完整藏文原文 · 德格版页 当前仅加载第 47 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱང་དེ་བཞིན་གཤེགས་པའི་སྤྱོད་ལམ་དང་ལྡན་པ། ཐམས་ཅད་ཀྱང་མངོན་པར་ཤེས་པ་ཡོངས་སུ་སྦྱངས་པས་ངེས་པར་འབྱུང་བ་ཐམས་ཅད་ཀྱི་ངོ་བོ་ཉིད་ཀྱི་རང་བཞིན་ལ་གནས་པ་ཤ་སྟག་དང་ཐབས་ཅིག་ཏུ་བཞུགས་སོ། །དེའི་ཚེ་ན་བཅོམ་ལྡན་འདས་འདི་སྙམ་དུ་བདག་གིས་བྱང་ཆུབ་
D100.047.0276b01.01སེམས་དཔའ་སེམས་དཔའ་ཆེན་པོ་རྣམས་ཀྱི་མྱུར་བ་དང་། སྟོབས་དང་ཤུགས་ཆེན་པོ་ཡང་དག་པར་བསྐྱེད་པར་བྱ་བའི་ཕྱིར། ཆོས་ཀྱི་གཏམ་བརྗོད་པར་བྱ་ཞིང་། འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ནས། བྱང་ཆུབ་སེམས་དཔའ་སེམས་དཔའ་ཆེན་པོ་གཟི་
D100.047.0276b02.01བརྗིད་ཆེ་བ་གཟི་བརྗིད་ཆེ་བ་དག་བསྡུ་བར་ཡང་བྱ། བདག་གིས་ཆོས་བསྟན་པ་ཆེན་པོའི་ཆོས་ཀྱི་རྣམ་གྲངས་བཤད་པའི་ལྟས་སྣང་བ་ཆེན་པོའང་བསྟན་པར་བྱ། བདག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལྷགས་ནས་བདག་ལ་ཆོས་བསྟན་པ་ཆེན་པོ་
D100.047.0276b03.01ཡོངས་སུ་ཞུ་བར་འགྱུར་བར་ཡང་བྱའོ་སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ། ཕྱོགས་བཅུའི་འཇིག་རྟེན་གྱི་ཁམས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲངས་མེད་ཅིང་བསམ་གྱིས་མི་ཁྱབ་པ་དག་གི་རྡུལ་ཕྲ་རབ་ཀྱི་རྡུལ་སྙེད་དག་འོད་
D100.047.0276b04.01ཟེར་ཆེན་པོའི་སྤྲིན་དག་གིས་སྣང་བར་མཛད་དོ། །དེའི་ཚེ་ན་ཕྱོགས་བཅུའི་ཕྱོགས་རེ་རེ་ནས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་ཕྲག་འབུམ་ཕྲག་བརྗོད་དུ་མེད་པ་བཅུའི་རྡུལ་ཕྲ་རབ་ཀྱི་རྡུལ་སྙེད་དག་ལྷགས་སོ། །དེ་དག་ལ་བྱང་ཆུབ་སེམས་
D100.047.0276b05.01དཔའ་རེ་རེ་ཡང་བྱང་ཆུབ་སེམས་དཔའི་རྣམ་པར་འཕྲུལ་པ་བསམ་གྱིས་མི་ཁྱབ་པ་དག་གིས་འོངས་ཏེ་ལྷགས་ནས་ཀྱང་། བཅོམ་ལྡན་འདས་ལ་ཚུལ་དང་འཐུན་པའི་མཆོད་པ་བསམ་གྱིས་མི་ཁྱབ་པ་དག་བྱས་ནས། བཅོམ་ལྡན་འདས་ཀྱི་སྤྱན་སྔར་རང་རང་གི་སྨོན་ལམ་གྱི་སྟོབས་ལས་
D100.047.0276b06.01བྱུང་བའི་པད་མའི་སྟན་དག་ལ་འཁོད་དེ། བཅོམ་ལྡན་འདས་ལ་མིག་མི་འཛུམས་པར་ལྟ་ཞིང་སྡོད་པར་གྱུར་ཏོ། །དེའི་ཚེ་ན་ཆོས་ཀྱི་དབྱིངས་ཀྱི་སྙིང་པོའི་ཁང་{བཟངས་,བཟང་}དེའི་དབུས་སུ་སེང་གེའི་ཁྲི་ནོར་བུ་རིན་པོ་ཆེ་ཆེན་པོའི་པད་མའི་སྙིང་པོ་ཅན་རྒྱར་དཔག་ཚད་བྱེ་བ་ཕྲག་གྲངས་མེད་པ་ཡོད་པ།
D100.047.0276b07.01