完整藏文原文 · 德格版页 当前仅加载第 51 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་པ་ཐ་མ་པའི་བྱང་ཆུབ་སེམས་དཔར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མྱུར་དུ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ལ་སློབ་དཔོན་གྱིས་གནས་མ་ལགས་པ་ལ་སྩལ་བར་མི་བགྱི་སྟེ། ཡང་ན་ནི་དད་པས་མོས་
D116.051.0234a01.01པ་ལ་སྩལ་བར་བགྱིའོ། །ཡང་ན་ནི་ཐེག་པ་ཆེན་པོ་ལ་དད་པས་མོས་པ་དག་ལ་སྩལ་བར་བགྱིའོ། །མུ་སྟེགས་ཅན་ལ་སྩལ་བར་མི་བགྱིའོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བ་མཐའ་ཡས་ཀྱིས་བྱང་ཆུབ་སེམས་
D116.051.0234a02.01དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་གལ་ཏེ་ནོར་བུ་རིན་པོ་ཆེ་ཨིན་དྲ་ནཱི་ལའི་ཕྱེ་མ་དང་། མ་ར་ཀ་ཏ་དང་། གསེར་དང་དངུལ་གྱི་ཕྱེ་མ་དག་རིགས་ཀྱི་བུའམ་རིགས་ཀྱི་བུ་མོ་དབུལ་པོ་ལ་མེད་དོ། །བཅོམ་
D116.051.0234a03.01ལྡན་འདས་ཕྱེ་མ་དེ་དག་ཚོན་སྣ་ཚོགས་ལས་སྦྱར་ཞིང་། མེ་ཏོག་སྣ་ཚོགས་དང་། བདུག་པ་སྣ་ཚོགས་སུ་བགྱིའོ། །རིགས་ཀྱི་བུ་གལ་ཏེ་ཡུལ་གཞན་དུ་སོང་ངམ། གནས་དང་ཐབས་ལས་བབས་པ་དག་ལ་མེད་དོ། །དེའི་ཚེ་སློབ་དཔོན་གྱིས་ཡིད་ལ་དཀྱིལ་འཁོར་བགྱི་སྟེ།
D116.051.0234a04.01སློབ་དཔོན་གྱིས་ཕྱག་རྒྱའི་མཚན་མ་བསྟན་པར་བགྱིའོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མའི་མཆོག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་ལ་འདི་སྐད་ཅེས་བཀའ་སྩལ་ཏོ། །
D116.051.0234a05.01རིགས་ཀྱི་བུ་ཡི་གེ་དྲུག་པའི་རིག་སྔགས་ཆེན་མོའི་རྒྱལ་མོ་ང་ལ་བྱིན་ཅིག །ངས་སེམས་ཅན་བྱེ་བ་ཁྲག་ཁྲིག་བརྒྱ་ཕྲག་སྟོང་དུ་མ་དག་དེས་འཁོར་བ་ལས་ཡོངས་སུ་ཐར་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ། །(ད་,དེ་)ནས་
D116.051.0234a06.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མའི་མཆོག་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོས་ཡི་གེ་དྲུག་པའི་རིག་སྔགས་འདི་བྱིན་ནོ། །ཨོཾ་མ་ཎི་པད་མེ་ཧཱུཾ།། །།བམ་པོ་བཞི་པ་སྟེ་ཐ་མ།
D116.051.0234a07.01