完整藏文原文 · 德格版页 当前仅加载第 43 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པ་བསྐལ་པའམ། བསྐལ་པ་ལས་ལྷག་པར་བཞུགས་སུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་གལ་ཏེ་སངས་རྒྱས་སྟོང་
D67.043.0075a01.01སྙེད་ཅིག་གིས་མི་བླུན་པོ་དེ་དག་ལ་ཆོ་འཕྲུལ་དང་བཅས་པའི་ཆོས་བསྟན་དུ་ཟིན་ཀྱང་སྐྱེས་བུ་དམ་པ་མ་ཡིན་པ་དེ་དག་སྡིག་པ་འདོད་པ་དང་། སྡིག་པ་འཛིན་པ་དེ་དག་ལས་ཕྱིར་གཟུང་བའམ། བཟློག་པར་མི་སྤྱོད་དོ། །འོད་སྲུང་གཞན་ཡང་ཁྱོད་ཕྱི་མའི་ཚེ་ཕྱི་མའི་དུས་ལྔ་བརྒྱ་
D67.043.0075a02.01ཐ་མ་ལ་དམ་པའི་ཆོས་བསྲུང་བར་སྤྲོ་འམ། སེམས་ཅན་བསམ་པ་དགེ་བ་གང་དག་ཁྱོད་ཀྱིས་བཤད་པ་ལ་གུས་པར་ཉན་པ་སྐྱེད་པར་འགྱུར་བ་དག་ཀྱང་འབྱུང་བར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་གནས་བརྟན་འོད་སྲུང་ཆེན་པོས་འདི་སྐད་
D67.043.0075a03.01ཅེས་གསོལ་ཏོ། །བཅོམ་ལྡན་འདས་བདག་གླིང་ཆེན་པོ་བཞི་པའི་འཇིག་རྟེན་གྱི་ཁམས་གྲོང་དང་། གྲོང་ཁྱེར་དང་། གྲོང་རྡལ་དང་བཅས་པ། བྲག་དང་། རི་བོའི་ཟོམ་དང་བཅས་པ། རྒྱ་མཚོ་དང་། ཆུ་ཀླུང་དང་། ནགས་ཚལ་དང་བཅས་པ་འདི་བསྐལ་པ་འམ།
D67.043.0075a04.01བསྐལ་པ་ལས་ལྷག་པར་ཕྲག་པའམ། སྤྱི་བོ་ལ་འཚལ་བར་ནི་སྤྲོ་ལགས་ཀྱི། བཅོམ་ལྡན་འདས་བདག་སྐྱེས་བུ་དམ་པ་མ་ལགས་པ་དེ་དག་གི་ལོག་པར་སྨྲ་བའི་སུག་ལས་དེ་དག་ཉན་པར་ནི་མི་སྤྲོ་ལགས་སོ། །བཅོམ་ལྡན་འདས་བདག་རྒྱ་ཤུག་གམ། ཏིལ་ལམ།
D67.043.0075a05.01འབྲས་བུ་གཅིག་གིས་བསྐལ་པ་འམ། བསྐལ་པ་ལས་ལྷག་པར་འཚོ་བར་ནི་སྤྲོ་ལགས་ཀྱི། བཅོམ་ལྡན་འདས་བདག་སྐྱེས་བུ་དམ་པ་མ་ལགས་པ་དེ་དག་གི་ལོག་པར་སྨྲ་བའི་སུག་ལས་དེ་དག་ཉན་པར་ནི་མི་སྤྲོ་ལགས་སོ། །བཅོམ་ལྡན་འདས་བདག་སྟོང་གསུམ་
D67.043.0075a06.01གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བསྐལ་པའི་ཞུགས་ཆེན་པོ་འབར། ཀུན་ཏུ་འབར། ཀུན་ཏུ་རབ་ཏུ་མཆེད་ཅིང་འབར་བར་གྱུར་པའི་ནང་དུ་སྤྱོད་ལམ་བཞི་པོ་དག་གིས་དགུང་ལོ་བྱེ་བ་སྙེད་དུ་གནས་པར་ནི་སྤྲོ་ལགས་ཀྱི། བཅོམ་ལྡན་འདས་བདག་སྐྱེས་བུ་དམ་པ་མ་
D67.043.0075a07.01