完整藏文原文 · 德格版页 当前仅加载第 47 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་འཚལ་ལོ། །དམིགས་པ་དག་དང་སེམས་རྣམས་ནི། །ངོ་བོ་ཉིད་ཀྱི་མཆིས་མ་ལགས། །བསམ་ཡས་མཉམ་པ་ཉིད་བརྙེས་པ། །མི་རྟེན་ཁྱོད་ལ་ཕྱག་འཚལ་ལོ། །གནས་པ་མི་མངའ་མཁྱེན་པ་ཡིས། །ཞིང་རྣམས་ཀུན་དང་དེ་བཞིན་དུ། །སེམས་ཅན་ཀུན་གྱི་སྤྱོད་གཟིགས་པ། །
D100.047.0300b01.01མི་རྟེན་ཁྱོད་ལ་ཕྱག་འཚལ་ལོ། །སངས་རྒྱས་རྣམས་ཀྱིས་ལན་འགའ་ཡང་། །སེམས་དང་ཆོས་ཀུན་གཏན་མ་དམིགས། །ཆོས་རྣམས་ཐམས་ཅད་ཀུན་མཁྱེན་པ། །མི་རྟེན་ཁྱོད་ལ་ཕྱག་འཚལ་ལོ། །ཆོས་ཀུན་སྒྱུ་མ་ལྟ་བུ་སྟེ། །སྒྱུ་མ་ཉིད་ཀྱང་མཆིས་མ་ལགས། །སྒྱུ་མའི་ཆོས་
D100.047.0300b02.01ལས་རྣམ་གྲོལ་བ། །མི་རྟེན་ཁྱོད་ལ་ཕྱག་འཚལ་ལོ། །རྫོགས་སངས་འཇིག་རྟེན་སྤྱོད་མཛད་ཀྱང་། །འཇིག་རྟེན་ཆོས་ལ་རྟེན་མི་མཛད། །འཇིག་རྟེན་རྣམ་རྟོག་མི་མངའ་བ། །མི་རྟེན་ཁྱོད་ལ་ཕྱག་འཚལ་ལོ། །སྟོང་ཕྱིར་སྟོང་ལ་སྤྱོད་མཛད་ཅིང་། །ཁྱོད་ཉིད་སྟོང་ཞིང་སྤྱོད་
D100.047.0300b03.01ཡུལ་སྟོང་། །སྟོང་པ་སྟོང་པར་སྟོན་མཛད་པ། །མི་རྟེན་ཁྱོད་ལ་ཕྱག་འཚལ་ལོ། །སྒྱུ་མ་ལྟ་བུའི་ཏིང་འཛིན་དང་། །སྒྱུ་འཕྲུལ་ཆེན་པོས་རྣམ་འཕྲུལ་ཞིང་། །ཐ་དད་མ་མཆིས་སྙོམས་ཞུགས་པ། །མི་རྟེན་ཁྱོད་ལ་ཕྱག་འཚལ་ལོ། །དུ་མ་མ་ལགས་གཅིག་མ་ལགས། །
D100.047.0300b04.01རིང་དང་ཉེ་ལ་མི་འཇུག་ཅིང་། །གདེག་དང་གཞག་པ་མི་མངའ་བ། །མི་རྟེན་ཁྱོད་ལ་ཕྱག་འཚལ་ལོ། །རྡོ་རྗེ་ལྟ་བུའི་ཏིང་འཛིན་གྱིས། །སྐད་ཅིག་གཅིག་ལ་མངོན་སངས་རྒྱས། །དངོས་མ་མཆིས་པར་མཉམ་གཞག་པ། །མི་རྟེན་ཁྱོད་ལ་ཕྱག་འཚལ་ལོ། །འདྲེན་པ་དུས་རྣམས་ཐམས་
D100.047.0300b05.01ཅད་དུ། །མི་གཡོ་མྱ་ངན་འདས་པ་རྟོགས། །སྣ་ཚོགས་ཐབས་དང་ལྡན་པ་པོ། །མི་རྟེན་ཁྱོད་ལ་ཕྱག་འཚལ་ལོ། །སེམས་ཅན་རྣམས་ཀྱི་བརྒྱུད་པའི་ཐབས། །མཁྱེན་པས་མཁས་པར་གྱུར་པ་ལགས། །དེ་ཕྱིར་མི་གཡོ་མྱ་ངན་འདས། །མི་རྟེན་ཁྱོད་ལ་ཕྱག་འཚལ་ལོ། །
D100.047.0300b06.01མཚན་མ་མི་མངའ་ལྷུན་གྱིས་གྲུབ། །སྤྲོས་པ་མི་མངའ་སྐྱོན་མི་མངའ། །སྣང་མེད་བདག་གི་མི་མངའ་བ། །མི་རྟེན་ཁྱོད་ལ་ཕྱག་འཚལ་ལོ། །རྣམ་རྟོག་མི་མངའ་སྐྱོན་མི་མངའ། །བདག་གིས་བདག་ཉིད་ཇི་བཞིན་པར། །ཀུན་ཏུ་མཁྱེན་པ་ཐམས་ཅད་མཁྱེན། །མི་རྟེན་ཁྱོད་ལ་ཕྱག་འཚལ་ལོ། །
D100.047.0300b07.01