完整藏文原文 · 德格版页 当前仅加载第 43 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །བམ་པོ་གསུམ་པ། འོད་སྲུང་དེ་ནས་དེ་བཞིན་གཤེགས་པ་མེ་ཏོག་སྣ་ཚོགས་དེས་ཉན་ཐོས་ཆེན་པོ་རྫུ་འཕྲུལ་དང་ལྡན་པའི་མཆོག་སྲེད་མེད་ཀྱི་བུ་ཞེས་བྱ་བ་ལ་བཀའ་སྩལ་པ། སྲེད་མེད་ཀྱི་བུ་ཁྱོད་ལོངས་ལ་ཁྱེའུ་འདི་གཉིས་སློང་སྟེ་རང་གི་རྫུ་འཕྲུལ་གྱི་མཐུ་
D67.043.0093a01.01སྟོན་ཅིག །འོད་སྲུང་དེ་ནས་དགེ་སློང་སྲེད་མེད་ཀྱི་བུ་དེས་དེ་ལས་ཁྱེའུ་གཅིག་ལག་པ་གཡས་པས་བླངས་ལ། ཁྱེའུ་ཅིག་ཤོས་ལག་པ་གཡོན་པས་བླངས་ཏེ་གྱེན་དུ་འཕང་ངོ་སྙམ་ན་གདེག་པར་མ་ནུས་སོ། །དེས་ཡང་རྒྱ་ཆེར་མཐུ་དང་། སྟོབས་དང་། བརྩོན་འགྲུས་
D67.043.0093a02.01དང་། སྤྲོ་བ་དང་། རྫུ་འཕྲུལ་ཆེན་པོ་ཡང་དག་པར་བསྟན་ཅིང་གྱེན་དུ་འཕང་ངོ་སྙམ་ན་ཐ་ན་དེ་གཉིས་སྐྲའི་རྩེ་མོའི་ཆ་ཤས་ཙམ་ཡང་བསྐྱོད་པ་འམ་བསྒུལ་བར་མ་ནུས་སོ། །འོད་སྲུང་དེ་ལྟར་དེ་ཁྱེའུ་དེ་གཉིས་ཤིན་ཏུ་གྱེན་དུ་འཕང་བར་བསྐྱོད་པ་ན་སྟོང་གསུམ་གྱི་སྟོང་ཆེན་པོའི་
D67.043.0093a03.01འཇིག་རྟེན་གྱི་ཁམས་བྲག་དང་། རི་དང་། ཤིང་དང་། རྩྭ་དང་། ཆུ་དང་བཅས་པ་དེ་རབ་ཏུ་གཡོས་ཤིང་བླ་འོག་ཏུ་འགུལ་བར་གྱུར་ཀྱང་ཁྱེའུ་དེ་གཉིས་བསླང་བར་ནི་མ་ནུས་སོ། །འོད་སྲུང་དེ་ནས་དེ་བཞིན་གཤེགས་པ་མེ་ཏོག་སྣ་ཚོགས་དེས་དེའི་ཚེ་ཉན་ཐོས་ཆེན་པོ་
D67.043.0093a04.01དེའི་སེམས་ཡང་དག་པར་རབ་ཏུ་གཟུང་བ་དང་། རྫུ་འཕྲུལ་གྱི་མཐུ་ཉེ་བར་སྒྲུབ་པ་མཛད་དེ། རྫུ་འཕྲུལ་གྱི་མཐུ་ཉེ་བར་བསྒྲུབས་པ་དེས་དགེ་སློང་སྲེད་མེད་ཀྱི་བུ་དེས་འོག་གི་ཕྱོགས་ཀྱི་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དག་འགུལ་བ་དང་། གཡོས་པ་
D67.043.0093a05.01དང་། ཀུན་ཏུ་འཁྲུགས་པ་དང་། བླ་འོག་ཏུ་འགུལ་བར་བྱས་ཀྱང་ཐ་ན་ཁྱེའུ་དེ་གཉིས་སྐྲའི་རྩེ་མོའི་ཆ་ཤས་ཙམ་ཡང་གཡོ་བའམ། འགུལ་བར་བྱེད་མ་ནུས་སོ། །འོད་སྲུང་དེ་ནས་དགེ་སློང་སྲེད་མེད་ཀྱི་བུ་དེས་བཅོམ་ལྡན་འདས་དེ་བཞིན་གཤེགས་པ་མེ་ཏོག་སྣ་ཚོགས་
D67.043.0093a06.01དེའི་ཞབས་གཉིས་ལ་གཏུགས་ནས་དེ་བཞིན་གཤེགས་པ་མེ་ཏོག་སྣ་ཚོགས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་རང་གི་རྫུ་འཕྲུལ་གྱི་སྟོབས་ལས་ཡོངས་སུ་ཉམས་པ་འམ་གཅིག་ཏུ་མ་གྱུར་ལགས་གྲང་། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་
D67.043.0093a07.01