完整藏文原文 · 德格版页 当前仅加载第 47 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་ནི་དམིགས་སུ་མེད་པ་གང་ཡིན་པ་དེ་ནི་མཉམ་པ་ཉིད་ཡིན་ནོ། །མཉམ་པ་ཉིད་གང་ཡིན་པ་དེ་ནི་གནས་པ་ཉིད་ཡིན་ནོ། །གནས་པ་ཉིད་གང་ཡིན་པ་དེ་ནི་མི་གཡོ་བ་ཉིད་ཡིན་ནོ། །མི་གཡོ་བ་ཉིད་གང་ཡིན་པ་དེ་ནི་མི་རྟེན་པ་ཡིད་ཡིན་ནོ། །ཆོས་ཐམས་ཅད་ལ་མི་རྟེན་པའི་སེམས་ཀྱི་གནས་
D100.047.0290a01.01མེད་དོ། །སེམས་མི་གནས་པ་ནི་སྐྱེ་བ་མེད་པར་གྱུར་ཏེ། དེ་ལྟར་མཐོང་བའི་སེམས་དང་སེམས་ལས་བྱུང་བ་རྣམས་ནི་ཕྱིན་ཅི་མ་ལོག་པར་འཇུག་པར་འགྱུར་རོ། །གང་གི་སེམས་ཕྱིན་ཅི་མ་ལོག་པ་དེས་ནི་ཇི་ལྟ་བ་བཞིན་ཐོབ་པར་འགྱུར་རོ། །ཇི་ལྟ་བ་བཞིན་ཐོབ་པ་ནི་འཕྲོ་བར་མི་བྱེད་དོ། །སྤྲོས་པ་མེད་པ་
D100.047.0290a02.01ལ་ནི་སྤྱོད་པ་ཡང་མེད་དོ། །གང་གི་ཚེ་སྤྱོད་པར་མི་བྱེད་པ་དེའི་ཚེ་མི་འཁོར་རོ། །གང་གི་ཚེ་མི་འཁོར་བ་དེའི་ཚེ་རྣམ་པར་མི་འཕྲོ་སྟེ། རྣམ་པར་འཕྲོ་བ་མེད་པ་ནི་ཆོས་ཉིད་དང་འགལ་བར་མི་བྱེད་དོ། །ཆོས་ཉིད་དང་མི་འགལ་བ་ནི་ཐམས་ཅད་དང་རྗེས་སུ་འཐུན་པར་འགྱུར་རོ། །ཐམས་ཅད་དང་རྗེས་སུ་འཐུན་པ་
D100.047.0290a03.01ནི་ཆོས་ཀྱི་རང་བཞིན་ལས་མི་གཡོའོ། །ཆོས་ཀྱི་རང་བཞིན་ལས་མི་གཡོ་བས་ནི་ཆོས་ཀྱི་རང་བཞིན་ཐོབ་པར་འགྱུར་རོ། །ཆོས་ཀྱི་རང་བཞིན་ཐོབ་པ་ནི་ཅུང་ཟད་ཀྱང་འཕྲོ་བར་མི་བྱེད་དོ། །དེ་ཅིའི་ཕྱིར་ཞེ་ན། འཇམ་དཔལ་རྒྱུ་དང་རྐྱེན་གྱིས་བསྐྱེད་པའི་ཕྱིར་ཏེ། རྒྱུ་དང་རྐྱེན་གྱིས་བསྐྱེད་པ་གང་ཡིན་པ་དེ་
D100.047.0290a04.01ནི་ཤིན་ཏུ་མ་སྐྱེས་པ་ཡིན་ནོ། །ཤིན་ཏུ་མ་སྐྱེས་པ་གང་ཡིན་པ་དེས་ནི་ངེས་པ་འཐོབ་བོ། །ངེས་པ་ཐོབ་པ་གང་ཡིན་པ་དེ་ནི་ཆོས་ཐམས་ཅད་ཡིད་ལ་བྱེད་པ་དང་ལྷན་ཅིག་མི་གནས་ཏེ། གང་གི་ཆོས་ཐམས་ཅད་ཡིད་ལ་བྱེད་པ་དང་ལྷན་ཅིག་མི་གནས་པ་དེའི་ཚེ་གནས་པར་བྱ་བ་མེད་པ་ཡིན་ནོ། །གང་གི་ཚེ་
D100.047.0290a05.01གནས་པར་བྱ་བ་མེད་པ་དེའི་ཚེ་མི་འབྱུང་མི་འཇིག་གོ། །གང་གི་ཚེ་མི་འབྱུང་མི་འཇིག་པ་དེའི་ཚེ་གནས་ཤིང་ཆོས་ཐོབ་པར་འགྱུར་རོ། །གང་གི་ཚེ་གནས་ཤིང་ཆོས་ཐོབ་པ་དེའི་ཚེ་ཚུལ་བཞིན་གྱི་ཆོས་ལ་ཞུགས་པར་འགྱུར་རོ། །ཚུལ་བཞིན་གྱི་ཆོས་ལ་ཞུགས་པ་ལ་ནི་གང་སངས་རྒྱས་ཀྱི་ཆོས་མ་ཡིན་
D100.047.0290a06.01པའི་ཆོས་དེ་དགའ་ཡང་མེད་དོ། །དེ་ཅིའི་ཕྱིར་ཞེ་ན། འཇམ་དཔལ་སྟོང་པ་ཉིད་རྗེས་སུ་རྟོགས་པའི་ཕྱིར་ཏེ། སྟོང་པ་ཉིད་རྗེས་སུ་རྟོགས་པ་གང་ཡིན་པ་དེ་ནི་བྱང་ཆུབ་བོ། །དེས་དེ་ལྟར་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་བྱ་བ་མེད་པ་དང་། གནས་
D100.047.0290a07.01