完整藏文原文 · 德格版页 当前仅加载第 43 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
དམྱལ་བར་འགྲོ་བར་ཟད་ཀྱི། གཞི་གང་ལས་མི་བླུན་པོ་དེ་དག་གིས་ཀྱང་བདེ་བར་སྦྱར་བ་རྣམ་པ་དུ་མ་ཉམས་སུ་མྱོང་བར་འགྱུར་བའི་གོས་ངུར་སྨྲིག་གི་དཔལ་དང་གཟི་བརྗིད་དེ་འདྲ་བ་ལ་ལྟོས། འོད་སྲུང་ངས་ཀྱང་དེ་ལས་དགོངས་ནས་འདི་སྐད་ཅེས་ལྕགས་ཀྱི་གླེགས་མ་དག་
D67.043.0107b01.01གྱོན་པ་ནི་སླའི། ཚུལ་ཁྲིམས་འཆལ་པས་གོས་ངུར་སྨྲིག་དག་བགོ་བ་ནི་དེ་ལྟ་མ་ཡིན་ནོ། །ལྕགས་ཀྱི་ཐུ་ལུམ་དག་བཟའ་བ་ནི་སླའི། ཚུལ་ཁྲིམས་འཆལ་པས་བསོད་སྙོམས་དག་ལ་ཡོངས་སུ་ལོངས་སྤྱོད་པ་ནི་དེ་ལྟ་མ་ཡིན་ནོ་ཞེས་གསུངས་སོ། །འོད་སྲུང་དེ་
D67.043.0107b02.01ལ་རོ་མྱང་བ་ནི་ཇི་ཙམ་ཡོད་པ་དང་། དེ་ལ་ཉེས་དམིགས་ཇི་ཙམ་ཡོད་པ་ལ་ལྟོས། འོད་སྲུང་དེ་ལྟ་བས་ན་ཅི་ནས་ཀྱང་ཚུལ་ཁྲིམས་ཡོངས་སུ་དག་པར་འགྱུར་བ་དང་། སྡིག་པ་འཆགས་པར་འགྱུར་བ་དེ་ལྟར་བསླབ་པར་བྱའོ། །འོད་སྲུང་འདི་ཇི་སྙམ་དུ་སེམས། ལྷ་
D67.043.0107b03.01འམ། ཀླུ་འམ། གནོད་སྦྱིན་ནམ། དྲི་ཟ་འམ། ལྷ་མ་ཡིན་ནམ། ནམ་མཁའ་ལྡིང་ངམ། ལྟོ་འཕྱེ་ཆེན་པོ་འམ། མི་འམ། མི་མ་ཡིན་པ་སུས་ཀྱང་དེ་བཞིན་གཤེགས་པ་རྣམས་ཀྱི་སྐུ་གཟུགས་བྱ་བར་ནུས་སྙམ་འམ། འོད་སྲུང་གིས་གསོལ་པ།
D67.043.0107b04.01བཅོམ་ལྡན་འདས་དེ་ནི་མ་ལགས་ཏེ། དེ་བཞིན་གཤེགས་པ་ནི་ཟླ་མ་མཆིས་པ། སྐུ་བསམ་གྱིས་མི་ཁྱབ་པ་ལགས་པས་དེའི་སླད་དུ་དེ་དག་གིས་སྐུ་གཟུགས་བགྱི་བ་ནི་སླ་བ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་ཕྱི་མའི་ཚེ་ཕྱི་མའི་
D67.043.0107b05.01དུས་ལྔ་བརྒྱ་པ་ཐ་མ་ལ་དགེ་སློང་ལུས་མ་བསྒོམས་པ། སེམས་མ་བསྒོམས་པ། ཚུལ་ཁྲིམས་མ་བསྒོམས་པ། ཤེས་རབ་མ་བསྒོམས་པ་ཁ་ཅིག་འབྱུང་བར་འགྱུར་ཏེ། དེ་དག་ནི་རས་བཅོས་བུ་དང་། རྩིག་པ་དང་། ར་བ་དག་གི་ངོས་ལ་དེ་བཞིན་གཤེགས་
D67.043.0107b06.01པའི་སྐུ་གཟུགས་དག་འདྲི་བར་འགྱུར་ཞིང་དེ་དག་གིས་འཚོ་བར་སེམས་པར་ཡང་འགྱུར་ཏེ། ལས་དེས་བདག་ཉིད་རློམ་སེམས་སུ་བྱེད་སྟོང་པར་བྱེད་ཅིང་གཞན་དག་ལ་བརྙས་པ་དང་སྨོད་པར་ཡང་བྱེད་དོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་
D67.043.0107b07.01