完整藏文原文 · 德格版页 当前仅加载第 51 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཅིའི་སླད་དུ་ལྟས་འདི་ལྟ་བུ་བསྟན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་དེ་འཇིག་རྟེན་གྱི་ཁམས་བདེ་བ་ཅན་ནས་འོང་སྟེ། དེ་འོང་བའི་
D116.051.0208a01.01ཚེ་ལྟས་འདི་འདྲ་བ་སྟོན་ཏོ། །གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་འོང་བ་དེའི་ཚེ་ཤིང་དཔག་བསམ་རྣམས་ཀྱང་འཕེལ་བར་འགྱུར། ཤིང་ཙུ་ཏ་ཀ་ཡང་འཕེལ་བར་འགྱུར། ཤིང་ཀུན་དའི་མེ་ཏོག་ཀྱང་འབྱུང་བར་འགྱུར།
D116.051.0208a02.01ཤིང་ཙམ་པ་ཀ་ཡང་འཕྱོང་བར་འགྱུར། རྫིང་བུ་མེ་ཏོག་གིས་ཤིན་ཏུ་གང་བ་ཡང་འབྱུང་བར་འགྱུར། དེ་ལས་རིན་པོ་ཆེའི་ཤིང་རྣམས་ཀྱང་འབྱུང་བར་འགྱུར། ཆར་སྣ་ཚོགས་ཀྱང་འབབ་པར་འགྱུར་ཏེ། ནོར་བུ་དང་། མུ་ཏིག་དང་། རྡོའི་སྙིང་པོ་དང་། བཻ་དཱུརྱ་
D116.051.0208a03.01དང་། དུང་དང་། མན་ཤེལ་དང་། བྱི་རུ་རིན་པོ་ཆེའི་ཆར་ཡང་འབབ། ལྷའི་གོས་ཀྱི་ཆར་ཡང་འབབ་པར་འགྱུར་རོ། །ལྷ་གང་དེ་དང་ཉེ་བ་ཉིད་དུ་རིན་པོ་ཆེ་བདུན་ཡང་འབྱུང་བ་འདི་ལྟ་སྟེ། འཁོར་ལོ་རིན་པོ་ཆེ་དང་། བལ་གླང་རིན་པོ་ཆེ་དང་། རྟ་རིན་པོ་ཆེ་དང་། ནོར་
D116.051.0208a04.01བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བློན་པོ་རིན་པོ་ཆེ་བདུན་རྣམས་སོ། །དེ་དག་བྱུང་ནས་ས་གསེར་དུ་སྣང་ངོ་། །གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་འཇིག་རྟེན་གྱི་ཁམས་བདེ་
D116.051.0208a05.01བ་ཅན་ནས་བྱུང་བ་དེའི་ཚེ། ས་རྣམ་པ་དྲུག་ཏུ་རབ་ཏུ་གཡོས་སོ། །དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་ལག་ན་རིན་པོ་ཆེས། འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་ལྟས་ལགས། བཅོམ་ལྡན་འདས་ཀྱིས་བཀའ་
D116.051.0208a06.01སྩལ་པ། རིགས་ཀྱི་བུ། བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་པོ་དེ་འོངས་ཏེ། དེའི་ལྟས་འདི་འདྲ་བ་དག་བྱུང་ངོ་། །གང་གི་ཚེ་ན་བསྐྱོད་པ་དེའི་ཚེ། ཡིད་དགའ་བའི་མེ་ཏོག་པད་མའི་ཆར་རབ་ཏུ་བབ་སྟེ། དེའི་ཚེ་བྱང་ཆུབ་སེམས་དཔའ་སེམས་
D116.051.0208a07.01