完整藏文原文 · 德格版页 当前仅加载第 43 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་པར་བྱའོ། །གལ་ཏེ་ཁྱོད་སོང་ནས་གྲོང་ཁྱེར་དེ་ནས་ཆ་བླངས་ཏེ་ཉིན་མཚན་བདུན་གྱིས་ཕྱིར་མ་འོངས་ན་ཁྱོད་ལ་ཅུང་ཟད་ཀྱང་སྦྱིན་པར་མི་བྱའི་སྟེང་དུ། ཁྱོད་བུ་གཅིག་པ་དང་བཅས། ཆུང་མ་དང་བཅས། འཁོར་དང་བཅས་ཏེ། ཆད་པས་བཅད་པ་དང་། སྲོག་དང་བྲལ་
D67.043.0084a01.01ཞིང་གསད་པར་བྱའོ། །ཞེས་བསྒོ་བར་གྱུར་ན། བྱམས་པ་འདི་ཇི་སྙམ་དུ་སེམས། ཁྱིམ་བདག་དེ་དེ་སྐད་བསྒོ་བ་ན་བདག་ཕངས་པ་དང་ལྡན་པ་དང་། བུ་ཕངས་པ་དང་ལྡན་པ་དང་། ཆུང་མ་ཕངས་པ་དང་ལྡན་པ་དང་། འཁོར་ཕངས་པ་དང་ལྡན་པ་དང་། ནོར་ཕངས་པ་དང་ལྡན་པས་སྟོབས་
D67.043.0084a02.01དང་ལྡན་པའི་རྩོམ་པ་དང་། སྟོབས་དང་ལྡན་པའི་མགྱོགས་པས་གྲོང་ཁྱེར་དེར་འགྲོ་བར་འགྱུར་སྙམ་འམ། བྱམས་པས་གསོལ་པ། བཅོམ་ལྡན་འདས་དེ་ལྟ་ལགས་སོ། །བདེ་བར་གཤེགས་པ་དེ་ལྟ་ལགས་ཏེ། བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན་དེ་ནི་དོན་
D67.043.0084a03.01དེ་ཡོངས་སུ་མ་གྲུབ་ཀྱི་བར་དུ་སེམས་རྣམ་པར་གཡེང་བར་མི་བགྱིད། ཟས་ཀྱི་འདུ་ཤེས་སྐྱེད་པར་མི་བགྱིད། རྨུགས་པ་དང་གཉིད་ཀྱི་སེམས་སྐྱེད་པར་མི་བགྱིད་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་དེའི་སླད་རོལ་གྱི་དངོས་པོ་གཞན་དག་ལྟ་ཞོག་ལགས་ཀྱི། བདག་ཉིད་
D67.043.0084a04.01ཕངས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། བྱམས་པ་གལ་ཏེ་སེམས་ཅན་ཐམས་ཅད་དེ་ལྟ་བུའི་བརྩོན་འགྲུས་རྩོམ་པ་ཆེན་པོ་དང་ལྡན་པར་གྱུར་ཀྱང་སེམས་ཅན་དེ་དག་ཐམས་ཅད་ཀྱི་བརྩོན་འགྲུས་ཆེན་པོ་དེ་ནི་བྱང་ཆུབ་སེམས་དཔའི་བརྩོན་འགྲུས་ཆེན་པོ་དེའི་བརྒྱའི་ཆར་
D67.043.0084a05.01ཡང་ཉེ་བར་མི་འགྲོ། སྟོང་གི་ཆ་དང་། འབུམ་གྱི་ཆ་དང་། བྱེ་བའི་ཆ་དང་། བྱེ་བ་ཕྲག་བརྒྱའི་ཆ་དང་། བྱེ་བ་ཕྲག་སྟོང་གི་ཆ་དང་། བྱེ་བ་ཕྲག་འབུམ་གྱི་ཆ་དང་། བྱེ་བ་ཁྲག་ཁྲིག་ཕྲག་འབུམ་གྱི་ཆ་དང་། དཔེ་དང་རྒྱུའི་བར་དུ་ཡང་ཉེ་བར་མི་འགྲོ་འོ། །དེ་ཅིའི་ཕྱིར་ཞེ་ན། བྱམས་པ་འདི་ལྟར་
D67.043.0084a06.01བྱང་ཆུབ་སེམས་དཔའ་ནི་རྒྱུན་ཕྱོགས་སུ་དེད་པའི་སེམས་ཅན་ཐམས་ཅད་རྒྱུན་ལས་བཟློག་པ། གཡོ་བ་མེད་པ། མྱ་ངན་ལས་འདས་པའི་དབྱིངས་སུ་རབ་ཏུ་འགོད་པར་བྱེད་པའི་ཕྱིར་རོ། །བྱམས་པ་འདི་ལྟ་སྟེ་དཔེར་ན་མི་འདི་ཙམ་དུ་སྟོབས་དང་ལྡན་པ། འདི་ཙམ་དུ་ཤུགས་དང་ལྡན་པ།
D67.043.0084a07.01