完整藏文原文 · 德格版页 当前仅加载第 47 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
{ཡི་དགས་,ཡི་དྭགས་}དང་། གཤིན་རྗེའི་འཇིག་རྟེན་དུ་སྐྱེས་པར་འགྱུར་ལ། དེ་ནས་བྱང་ཆུབ་སེམས་དཔའ་ཁྱིམ་པ་ཞིག་གིས་སེམས་ཅན་དེ་དག་ཐམས་ཅད་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དང་། གཤིན་རྗེའི་འཇིག་རྟེན་ནས་བཏོན་ཏེ། རང་སངས་རྒྱས་ཉིད་ལ་བཀོད་པ་བས་ནི་བྱང་ཆུབ་སེམས་
D100.047.0303b01.01དཔའ་རབ་ཏུ་བྱུང་བ་གཞན་གང་ཞིག་གིས་ཐ་ན་དུད་འགྲོའི་སྐྱེ་གནས་སུ་སྐྱེས་པའི་སེམས་ཅན་ལ་སྦྱིན་པ་ཁམ་གཅིག་ཙམ་ཞིག་བྱིན་པར་གྱུར་ན། དེ་ནི་དེ་བས་ཆེས་བསོད་ནམས་མང་བ་དང་། ཆེས་བསོད་ནམས་གྲངས་མེད་པ་སྐྱེད་པར་འགྱུར་རོ། །འཇམ་དཔལ་གལ་ཏེ་བྱང་ཆུབ་སེམས་དཔའ་རབ་ཏུ་བྱུང་
D100.047.0303b02.01བ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་ཅིག་བྱུང་བར་གྱུར་ལ། དེ་དག་ལས་བྱང་ཆུབ་སེམས་དཔའ་རེ་རེས་ཀྱང་ཕྱོགས་བཅུའི་ཕྱོགས་ཆ་རེ་རེར་སངས་རྒྱས་བཅོམ་ལྡན་འདས་སངས་རྒྱས་ཀྱི་ཞིང་བརྗོད་དུ་མེད་པ་བྱེ་བ་ཁྲག་ཁྲིག་འབུམ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་དག་མཐོང་བར་
D100.047.0303b03.01གྱུར་ཅིང་། དེ་བཞིན་གཤེགས་པ་བྱང་ཆུབ་སེམས་དཔའ་དང་བཅས། ཉན་ཐོས་དང་བཅས་པ་རེ་རེ་ལ་ཡང་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པ་བྱེ་བ་ཁྲག་ཁྲིག་འབུམ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་དུ་ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གྱི་
D100.047.0303b04.01གསོས་སྨན་དང་། ཡོ་བྱད་རྣམས་ཀྱིས་ཀྱང་བསྙེན་བཀུར་བྱེད་ལ། དེ་བཞིན་གཤེགས་པ་རེ་རེ་ལ་ཡང་ཉིན་གཅིག་བཞིན་དུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་པ་བྱེ་བ་ཁྲག་ཁྲིག་འབུམ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་དག་ནོར་བུ་རིན་པོ་ཆེ་དབང་གི་རྒྱལ་པོས་ཡོངས་སུ་
D100.047.0303b05.01བཀང་སྟེ། དབུལ་བར་ཕུལ་བ་ལས་ནི་བྱང་ཆུབ་སེམས་དཔའ་ཆོས་ཀྱི་རྣམ་གྲངས་འདི་ལ་མོས་པར་གྱུར་པ་གཞན་ཞིག་གིས་ཐ་ན་དུད་འགྲོའི་སྐྱེ་གནས་སུ་སྐྱེས་པའི་སེམས་ཅན་ལ་སྦྱིན་པ་ཁམ་གཅིག་ཙམ་ཞིག་བྱིན་པར་གྱུར་ནས། བསོད་ནམས་མངོན་པར་འདུ་བྱ་བ་དེ་ལ་བྱང་ཆུབ་སེམས་
D100.047.0303b06.01དཔའ་དེ་དག་གི་སྦྱིན་པ་ལས་བྱུང་བའི་བསོད་ནམས་མངོན་པར་འདུ་བྱ་བ་སྔ་མ་དེས་ནི་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། འབུམ་གྱི་ཆ་དང་། བྱེ་བ་ཕྲག་འབུམ་གྱི་ཆ་དང་། གྲངས་དང་ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ། །དེ་ཅིའི་ཕྱིར་ཞེ་ན། འཇམ་དཔལ་འདི་ལྟ་སྟེ། ཆོས་ཀྱི་
D100.047.0303b07.01