完整藏文原文 · 德格版页 当前仅加载第 47 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་བརྣག་པ་དེ་རྫོགས་མཛོད། །རིན་ཆེན་པད་མ་འདི་ལ་བཞུགས་ནས་ནི། །བདག་དང་འཇིག་རྟེན་འདི་ཀུན་མཛེས་པར་མཛོད། །གང་ཐོས་སེང་གེའི་ཁྲི་འདི་འདྲ་ཐོབ་པ། །ཆོས་དེ་སྲོག་ཆགས་བྱེ་མང་བསྟན་དུ་གསོལ། །ཁྱོད་ཀྱི་སྐུ་ལ་འོད་ཟེར་སྟོང་བྱུང་སྟེ། །འཇིག་རྟེན་ཁམས་
D100.047.0278a01.01མང་རབ་ཏུ་སྣང་བྱེད་པ། །དེ་ནི་བདག་གིས་དགའ་མཆོག་སྐྱེས་པའི་མཚན། །འདྲེན་པ་བདག་གི་སླད་དུ་བཞུགས་སུ་གསོལ། །སྔོན་ཡང་བདག་གིས་ཕྱོགས་འདིར་རང་བྱུང་བའི། །ཐུབ་པ་བྱེ་བ་ཕྲག་བརྒྱད་བཏེག་གྱུར་པས། །མྱུར་དུ་བཞུགས་ཏེ་ཕན་བཏགས་མཛད་དུ་གསོལ། །
D100.047.0278a02.01བཅོམ་ལྡན་དེང་འདིར་ཕན་གདགས་མཛད་དུ་གསོལ། །དེ་ནས་བཅོམ་ལྡན་འདས་གདན་སྔ་མ་ལས་བཞེངས་ཏེ། སེང་གེའི་ཁྲི་ནོར་བུ་རིན་པོ་ཆེ་ཆེན་པོ་པད་མོའི་སྙིང་པོ་ཅན་དེ་ལ་སྐྱིལ་མོ་ཀྲུང་བཅས་ཏེ་བཞུགས་ནས། ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་ལ་རྣམ་
D100.047.0278a03.01པར་གཟིགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་ཡང་དག་ཕུལ་གྱི་ཆོས་བསྟན་པའི་ལྟས་མཛད་དོ། །དེའི་ཚེ་ན་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་རྣམས་འདི་སྙམ་དུ་སེམས་ཏེ། འཇམ་དཔལ་གཞོན་ནུར་གྱུར་པ་འདིས་དེ་བཞིན་གཤེགས་
D100.047.0278a04.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཅག་གིས་ཐོས་ནས། ཡུན་རིང་དུ་ལོན་པ་སྐྱེ་བ་མེད་པ་དང་། འགག་པ་མེད་པའི་ཆོས་ཀྱི་རྣམ་གྲངས་དེ་ཡོངས་སུ་ཞུས་ན་ཅི་མ་རུང་སྙམ་མོ། །དེ་ནས་འཇམ་དཔལ་གཞོན་ནུར་གྱུར་པས། བཅོམ་ལྡན་འདས་ཀྱིས་
D100.047.0278a05.01ལྷས་མཛད་པ་ཡང་རིག །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་སེམས་ཀྱི་ཡོངས་སུ་རྟོགས་པ་ཡང་སེམས་ཀྱིས་ཤེས་ནས། སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་པད་མའི་སྙིང་པོ་ལ་བཙུགས་ཏེ། བཅོམ་ལྡན་
D100.047.0278a06.01འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྐྱེ་བ་མ་མཆིས་པ་དང་། འགག་པ་མ་མཆིས་པ་ཞེས་བགྱི་ན། བཅོམ་ལྡན་འདས་སྐྱེ་བ་མཆིས་པ་དང་། འགག་པ་མ་མཆིས་པ་ཞེས་བགྱི་བ་དེ་
D100.047.0278a07.01