完整藏文原文 · 德格版页 当前仅加载第 47 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཙམ་ཞིག་བྱང་ཆུབ་སེམས་དཔའ་གཞན་ལ་བསྟན་པར་གྱུར་ན། བསོད་ནམས་མངོན་པར་འདུ་བྱ་བ་དེ་ལ་བསོད་ནམས་མངོན་པར་འདུ་བྱ་བ་སྔ་མ་དེས་ནི་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། འབུམ་གྱི་ཆ་དང་། བྱེ་བ་ཕྲག་འབུམ་གྱི་ཆ་དང་། གྲངས་དང་། ཆ་དང་།
D100.047.0303a01.01བགྲང་བ་དང་། དཔེ་དང་རྒྱུར་ཡང་ཉེ་བར་མི་འགྲོའོ། །འཇམ་དཔལ་བསྐལ་པ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་དུ་སྦྱིན་པའི་བསོད་ནམས་མངོན་པར་འདུ་བྱ་བ་ལྟ་ཞོག་གི །འཇམ་དཔལ་གལ་ཏེ་བྱང་ཆུབ་སེམས་དཔའ་གང་གཱའི་བྱེ་མ་ལྟར་གྲངས་
D100.047.0303a02.01མེད་པ་སྙེད་ཅིག་བྱུང་བར་གྱུར་ལ། དེ་དག་ལས་བྱང་ཆུབ་སེམས་དཔའ་རེ་རེས་ཀྱང་། སངས་རྒྱས་ཀྱི་ཞིང་འཛམ་བུ་ཆུ་བོའི་གསེར་ལས་བྱས་པ། ཤིང་ལྗོན་པ་ཐམས་ཅད་ཀྱང་ལྷའི་གོས་རྣམས་ཀྱིས་ཡོངས་སུ་དཀྲིས་པ་ནོར་བུ་རིན་པོ་ཆེ་འོད་ཐམས་ཅད་ཡང་དག་པར་འདུས་པའི་དྲ་བས་ཀུན་ནས་
D100.047.0303a03.01གཡོགས་པ། ནོར་བུ་རིན་པོ་ཆེ་དབང་གི་རྒྱལ་པོ་ལས་བྱས་པའི་ཁང་པ་བརྩེགས་པ། ནོར་བུ་རིན་པོ་ཆེ་གློག་གི་སྒྲོན་མའི་ལན་ཀན་གྱིས་ཡོངས་སུ་བསྐོར་བ་དག་གིས་ཡོངས་སུ་གང་བར་བྱས་པ་གདུགས་དང་། རྒྱལ་མཚན་དང་། བ་དན་བསྒྲེང་བ། གང་གཱའི་བྱེ་མ་ལྟར་གྲངས་མེད་པ་ཇི་སྙེད་
D100.047.0303a04.01ཅིག་སངས་རྒྱས་གང་གཱའི་བྱེ་མ་ལྟར་གྲངས་མེད་པ་སྙེད་དག་ལ་ཉིན་གཅིག་བཞིན་དུ་དབུལ་བར་འབུལ་ཞིང་། དེ་ལྟར་ཕུལ་བས་བསྐལ་པ་གང་གཱའི་བྱེ་མ་ལྟར་གྲངས་མེད་པ་སྙེད་དུ་འབུལ་བར་ཕུལ་བ་བས་ནི་བྱང་ཆུབ་སེམས་དཔའ་གཞན་གང་ཞིག་གིས་ཆོས་ཀྱི་རྣམ་གྲངས་འདི་ལ་མོས་པར་བྱས་ན།
D100.047.0303a05.01ཆོས་ཀྱི་རྣམ་གྲངས་འདི་ལས་ཐ་ན་ཚིག་བཞི་པའི་ཚིགས་སུ་བཅད་པ་གཅིག་ཙམ་ཞིག་བྱང་ཆུབ་སེམས་དཔའ་གཞན་ལ་བསྟན་ཏམ། འཇུག་པར་བྱས་ན་བསོད་ནམས་མངོན་པར་འདུ་བྱ་བ་དེ་ལ་བྱང་ཆུབ་སེམས་དཔའ་དེ་དག་གི་སྦྱིན་པ་ལས་བྱུང་བའི་བསོད་ནམས་མངོན་པར་འདུ་བྱ་བ་སྔ་མ་དེས་ནི་བརྒྱའི་ཆར་
D100.047.0303a06.01ཡང་ཉེ་བར་མི་འགྲོའོ། །སྟོང་གི་ཆ་དང་། འབུམ་གྱི་ཆ་དང་། བྱེ་བ་ཕྲག་འབུམ་གྱི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ། །འཇམ་དཔལ་འདི་ལྟ་སྟེ་དཔེར་ན་ཁམས་གསུམ་དུ་གཏོགས་པའི་སེམས་ཅན་ཐམས་ཅད་སེམས་ཅན་དམྱལ་བ་དང་། དུད་འགྲོ་དང་།
D100.047.0303a07.01