ་བྱུང་བ་དང་བསྙེན་པར་རྫོགས་
D67.043.0070a01.01པ་དགེ་སློང་གི་དངོས་པོ་ཁས་བླངས་ཏེ་བསླབ་པ་རྣམས་བླངས་ནས་གནས་ཁང་དུ་སོང་ངམ། ཕུག་ཏུ་སོང་སྟེ་སྒོ་བཅད་ནས་འདོད་པའི་རྣམ་པར་རྟོག་པ་དག་ལ་རྣམ་པར་རྟོག་པར་བྱེད་ཅིང་། གནོད་སེམས་ཀྱི་རྣམ་པར་རྟོག་པ་དག་དང་། རྣམ་པར་འཚེ་བའི་རྣམ་པར་རྟོག་པ་དག་
D67.043.0070a02.01དང་། ལྷུང་བཟེད་དང་། ཆོས་གོས་ཀྱི་རྣམ་པར་རྟོག་པ་དག་དང་། མཛའ་བཤེས་ཀྱི་ཁྱིམ་དང་། སློང་མོ་སྟེར་བའི་ཁྱིམ་གྱི་རྣམ་པར་རྟོག་པ་དག་ལ་རྣམ་པར་རྟོག་པར་ཡང་བྱེད་ལ། དེ་དག་འདི་སྙམ་དུ་ཡང་སེམས་ཏེ། བདག་ཅག་ནི་དེ་བཞིན་གཤེགས་པས་མི་མཁྱེན་
D67.043.0070a03.01མི་རིག་རྣམ་པར་མི་རྟོགས་སོ། །སྙམ་དུ་ཡང་སེམས་སོ། །འོད་སྲུང་གང་གི་ཚེ་དགེ་སློང་གནས་ཁང་ན་འདུག་ཀྱང་རུང་། ཕུག་ན་འདུག་ཀྱང་རུང་། འཆག་ས་ན་འདུག་ཀྱང་རུང་སྟེ། འདོད་པའི་རྣམ་པར་རྟོག་པ་དག་གམ། གནོད་སེམས་ཀྱི་རྣམ་པར་རྟོག་པ་དག་གམ། རྣམ་པར་འཚེ་བའི་
D67.043.0070a04.01རྣམ་པར་རྟོག་པ་དག་གམ། མི་དགེ་བའི་རྣམ་པར་རྟོག་པ་རྣམ་པ་སྣ་ཚོགས་དག་ལ་རྣམ་པར་རྟོག་པར་བྱེད་པ་དེའི་ཚེ་གནས་ཁང་ངམ། ཕུག་གམ། འཆག་ས་དེ་ན་ལྷ་གང་དག་གཉུག་མ་གཉུག་མར་གནས་པ་དེ་དག་གིས་དགེ་སློང་དེའི་སེམས་སེམས་ཀྱིས་
D67.043.0070a05.01ཤེས་ནས་དེ་དག་འདི་སྙམ་དུ་དགེ་སློང་འདི་གང་གི་ཕྱིར་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ལ་སྡིག་པ་མི་དགེ་བའི་རྣམ་པར་རྟོག་པ་དེ་ལྟ་བུ་དག་ལ་རྣམ་པར་རྟོག་པར་བྱེད་པ་ནི་མི་རིགས་སོ་སྙམ་ནས་ཡི་མ་རངས་པ་དང་། སྡུག་བསྔལ་བ་དང་། ཡིད་མི་བདེ་
D67.043.0070a06.01བར་འགྱུར་ཏེ། འོད་སྲུང་དེ་ལ་ལྷ་དེ་དག་ལས་ཁ་ཅིག་ནི་སྐུལ་བར་ཡང་བྱེད། ཁ་ཅིག་གིས་ནི་སྣོད་མ་ཡིན་པར་རིག་ནས་ཁྱད་དུ་བསད་དེ་འཁོད་པར་ཡང་བྱེད་དོ། །འོད་སྲུང་ལྟོས། དགེ་བའི་རྩ་བ་ཆུང་ངུ་དང་། ཤེས་པ་ཆུང་ངུ་དང་ལྡན་པའི་ལྷ་དེ་དག་གིས་ཀྱང་གཞན་གྱི་
D67.043.0070a07.01