完整藏文原文 · 德格版页 当前仅加载第 47 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་གེ་མ་ཡིན། རྟོག་གེ་མེད་པ་མ་ཡིན། སྤྱོད་པ་མ་ཡིན། སྤྱོད་པ་མེད་པ་མ་ཡིན། ཀུན་ཏུ་འབྱུང་བ་མ་ཡིན། ཀུན་ཏུ་མི་འབྱུང་བ་མ་ཡིན། དྲན་པ་དང་ལྡན་པ་མ་ཡིན། དྲན་པ་དང་མི་ལྡན་པ་མ་ཡིན། སེམས་པ་མ་ཡིན། སེམས་པ་མེད་པ་མ་ཡིན། ཡིད་མ་ཡིན། ཡིད་མེད་པ་མ་
D100.047.0285b01.01ཡིན། སྒྲ་སྐད་མ་ཡིན། སྒྲ་སྐད་མེད་པ་མ་ཡིན། མིང་མ་ཡིན། མིང་མེད་པ་མ་ཡིན། གཟུགས་མ་ཡིན། གཟུགས་མེད་པ་མ་ཡིན། བརྗོད་པ་མ་ཡིན། བརྗོད་དུ་མེད་པ་མ་ཡིན། གདགས་པ་མ་ཡིན། གདགས་སུ་མེད་པ་མ་ཡིན། བལྟར་སྣང་བ་མ་ཡིན། བལྟར་མི་སྣང་
D100.047.0285b02.01བ་མ་ཡིན། ཚུལ་མ་ཡིན། ཚུལ་མེད་པ་མ་ཡིན། ལམ་སྟོན་པ་མ་ཡིན། ལམ་མི་སྟོན་པ་མ་ཡིན། འབྲས་བུ་ཐོབ་པ་མ་ཡིན། འབྲས་བུ་མ་ཐོབ་པ་མ་ཡིན། རྟོག་པ་མ་ཡིན། རྟོག་པ་མེད་པ་མ་ཡིན། རྟོག་པ་དང་བྲལ་བ་མ་ཡིན། རྟོག་པ་དང་མ་བྲལ་བ་མ་ཡིན་མོད་ཀྱི། འཇམ་
D100.047.0285b03.01དཔལ་འོན་ཀྱང་དེ་བཞིན་གཤེགས་པ་ཉི་མའི་དཀྱིལ་འཁོར་གྱིས་ཡེ་ཤེས་ཀྱི་འོད་ཟེར་དག་ནི་ཁམས་གསུམ་པོ་དེ་དག་ཏུ་ཆོས་ཀྱི་དབྱིངས་མཐའ་དང་དབུས་མེད་པ་དག་ལ་ཐོགས་པ་མེད་པའི་འོད་ཟེར་གྱི་སྣང་བ་དག་གཏོང་བར་མཛད་ཅིང་། ཡེ་ཤེས་ཀྱི་འོད་ཟེར་བཏང་བ་དག་གིས་ཀྱང་དང་པོ་ཁོ་ནར་
D100.047.0285b04.01བྱང་ཆུབ་སེམས་དཔའ་ལྷག་པའི་བསམ་པའི་རིའི་དབང་པོའི་རྒྱལ་པོ་ཆེན་པོ་ལྟ་བུ་དང་ལྡན་པ་རྣམས་ཀྱི་ལུས་ལ་འབབ་པར་འགྱུར་རོ། །དེའི་འོག་ཏུ་རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པ་རྣམས་ཀྱི་ལུས་ལ་འབབ་པར་འགྱུར་རོ། །དེའི་འོག་ཏུ་ཉན་ཐོས་ཀྱི་ཐེག་པ་ལ་ཡང་
D100.047.0285b05.01དག་པར་ཞུགས་པ་རྣམས་ཀྱི་ལུས་ལ་འབབ་པར་འགྱུར་རོ། །དེའི་འོག་ཏུ་སེམས་ཅན་ལྷག་པའི་བསམ་པ་དགེ་བ་དང་། མོས་པ་ཇི་ལྟ་བ་དང་ལྡན་པ་རྣམས་ཀྱི་ལུས་ལ་འབབ་པར་འགྱུར་རོ། །དེའི་འོག་ཏུ་དེ་བཞིན་གཤེགས་པ་ཉི་མའི་དཀྱིལ་འཁོར་གྱི་ཡེ་ཤེས་ཀྱི་འོད་ཟེར་དག་ཐ་ན་
D100.047.0285b06.01སེམས་ཅན་ལོག་པ་ཉིད་དུ་ངེས་པའི་སེམས་ཀྱི་རྒྱུད་དང་ལྡན་པ་རྣམས་ཀྱི་ལུས་ལ་འབབ་པར་འགྱུར་ཞིང་། དེ་དག་ལ་མ་འོངས་པའི་རྒྱུ་ཡང་དག་པར་སྐྱེད་པས་ཕན་འདོགས་པ་དང་། དགེ་བའི་ཆོས་རྣམས་ཀྱིས་ཡང་དག་པར་འཕེལ་བར་ཡང་བྱེད་དོ། །འཇམ་དཔལ་དེ་བཞིན་གཤེགས་
D100.047.0285b07.01