完整藏文原文 · 德格版页 当前仅加载第 51 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲན་པར་བྱེད་པ་དང་འདྲ་བ་དེ་ལྟ་བུར་ཤིན་ཏུ་བཟང་ཡང་འདོད་ཆགས་ཀྱི་སྡུག་བསྔལ་གྱིས་གཟིར་བར་མི་འགྱུར། ཞེ་སྡང་གི་སྡུག་བསྔལ་གྱིས་གཟིར་བར་མི་འགྱུར། གཏི་མུག་གི་སྡུག་བསྔལ་གྱིས་གཟིར་བར་མི་འགྱུར། དེ་དག་གི་ལུས་ལ་མིའི་སྡུག་
D116.051.0227a01.01བསྔལ་ཡང་མེད་དེ་དྲི་ཟའི་བུ་མོ་དེ་དག་དུས་གསུམ་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོའི་མཚན་གྱི་རྗེས་སུ་དྲན་པར་བྱེད་དེ། དེའི་ཚེ་རྫས་དེ་དག་ཐམས་ཅད་འབྱུང་ངོ་། །དེ་ནས་བཅོམ་ལྡན་འདས་ལ་སྒྲིབ་པ་ཐམས་ཅད་རྣམ་པར་སེལ་བས་
D116.051.0227a02.01འདི་སྐད་ཅེས་གསོལ་ཏོ། །བཅོམ་ལྡན་འདས་བདག་བ་སྤུའི་ཁུང་བུ་དེ་བལྟ་བར་འཚལ་གྱིས་བདག་དེར་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བ་སྤུའི་ཁུང་བུ་དེ་ནི་གཟུང་དུ་མི་རུང་སྟེ། ཇི་ལྟར་ནམ་མཁའི་ཁམས་གཟུང་དུ་མི་རུང་། རེག་པར་མི་རུང་
D116.051.0227a03.01བ་དེ་བཞིན་དུ་རིགས་ཀྱི་བུ་བ་སྤུའི་ཁུང་བུ་དེ་ཡང་གཟུང་དུ་མི་རུང་། རེག་པར་མི་རུང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་བ་སྤུའི་ཁུང་བུ་དེར་ལོ་བཅུ་གཉིས་སུ་ཀུན་དུ་སོང་ཡང་བ་སྤུའི་ཁུང་བུ་དེ་མ་མཐོང་སྟེ། གང་བ་སྤུའི་ཁུང་བུ་རེ་རེ་ན་གནས་པ་དེས་ཀྱང་
D116.051.0227a04.01མ་མཐོང་ན་བྱང་ཆུབ་སེམས་དཔར་གྱུར་པ་གཞན་དག་གིས་ལྟ་ཅི་སྨོས། དེ་ནས་བཅོམ་ལྡན་འདས་ལ་སྒྲིབ་པ་ཐམས་ཅད་རྣམ་པར་སེལ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་ཚེ། བྱང་ཆུབ་སེམས་དཔའ་ཀུན་དུ་བཟང་པོས་ཀྱང་མ་མཐོང་ན་ཅི་བདག་མཆི་བར་བགྱི་
D116.051.0227a05.01འམ། རིགས་ཀྱི་བུ་ང་ནི་གཡོ་མེད་པ། སྒྱུ་མེད་པ། ཕྲ་བ་ཉིད་དུ་སྣང་སྟེ། བལྟར་མེད་པ། གཟུགས་མེད་པ། གཟུགས་ཆེ་བ། ལག་པ་བརྒྱ་སྟོང་པ། མིག་བྱེ་བ་བརྒྱ་སྟོང་པ། མགོ་བཅུ་གཅིག་པ། རྣལ་འབྱོར་ཆེན་པོ། རྣལ་འབྱོར་དམ་པ། མྱ་ངན་ལས་འདས་པའི་ས་ལ་
D116.051.0227a06.01གནས་པ། སེམས་པ་མེད་པ། ཤེས་རབ་ཆེ་བ། སྲིད་པ་ལས་སྒྲོལ་བར་བྱེད་པ། རིགས་ཀྱི་དབང་པོ། བལྟར་མི་སྣང་བ་སྟོན་པ་ལ་ཤེས་རབ་དང་ལྡན་པ་དང་། ཆོས་ཐམས་ཅད་ལ་གྲིབ་མར་གྱུར་པའོ། །དེ་བཞིན་དུ་རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་
D116.051.0227a07.01