完整藏文原文 · 德格版页 当前仅加载第 51 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་བཅགས་ཏེ་ཕུང་པོ་ཆེན་པོར་བྱས་ཀྱང་། རིགས་ཀྱི་བུ་དེ་ནི་ངས་འབྲུ་རེ་རེ་ནས་བགྲང་ནུས་ཀྱི། རིགས་ཀྱི་བུ་བསོད་སྙོམས་ཀྱི་བསོད་ནམས་ཀྱི་ཕུང་པོ་ནི་ངས་བགྲང་མི་ནུས་སོ། །རིགས་ཀྱི་བུ་འདི་ལྟ་སྟེ། དཔེར་ན་རི་རབ་ལྷུན་པོ་དཔག་ཚད་
D116.051.0213a01.01བརྒྱད་ཁྲི་བཞི་སྟོང་འོག་ཏུ་ནུབ་པ་དང་། འཕང་གི་སྲིད་དུ་དཔག་ཚད་བརྒྱད་ཁྲི་བཞི་སྟོང་ཡོད་པ་དེ་ནི་རིགས་ཀྱི་བུ་གྲོ་གའི་ཕུང་པོར་གྱུར་ལ། རྒྱ་མཚོ་མཆིང་རྣམ་ཆེན་པོ་ནི་སྣག་ཚས་ཡོངས་སུ་གང་བར་གྱུར། གླིང་བཞི་ན་གནས་པའི་སྐྱེས་པ་དང་། བུད་མེད་དང་། ཁྱེའུ་
D116.051.0213a02.01དང་། བུ་མོ་དེ་དག་ཐམས་ཅད་ནི་ཡི་གེ་བར་གྱུར་ཏེ། རི་རབ་ལྷུན་པོ་དང་མཉམ་པ་མཐའ་ཡས་མུ་མེད་པ་དེ་ཡི་གེར་བྲིས་ཀྱང་རིགས་ཀྱི་བུ་ཡི་གེ་དེ་རེ་རེ་ནས་ངས་བགྲང་ནུས་ཀྱི། རིགས་ཀྱི་བུ་བསོད་སྙོམས་ཀྱི་བསོད་ནམས་ཀྱི་ཕུང་པོ་དེ་ནི་བགྲང་མི་ནུས་སོ། །རིགས་
D116.051.0213a03.01ཀྱི་བུ་འདི་ལྟ་སྟེ། དཔེར་ན་ཡི་གེ་བ་དེ་དག་ཐམས་ཅད་བྱང་ཆུབ་སེམས་དཔའ་ས་བཅུ་ལ་གནས་པར་གྱུར་ན། གང་བྱང་ཆུབ་སེམས་དཔའ་ས་བཅུ་ལ་གནས་པ་རྣམས་ཀྱི་བསོད་ནམས་ཀྱི་ཕུང་པོ་ཇི་ཙམ་པ་བསོད་སྙོམས་ཀྱི་བསོད་ནམས་ཀྱི་ཕུང་པོ་དེ་ཡང་དེ་ཙམ་མོ། །
D116.051.0213a04.01རིགས་ཀྱི་བུ་འདི་ལྟ་སྟེ། དཔེར་ན་རྒྱ་མཚོ་མཆིང་རྣམ་གྱི་བྱེ་མ་ནི་བྱེ་མ་རེ་རེ་ནས་ངས་བགྲང་ནུས་ཀྱི། རིགས་ཀྱི་བུ་བསོད་སྙོམས་ཀྱི་བསོད་ནམས་ཀྱི་ཕུང་པོ་ནི་ངས་བགྲང་མི་ནུས་སོ། །དེ་ནས་ལྷ་མ་ཡིན་གཏོར་མ་མཆི་མ་དང་བཅས། ངོམ་ཟུང་གནག། དབུགས་ཀྱིས་བརྣངས་ཤིང་
D116.051.0213a05.01སྐད་ར་ར་པོར་གྱུར་ལ། ཤུགས་འབྱིན་ཅིང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་ལ་འདི་སྐད་ཅེས་གསོལ་ཏོ། །བདག་གཏོར་མ་སླས་དང་། འཁོར་དང་བཅས་པས་སྦྱིན་པ་ཇི་ལྟ་བུ་ཞིག་བགྱིས་ནས། ཚེ་འདི་ཉིད་ལ་བཅིངས་པ་ཐོབ་པར་
D116.051.0213a06.01གྱུར་ཏེ། བདག་གིས་ཞིང་ངན་པ་ལ་སྦྱིན་པ་བྱིན་ཏེ། ལས་དེའི་འབྲས་བུ་མྱོང་བ་འདི་ལགས་པ་ལྟ། ཐམས་ཅད་མཁྱེན་པའི་ཞིང་ལ་ནི་ཐལ་བ་སྤར་བ་གང་གཏོར་ཀྱང་བདུད་རྩི་འགྲུབ་པར་འགྱུར་ན། བདག་གིས་མ་འཚལ་བས་མཆོད་སྦྱིན་མཆོད་པའི་ཚེ་མིའུ་ཐུང་གི་
D116.051.0213a07.01