完整藏文原文 · 德格版页 当前仅加载第 43 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཙམ་དུ་མཐུ་དང་ལྡན་པ། འདི་ཙམ་དུ་བརྩོན་འགྲུས་དང་ལྡན་པ་ལ་ལ་ཞིག་སྐྱེས་པར་གྱུར་ལ། དེས་རྒྱ་མཚོ་ཆེན་པོ་བཞི་པོ་དག་ལ་ཆུའི་ཕུང་པོ་གང་ཇི་སྙེད་པ་དེ་དག་ཐམས་ཅད་ཆུ་ཀླུང་ཆེན་པོའི་རྒྱུན་གང་དང་གང་དག་ནས་རྒྱ་མཚོ་ཆེན་པོར་ཞུགས་པར་གྱུར་པའི་ཆུ་ཀླུང་ཆེན་པོའི་རྒྱུན་དེ་
D67.043.0084b01.01དག་ཉིད་ནས་ཆུའི་མཐའ་ཕྱིར་བཟློག་ནས་རྒྱུན་ལས་བཟློག་ཐབས་ཁོ་ནར་མཚོ་ཆེན་པོ་མ་དྲོས་པའི་ནང་དུ་ཕབ་པར་གྱུར་ན། བྱམས་པ་འདི་ཇི་སྙམ་དུ་སེམས། མི་དེ་དཀའ་བ་བྱེད་པ་དང་། ངོ་མཚར་ཆེ་བ་དང་། བརྩོན་འགྲུས་ཆེ་བ་ཡིན་སྙམ་འམ། བྱམས་པས་གསོལ་
D67.043.0084b02.01པ། བཅོམ་ལྡན་འདས་དེ་ལྟ་ལགས་སོ། །བདེ་བར་གཤེགས་པ་དེ་ལྟ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བྱམས་པ་ཁྱོད་མོས་པར་བྱ། ཁྱོད་ཀྱིས་ཁོང་དུ་ཆུད་པར་བྱ་སྟེ། དེ་བས་ཀྱང་གང་དག་ལྷག་པའི་བསམ་པས་སེམས་ཅན་ཐམས་ཅད་
D67.043.0084b03.01ཀྱི་དོན་དུ་སྙིང་རྗེ་ཆེན་པོ་ཀུན་ཏུ་བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་ནན་ཏན་གྱིས་མཛེས་པར་བྱེད་པ་དེ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་བ་ཡིན་ནོ། །དེ་བས་ཀྱང་གང་དག་སངས་རྒྱས་ཡོད་དོ། །
D67.043.0084b04.01ཆོས་ཡོད་དོ། །དགེ་འདུན་ཡོད་དོ། །ལེགས་པར་བྱས་པ་དང་། ཉེས་པར་བྱས་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་ཡོད་དོ། །ཞེས་ངེས་པར་རྟོག་པར་བྱེད་པ་དེ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་བ་ཡིན་ནོ། །དེ་བས་ཀྱང་གང་དག་
D67.043.0084b05.01འདོད་ཆགས་ཀྱི་སེམས་སྐྱེས་པ་སེལ་བར་བྱེད་པ་དང་། ཞེ་སྡང་གི་སེམས་སྐྱེས་པ་སེལ་བར་བྱེད་པ་དང་། གཏི་མུག་གི་སེམས་སྐྱེས་པ་སེལ་བར་བྱེད་པ་དེ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་བ་ཡིན་ནོ། །དེ་བས་ཀྱང་གང་དག་མཛའ་བཤེས་དང་། གྲོས་གྲོགས་
D67.043.0084b06.01དང་། ཉེ་དུ་དང་། རྒན་རབས་རྣམས་ལ་མི་ལྟ་བར་སྤངས་ཤིང་ལོངས་སྤྱོད་ཆུང་ངུ་དང་། ལོངས་སྤྱོད་ཆེན་པོའི་ཚོགས་རྣམས་ཀྱང་ཡོངས་སུ་སྤངས་ནས་ལེགས་པར་གསུངས་པའི་ཆོས་འདུལ་བ་ལ་དད་པ་རབ་ཏུ་འབྱུང་བའི་སེམས་ཀྱིས་ཁྱིམ་གྱི་གནས་ནས་གོམ་པ་བདུན་འདོར་བར་བྱེད་པ་དེ་དག་ཆེས་
D67.043.0084b07.01