完整藏文原文 · 德格版页 当前仅加载第 51 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བགྱིད་དོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་དག་ཐེག་པ་ཆེན་པོའི་མདོའི་རྒྱལ་པོ་ཟ་མ་ཏོག་བཀོད་པའི་མིང་ཐོས་པ་དེ་དག་ལ་སྔོན་གྱི་ལས་ཀྱི་སྒྲིབ་པ་མེད་དོ། །གང་དག་ཕ་རོལ་གྱི་བུད་མེད་ལ་ཆགས་ཤིང་ཞན་པའི་ལས་ལ་བརྩོན་པ་དང་། གང་ཕ་
D116.051.0245b01.01དང་མ་གསོད་པ་དང་། དགྲ་བཅོམ་པ་གསོད་པ་དང་། མཆོད་རྟེན་འཇོམས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། དེ་ལྟ་བུའི་སྡིག་པ་ལ་དགའ་བ་དག་ལ་ཡང་ཐེག་པ་ཆེན་པོའི་མདོའི་རྒྱལ་པོ་ཟ་མ་ཏོག་བཀོད་པས་སྡིག་པ་ལས་ཐར་བར་བྱེད་དོ། །
D116.051.0245b02.01དེ་ནས་བཅོམ་ལྡན་འདས་ལ་སྒྲིབ་པ་ཐམས་ཅད་རྣམ་པར་སེལ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཇི་ལྟར་ཐེག་པ་ཆེན་པོའི་མདོ་ཟ་མ་ཏོག་བཀོད་པ་སྡིག་པ་ཐམས་ཅད་ལས་ཐར་བར་བགྱིད་པ་འཚལ་བར་བགྱི། བཅོམ་ལྡན་འདས་ཀྱིས་བཀའ་སྩལ་
D116.051.0245b03.01པ། རིགས་ཀྱི་བུ་རི་རབ་རིའི་རྒྱལ་པོའི་གཡས་ཕྱོགས་ཀྱི་ངོས་ལ་ཡང་དག་པར་རྫོགས་པའི་སངས་རྒྱས་དྲུག་གིས་དྲི་མ་དང་དྲི་མ་མེད་པའི་མཐར་བརྟགས་པ་ཡོད་དེ། ད་ལྟར་ངས་ཀྱང་བརྟགས་སོ། །གང་གོས་དཀར་པོ་སྔོན་པོར་འགྱུར་བ་དང་། གང་གོས་སྔོན་པོ་དཀར་
D116.051.0245b04.01པོར་འགྱུར་བ་ནི། གང་གོས་དཀར་པོ་དེ་སྔོན་པོར་འགྱུར་བ་དེ་ནི་སྡིག་པའི་ཕུང་པོར་བལྟའོ། །གང་གོས་སྔོན་པོ་དེ་དཀར་པོར་འགྱུར་བ་དེ་ནི་ཆོས་ཀྱི་ཕུང་པོར་བལྟའོ། །རིགས་ཀྱི་བུ་དེ་བཞིན་དུ་ཐེག་པ་ཆེན་པོའི་མདོའི་རྒྱལ་པོ་ཟ་མ་ཏོག་བཀོད་པ་དེ་ནི་སྡིག་པ་ཐམས་ཅད་སྲེག་ཅིང་
D116.051.0245b05.01དཀར་པོར་བྱེད་དོ། །སྒྲིབ་པ་ཐམས་ཅད་རྣམ་པར་སེལ་བ་འདི་ལྟ་སྟེ། དཔེར་ན་དབྱར་གྱི་དུས་ཀྱི་ཚེ་རྩྭ་དང་ནགས་ཚལ་དག་ཤིན་ཏུ་སྔོ་བར་འགྱུར་ཏེ། དེ་ནས་ཀླུའི་རྒྱལ་པོ་ཁ་བརྒྱ་པ་ཞེས་བྱ་བ་གནས་ནས་ལངས་ཏེ་རྩྭ་དང་ཤིང་གེལ་པ་དང་སྨན་དང་ནགས་ཚལ་དག་སྲེག་པར་བྱེད་
D116.051.0245b06.01དོ། །རིགས་ཀྱི་བུ་དེ་བཞིན་དུ་ཐེག་པ་ཆེན་པོའི་མདོའི་རྒྱལ་པོ་ཟ་མ་ཏོག་བཀོད་པ་འདི་ནི་སྡིག་པ་ཐམས་ཅད་སྲེག་པར་བྱེད་དོ། །གང་ཐེག་པ་ཆེན་པོའི་མདོའི་རྒྱལ་པོ་ཐོས་པའི་སེམས་ཅན་དེ་དག་ནི་བདེ་བ་དང་ལྡན་པ་ཡིན་ཏེ། རིགས་ཀྱི་བུ་དེ་དག་ནི་སོ་སོའི་སྐྱེ་བོ་མ་ཡིན་པར་རིག་པར་བྱའོ། །
D116.051.0245b07.01