完整藏文原文 · 德格版页 当前仅加载第 43 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་སྐུ་གཟུགས་དེ་མཐོང་ནས་འདི་སྙམ་དུ་དེ་བཞིན་གཤེགས་པའི་སྐུ་གཟུགས་འདི་ཡང་འདི་ཙམ་དུ་བལྟ་ན་སྡུག་པ་ཡིན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལྟ་སྨོས་ཀྱང་ཅི་དགོས་ཏེ། བདག་ཀྱང་ལུས་འདི་ལྟ་བུ་
D67.043.0109b01.01དང་ལྡན་པར་གྱུར་ཀྱང་ཅི་མ་རུང་སྙམ་ནས་དགའ་བ་དང་། མཆོག་ཏུ་དགའ་བ་དང་། དད་པ་སྐྱེས་པར་གྱུར་ཏེ། དེ་དེའི་ཚེ་ན་ཁྱིམ་ཐམས་ཅད་ལ་མངོན་པར་མི་དགའ་བར་གྱུར་ཅིང་དེ་འདི་སྙམ་དུ་ཁྱིམ་གྱི་གནས་ན་གནས་པས་ལུས་འདི་ལྟ་བུ་བསྒྲུབ་པར་མི་ནུས་པས་དེའི་ཕྱིར་
D67.043.0109b02.01བདག་མངོན་པར་འབྱུང་བར་བྱའོ་སྙམ་དུ་སེམས་པར་གྱུར་ཏོ། །འོད་སྲུང་དེ་ནས་བྱང་ཆུབ་སེམས་དཔའ་བརྩོན་འགྲུས་ཆེན་པོ་སྐྱེས་ནས་ལོ་བཅུ་དྲུག་ལོན་ལ་དབང་པོ་རྣམས་རྒྱས་ཤིང་ཡོངས་སུ་སྨིན་པ་ཡང་རྗེས་སུ་ཐོབ་ནས་རང་གི་ཕ་མ་ག་ལ་བ་དེར་སོང་སྟེ་ཕྱིན་ནས་རང་གི་ཕ་མ་
D67.043.0109b03.01གཉིས་ཀྱི་རྐང་པ་དག་ལ་ཕྱག་འཚལ་ཏེ། འདི་སྐད་ཅེས་སྨྲས་སོ། །ཡབ་ཡུམ་བདག་དེ་བཞིན་གཤེགས་པའི་བསྟན་པ་ལ་ཁྱིམ་ནས་ཁྱིམ་མ་མཆིས་པར་ལེགས་པ་ཁོ་ནར་རབ་ཏུ་འབྱུང་བར་ཅི་གནང་། ཕ་མས་སྨྲས་པ། གཞོན་ནུ་ཁྱོད་དེ་སྐད་མ་ཟེར་ཅིག །
D67.043.0109b04.01དེ་ཅིའི་ཕྱིར་ཞེ་ན། ངེད་གཉིས་ལ་བུ་གཅིག་པ། སྡུག་པ། ཕངས་པ། ཡིད་དུ་འོང་བ་ཁྱོད་ལས་མེད་པས། གལ་ཏེ་ཁྱོད་མ་མཐོང་ན་འཆི་བའི་དུས་བྱེད་པར་འགྱུར་བའི་ཕྱིར་རོ། །ཁྱེའུས་སྨྲས་པ། བདག་གིས་ཅི་ནས་ཀྱང་ཁྱེད་གཉིས་ཀྱང་ནོངས་པར་མི་འགྱུར་
D67.043.0109b05.01ལ་བདག་ཀྱང་མངོན་པར་འབྱུང་བར་འགྱུར་བ་དེ་ལྟར་བགྱི་ལགས་སོ། །ཕ་མས་སྨྲས་པ། གཞོན་ནུ་ཇི་ལྟར་བྱ། ཁྱེའུས་སྨྲས་པ། བདག་དེང་སླན་ཆད་ཇི་སྲིད་དུ་མངོན་པར་འབྱུང་བར་མ་གྱུར་པ་དེ་སྲིད་དུ་འཚལ་མ་ཡང་མི་འཚལ། མལ་དུ་ཡང་མི་འཇུག །མར་
D67.043.0109b06.01སར་དང་འབྲུ་མར་གྱིས་ཀྱང་མི་ཉུག །སྐོམ་ཡང་མི་འཚལ། དགེ་བ་འམ་མི་དགེ་བའི་ཚིག་འགའ་ཡང་མི་སྨྲ་ལགས་སོ། །འོད་སྲུང་དེ་ནས་བྱང་ཆུབ་སེམས་དཔའ་བརྩོན་འགྲུས་ཆེན་པོ་དེས་ས་ཕྱོགས་བྱི་དོར་མ་བྱས་པ་ཞིག་ཏུ་འདུག་སྟེ་ཅང་མི་སྨྲ་བར་གྱུར་ཅིང་ཉིན་གཅིག་
D67.043.0109b07.01