完整藏文原文 · 德格版页 当前仅加载第 47 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ནི་གང་ཞེ་ན། འཇམ་དཔལ་མིག་ཡོངས་སུ་ཤེས་པ་ནི་གཟུང་བ་མེད་པ་ཉིད་ཡིན་ནོ། །གཟུགས་དམིགས་སུ་མེད་པ་ནི་གནས་མེད་པ་ཉིད་ཡིན་ནོ། །རྣ་བ་ཡོངས་སུ་ཤེས་པ་ནི་གཟུང་བ་མེད་པ་ཉིད་ཡིན་ནོ། །སྒྲ་དམིགས་སུ་མེད་པ་ནི་གནས་མེད་པ་ཉིད་ཡིན་ནོ། །སྣ་ཡོངས་སུ་ཤེས་པ་ནི་
D100.047.0295a01.01གཟུང་བ་མེད་པ་ཉིད་ཡིན་ནོ། །དྲི་དམིགས་སུ་མེད་པ་ནི་གནས་མེད་པ་ཉིད་ཡིན་ནོ། །ལྕེ་ཡོངས་སུ་ཤེས་པ་ནི་གཟུང་བ་མེད་པ་ཉིད་ཡིན་ནོ། །རོ་དམིགས་སུ་མེད་པ་ནི་གནས་མེད་པ་ཉིད་ཡིན་ནོ། །ལུས་ཡོངས་སུ་ཤེས་པ་ནི་གཟུང་བ་མེད་པ་ཉིད་ཡིན་ནོ། །རེག་བྱ་དམིགས་སུ་མེད་པ་ནི་གནས་མེད་པ་
D100.047.0295a02.01ཉིད་ཡིན་ནོ། །ཡིད་ཡོངས་སུ་ཤེས་པ་ནི་གཟུང་བ་མེད་པ་ཉིད་ཡིན་ནོ། །ཆོས་དམིགས་སུ་མེད་པ་ནི་གནས་མེད་པ་ཉིད་ཡིན་ནོ། །དེ་བཞིན་གཤེགས་པས་ནི་དེ་ལྟར་གཟུང་བ་མེད་པ་ཉིད་དང་། གནས་མེད་པ་ཉིད་དུ་བྱང་ཆུབ་མངོན་པར་རྫོགས་པར་སངས་རྒྱས་ཏེ། མངོན་པར་རྫོགས་པར་སངས་
D100.047.0295a03.01རྒྱས་ནས་ཀྱང་། མིག་གཟུང་དུ་མེད་པ་དང་། གཟུགས་དམིགས་སུ་མེད་པའི་ཕྱིར། མིག་གི་རྣམ་པར་ཤེས་པ་ལ་མི་གནས་སོ། །རྣ་བ་གཟུང་དུ་མེད་པ་དང་། སྒྲ་དམིགས་སུ་མེད་པའི་ཕྱིར་རྣ་བའི་རྣམ་པར་ཤེས་པ་ལ་མི་གནས་སོ། །སྣ་གཟུང་དུ་མེད་པ་དང་། དྲི་དམིགས་སུ་མེད་པའི་ཕྱིར་
D100.047.0295a04.01སྣའི་རྣམ་པར་ཤེས་པ་ལ་མི་གནས་སོ། །ལྕེ་གཟུང་དུ་མེད་པ་དང་རོ་དམིགས་སུ་མེད་པའི་ཕྱིར། ལྕེའི་རྣམ་པར་ཤེས་པ་ལ་མི་གནས་སོ། །ལུས་གཟུང་དུ་མེད་པ་དང་། རེག་བྱ་དམིགས་སུ་མེད་པའི་ཕྱིར་ལུས་ཀྱི་རྣམ་པར་ཤེས་པ་ལ་མི་གནས་སོ། །ཡིད་གཟུང་དུ་མེད་པ་དང་། ཆོས་དམིགས་
D100.047.0295a05.01སུ་མེད་པའི་ཕྱིར་ཡིད་ཀྱི་རྣམ་པར་ཤེས་པ་ལ་མི་གནས་ཏེ། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྣམ་པར་ཤེས་པ་ལ་མི་གནས་པ་དང་ལྡན་པ་ཞེས་བྱ་བའི་གྲངས་སུ་འགྲོའོ། །འཇམ་དཔལ་བཞི་པོ་འདི་དག་ནི་སེམས་ཅན་རྣམས་ཀྱི་སེམས་ཀྱི་གནས་ཡིན་
D100.047.0295a06.01ཏེ། བཞི་གང་ཞེ་ན། འདི་ལྟ་སྟེ། གཟུགས་ནི་སེམས་ཅན་རྣམས་ཀྱི་སེམས་ཀྱི་གནས་ཡིན་ནོ། །འཇམ་དཔལ་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་ནི་སེམས་ཅན་རྣམས་ཀྱི་སེམས་ཀྱི་གནས་ཡིན་ཏེ། འཇམ་དཔལ་དེ་བཞིན་གཤེགས་པས་ནི་སེམས་ཅན་རྣམས་ཀྱི་སེམས་
D100.047.0295a07.01