完整藏文原文 · 德格版页 当前仅加载第 47 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་ཆོས་ཉིད་ཡིན་ནོ། །ཆོས་ཉིད་གང་ཡིན་པ་དེ་ནི་དོན་ཡིན་ནོ། །དོན་རྗེས་སུ་རྟོགས་པའི་ཤེས་པ་དང་། རྣམ་པར་ཤེས་པ་རྗེས་སུ་རྟོགས་པའི་ཤེས་པ་དང་། ངེས་པའི་དོན་རྗེས་སུ་རྟོགས་པའི་ཤེས་པས་རྗེས་སུ་རྟོགས་པ་གང་ཡིན་པ་དེ་ནི་ཆོས་ཉིད་དོ། །ཆོས་ཉིད་གང་ཡིན་པ་དེ་ནི་དོན་ཡིན་ནོ། །
D100.047.0291b01.01དོན་གང་ཡིན་པ་དེ་ནི་ཆོས་ཉིད་དང་། ཆོས་གནས་པ་ཉིད་དང་། ཆོས་ངེས་པ་ཉིད་དེ་དེ་ནི་ཆོས་ལ་འཇུག་པར་མི་འགྱུར་རོ། །ཆོས་ལ་མ་ཞུགས་པ་གང་ཡིན་པ་དང་། དོན་དང་ཚིག་འབྲུ་མཉམ་པ་ཉིད་གང་ཡིན་པ་དེ་ནི་གཉིས་སུ་མེད་པའི་དོན་གྱིས་མཉམ་པ་ཉིད་ཡིན་ཏེ། མཉམ་པ་ཉིད་གང་ཡིན་
D100.047.0291b02.01པ་དེ་ནི་དོན་ཡིན་ནོ། །དོན་ཤེས་པ་དང་། རྣམ་པར་ཤེས་པ་ལ་མཉམ་པ་ཉིད་གང་ཡིན་པ་དེ་ནི་གཉིས་སུ་མེད་པའི་སྒོར་འཇུག་པས་ན། ཤེས་པ་ཡིན་ནོ། །ངེས་པའི་དོན་དང་དྲང་བའི་དོན་མཉམ་པ་ཉིད་ཀྱིས་དོན་མཉམ་པ་དེ་ནི་སྟོང་པ་ཉིད་དོ། །སྟོང་པ་ཉིད་དུ་དོན་མཉམ་པས་གང་ཟག་མཉམ་
D100.047.0291b03.01པ་ཉིད་མཉམ་མོ། །གང་ཟག་མཉམ་པ་ཉིད་ཀྱིས་ཆོས་མཉམ་པ་ཉིད་མཉམ་མོ། །ཆོས་མཉམ་པ་ཉིད་ཀྱིས་རྣམ་པར་གྲོལ་བ་མཉམ་པ་ཉིད་མཉམ་སྟེ། རྣམ་པར་གྲོལ་བ་མཉམ་པ་ཉིད་རྗེས་སུ་རྟོགས་པ་ནི་བྱང་ཆུབ་བོ། །འཇམ་དཔལ་གཟུགས་ལ་ཆགས་པས་ཆགས་པར་གྱུར་པ་རྣམས་ཀྱིས་
D100.047.0291b04.01མིག་ནི་ཆགས་པ་ཡིན་ནོ། །གཟུགས་དང་མིག་གི་རང་བཞིན་ཤེས་པ་ནི་ཆགས་པ་མེད་པ་ཡིན་ནོ། །ལྟ་བ་ལ་ཆགས་པས་ཆགས་པར་གྱུར་པ་རྣམས་ཀྱི་རང་གི་ལུས་ནི་ཆགས་པ་ཡིན་ནོ། །ལྟ་བར་གྱུར་པ་ཐམས་ཅད་ཀྱི་རང་གི་ལུས་ཀྱི་རང་བཞིན་སྟོང་པ་ཉིད་དུ་ཤེས་པ་ནི་ཆགས་པ་
D100.047.0291b05.01མེད་པ་ཡིན་ནོ། །ཚུལ་བཞིན་མ་ཡིན་པ་ཡིད་ལ་བྱེད་པ་ལ་ཆགས་པས་ཆགས་པར་གྱུར་པ་རྣམས་ཀྱི་ཆོས་ཀྱི་སྣང་བ་ནི་ཆགས་པ་ཡིན་ནོ། །ཚུལ་བཞིན་ཡིད་ལ་བྱེད་པའི་ཆོས་ལ་སོ་སོར་རྟོག་ཅིང་ངོ་བོ་ཉིད་ཀྱིས་རང་བཞིན་སྟོང་པ་ཉིད་དུ་ཤེས་པ་ནི་ཆགས་པ་མེད་པ་ཡིན་ནོ། །ཐེ་ཚོམ་གྱི་དྲི་མ་ལ་
D100.047.0291b06.01ཆགས་པས་ཆགས་པར་གྱུར་པ་རྣམས་ཀྱི་ཐར་པ་ནི་ཆགས་པ་ཡིན་ནོ། །མོས་པ་དང་རྣམ་པར་གྲོལ་བ་ཡང་དག་པ་ཇི་ལྟ་བ་བཞིན་དུ་ཤེས་པ་ནི་ཆགས་པ་མེད་པ་ཡིན་ནོ། །ལེ་ལོའི་དྲི་མ་ལ་ཆགས་པས་ཆགས་པར་གྱུར་པ་རྣམས་ཀྱི་རྟོགས་པར་བྱ་བ་ལ་བརྩོན་འགྲུས་བརྟན་པ་ཉིད་ནི་ཆགས་པ་ཡིན་
D100.047.0291b07.01