完整藏文原文 · 德格版页 当前仅加载第 43 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
པས་དེ་ནི་གཉིས་ཀྱིས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་ཟག་པ་མེད་པའི་མཚན་ཉིད་ཡིན་པས་དེ་ནི་ཟག་པ་མངོན་པར་འདུ་བྱ་བས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་སྟོང་པ་ཉིད་ཀྱིས་ཡོངས་
D67.043.0104b01.01སུ་བསྒོས་པ་ཡིན་པས་དེ་ནི་བདག་ཏུ་ལྟ་བའམ། སེམས་ཅན་དུ་ལྟ་བའམ། སྲོག་ཏུ་ལྟ་བ་འམ། གང་ཟག་ཏུ་ལྟ་བ་འམ། ཆད་པར་ལྟ་བ་འམ། རྟག་པར་ལྟ་བ་འམ། ངར་འཛིན་པར་ལྟ་བའམ། ང་ཡིར་འཛིན་པར་ལྟ་བ་འམ། འབྱུང་བར་ལྟ་བ་འམ། འཇིག་
D67.043.0104b02.01པར་ལྟ་བས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་མཚན་མ་མེད་པའི་མཚན་ཉིད་ཡིན་པས་དེ་ནི་མཚན་མའི་སྤྱོད་ཡུལ་གྱིས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་སྨོན་པ་མེད་པའི་མཚན་ཉིད་
D67.043.0104b03.01ཡིན་པས་དེ་ནི་སྨོན་པ་ལ་གནས་པས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་དངོས་པོ་མེད་པའི་མཚན་ཉིད་ཡིན་པས་དེ་ནི་དངོས་པོའི་འདུ་ཤེས་ལ་གནས་པས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་
D67.043.0104b04.01གཡོ་བ་མེད་པའི་མཚན་ཉིད་ཡིན་པས་དེ་ནི་གཡོ་ཞིང་འགུལ་བའི་བློ་རྣམས་ཀྱིས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་མངོན་པར་འདུས་མ་བྱས་པའི་མཚན་ཉིད་ཡིན་པས་དེ་ནི་འདུས་བྱས་ལ་གནས་པས་མཆོད་པར་སླ་བ་མ་ཡིན་ནོ། །གྲོགས་
D67.043.0104b05.01པོ་དག་དེ་བཞིན་གཤེགས་པའི་སྐུ་ནི་འདོད་ཆགས་དང་བྲལ་བའི་མཚན་ཉིད་ཡིན་པས་དེ་ནི་འདོད་ཆགས་སྤྱོད་པས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་ཞེ་སྡང་དང་བྲལ་བའི་མཚན་ཉིད་ཡིན་པས་དེ་ནི་གནོད་སེམས་དང་། ཐ་བའི་ཉེས་
D67.043.0104b06.01པ་ལ་གནས་པས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་གཏི་མུག་དང་བྲལ་བའི་མཚན་ཉིད་ཡིན་པས་དེ་ནི་ཤེས་རབ་འཆལ་བ་དང་། རྨོངས་པ་དང་། མི་ཤེས་པ་རྣམས་ཀྱིས་མཆོད་པར་སླ་བ་མ་ཡིན་ནོ། །གྲོགས་པོ་དག་དེ་བཞིན་
D67.043.0104b07.01