完整藏文原文 · 德格版页 当前仅加载第 43 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་མི་སྨན་མཁས་ལ་གསང་སྔགས་ལ་མཁས་ཤིང་དུག་དང་རྩི་ལ་མཁས་པ་གཉིས་ཤིག་ཡོད་པར་གྱུར་ལ། དེ་གཉིས་ལས་མི་གཅིག་གིས་སྐྱེ་བོ་ཕལ་པོ་ཆེའི་མདུན་དུ་ངོ་མཚར་གྱི་འདུ་ཤེས་བསྐྱེད་པར་བྱ་བའི་ཕྱིར་དུག་ཟ་བར་བྱེད་ཅིང་ཟོས་ནས་ཀྱང་། ཡན་ལག་
D67.043.0086a01.01དང་ཉིང་ལག་རྣམས་ཤིག་ཤིག་པོར་གྱུར་པས་སྡུག་བསྔལ་གྱི་ཚོར་བ་མྱོང་བར་གྱུར་པ་ལས་ཡང་གསང་སྔགས་སྔོན་དུ་བཏང་བའི་སྨན་ཟ་བར་བྱེད་ཅིང་དེ་གསང་སྔགས་ཡང་དག་པ་དང་། སྨན་དེས་དུག་གི་ཉེས་པ་དེ་དག་དང་བྲལ་བར་གྱུར་ལ། དེ་ནས་མི་དེས་དུས་གཞན་གྱི་ཚེ་ན་སྨན་དེ་མ་རྙེད་ཅིང་
D67.043.0086a02.01གཉེན་པོ་མ་རྙེད་པས་དུག་དེས་ཤི་བར་གྱུར་ལ། དེ་ནས་མི་ཅིག་ཤོས་དེས་འདི་སྐད་ཅེས་སྨྲས་ཏེ། ཁོ་བོས་ནི་སྨན་གྱིས་དུག་ཞི་བར་བྱེད་ནུས་མོད་ཀྱི། འོན་ཀྱང་ཁོ་བོ་ལ་ནི་ངོ་མཚར་གྱི་འདུ་ཤེས་མི་དགོས། ཡན་ལག་དང་ཉིང་ལག་ཤིག་ཤིག་པོར་འགྱུར་བ་མི་དགོས་པས་དུག་ཀྱང་མི་ཟ། སྨན་
D67.043.0086a03.01ཀྱང་མི་འཐུང་ངོ་ཞེས་ཟེར་བ་དེ་བཞིན་དུ་བྱམས་པ་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་བྱང་ཆུབ་སེམས་དཔའ་ཁྱིམ་ན་གནས་པ་དང་། རབ་ཏུ་བྱུང་བ་ཁ་ཅིག་འདི་སྐད་ཅེས་སྡིག་པའི་ལས་ནི་ཉེས་པ་བཤགས་པས་མ་ལུས་པར་ཟད་པར་འགྱུར་རོ། །ཞེས་ཟེར་ཞིང་དེ་དག་སྡིག་པ་མངོན་པར་འདུ་
D67.043.0086a04.01བྱ་བ་མངོན་པར་འདུས་བྱས་ནས་ཡང་བཤགས་པར་བྱའོ། །ཞེས་ལྟུང་བ་ལྷག་པར་འབྱིན་པར་བྱེད་ཅིང་ཕྱིས་སྡོམ་པ་འཛིན་པར་ནི་མི་བྱེད་པ་དག་འབྱུང་བར་འགྱུར་ཏེ། དེ་དག་ནི་འཆི་བའི་ཆོས་ཅན་ཡིན་ནོ། །ཞེས་ང་སྨྲ་སྟེ། འཆི་བ་ཡང་གང་ཞེ་ན། འདི་ལྟ་སྟེ། དཔེར་ན་དུག་ཟ་བའི་མི་དེ་དང་
D67.043.0086a05.01འདྲ་བར་འཆི་བའི་དུས་བྱས་ནས་ལོག་པར་ལྟུང་བ་རྣམས་སུ་འགྲོ་བར་འགྱུར་བ་ཡིན་ནོ། །བྱམས་པ་བྱང་ཆུབ་སེམས་དཔའ་ལྷག་པའི་བསམ་པ་ཕུན་སུམ་ཚོགས་པ་དག་འབྱུང་བར་འགྱུར་བ་དེ་དག་ནི་འདི་སྐད་ཅེས་བདག་ཅག་ལ་ནི་དུག་ཀྱང་མི་དགོས། སྨན་ཡང་མི་དགོས་ཀྱིས། བདག་ཅག་ནི་
D67.043.0086a06.01འདས་པའི་དུས་ན་སྡིག་པའི་ལས་བྱས་པ་ཟད་པར་བྱ་བ་དང་། མ་འོངས་པ་དང་། ད་ལྟར་བྱུང་བ་ན་མངོན་པར་འདུ་མི་བྱ་བ་མ་གཏོགས་པར་སྡིག་པའི་ལས་ཀྱང་མངོན་པར་འདུ་མི་བྱ་ཞིང་ལྟུང་བ་ཡང་འབྱུང་བར་མི་བྱ་ལ་བཤགས་པར་ཡང་མི་བྱའོ། །ཞེས་ཟེར་ཏེ། བྱམས་པ་འཕགས་པའི་
D67.043.0086a07.01