完整藏文原文 · 德格版页 当前仅加载第 51 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔར་གྱུར་པས་ལྟ་ཅི་སྨོས། རིགས་ཀྱི་བུ་ཡི་གེ་དྲུག་པའི་རིག་སྔགས་འདིའི་ཕྱིར་དེ་བཞིན་གཤེགས་པ་ཐམས་ཅད་ཀྱང་བསྐལ་པ་བཅུ་དྲུག་ཏུ་ཀུན་དུ་གཤེགས་ན་བྱང་ཆུབ་སེམས་དཔར་གྱུར་པས་ལྟ་ཅི་སྨོས་ཏེ་ག་ལ་ཞིག་ཤེས། འདི་ནི་བྱང་ཆུབ་སེམས་
D116.051.0230a01.01དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོའི་སྙིང་པོ་དམ་པའོ། །འགྲོ་བའི་དཀྱིལ་འཁོར་ན་ཡོངས་སུ་འཁྱམ་ཡང་སུས་ཀྱང་ཡི་གེ་དྲུག་པའི་རིག་སྔགས་ཆེན་མོ་སུས་ཀྱང་མི་ཤེས་སོ། །གང་ཡང་ཡི་གེ་དྲུག་པའི་རིག་སྔགས་ཆེན་མོ་འདི་རྟག་ཏུ་འཛིན་ཅིང་ཟློས་
D116.051.0230a02.01པ་ལ་བརྩོན་པའི་སེམས་ཅན་དེ་དག་ནི་བསོད་ནམས་དང་ལྡན་པ་ཡིན་ནོ། །དེ་དག་ཟློས་པར་བྱེད་པའི་ཚེ་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་ཕྲག་དགུ་བཅུ་རྩ་དགུ་འདུ་བར་འགྱུར་རོ། །བྱང་ཆུབ་སེམས་དཔའ་རྡུལ་ཕྲ་རབ་དང་མཉམ་པ་དག་འདུ་བར་འགྱུར་རོ། །ཕ་
D116.051.0230a03.01རོལ་ཏུ་ཕྱིན་པ་དྲུག་སྒོ་ན་གནས་པར་འགྱུར་རོ། །གཞན་ཡང་ལྷའི་སྡེ་སུམ་ཅུ་རྩ་གཉིས་ཀྱི་ལྷའི་བུ་དག་འདུ་བར་འགྱུར་རོ། །རྒྱལ་པོ་ཆེན་པོ་བཞི་པོ་དག་ཀྱང་ཕྱོགས་བཞི་སྲུང་བར་འགྱུར་རོ། །ཀླུའི་རྒྱལ་པོ་རྒྱ་མཚོ་མཆིང་རྣམ་དང་། ཀླུའི་རྒྱལ་པོ་མ་དྲོས་པ་དང་། ཀླུའི་རྒྱལ་པོ་
D116.051.0230a04.01འཇོག་པོ་ལ་སོགས་ཏེ། ཀླུ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་སྲུང་བར་བྱེད་དོ། །གཞན་ཡང་ས་བླའི་གནོད་སྦྱིན་དག་ནི་བླ་གབ་མེད་པར་སྲུང་བར་བྱེད་དོ། །རིགས་ཀྱི་བུ་དེའི་བ་སྤུའི་ཁུང་བུ་རེ་རེ་ལ་ཡང་དེ་བཞིན་གཤེགས་པ་བྱེ་བ་དག་བཞུགས་སོ། །བཞུགས་ནས་
D116.051.0230a05.01རིགས་ཀྱི་བུ་ཁྱོད་འདི་འདྲ་བའི་ཡིད་བཞིན་གྱི་ནོར་བུ་རྙེད་པར་བྱ་བ་ཐོབ་པར་གྱུར་ཅིང་ཁྱོད་ཀྱིས་རུས་ཀྱི་རིགས་བདུན་བརྒྱུད་དུ་ཐོབ་པར་བྱས་པ་ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱི་ལྟོ་ན་སྲོག་ཆགས་གནས་པ་དེ་ཐམས་ཅད་ཀྱང་བྱང་ཆུབ་སེམས་དཔའ་ཕྱིར་མི་ལྡོག་པར་འགྱུར་
D116.051.0230a06.01ཏེ་ལེགས་སོ་ཞེས་བྱ་བ་སྦྱིན་པར་མཛད་དོ། །ཡི་གེ་དྲུག་པའི་རིག་སྔགས་ཆེན་མོ་འདི་ལ་ལ་ཞིག་གི་ལུས་ལ་འཆང་ན་རིགས་ཀྱི་བུ་དེའི་ལུས་ནི་རྡོ་རྗེའི་ལུས་སུ་རིག་པར་བྱའོ། །རིང་བསྲེལ་གྱི་མཆོད་རྟེན་དུ་རིག་པར་བྱའོ། །དེ་བཞིན་གཤེགས་པའི་ཡེ་ཤེས་བྱེ་བར་རིག་པར་བྱའོ། །
D116.051.0230a07.01