完整藏文原文 · 德格版页 当前仅加载第 51 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
གཟིགས་ཀྱི་དབང་པོ་ཡང་སུས་ཀྱང་མི་མཐོང་སྟེ། དེའི་རང་བཞིན་གྱི་ལུས་ནི་དེ་བཞིན་གཤེགས་པ་ཉིད་ཀྱིས་ཀྱང་མི་གཟིགས་ན་ཀུན་དུ་བཟང་པོ་ལ་སོགས་པ་བྱང་ཆུབ་སེམས་དཔའ་གཞན་གྱིས་ལྟ་ཅི་སྨོས། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་ནི་ཆོ་འཕྲུལ་བསམ་
D116.051.0227b01.01གྱིས་མི་ཁྱབ་པ་དག་སྟོན་ཏེ། སེམས་ཅན་བྱེ་བ་ཁྲག་ཁྲིག་བརྒྱ་ཕྲག་སྟོང་དུ་མ་དག་ཡོངས་སུ་སྨིན་པར་བྱེད་དོ། །དེ་དག་ཐམས་ཅད་བྱང་ཆུབ་ཀྱི་ལམ་ལ་འཇོག་གོ། །བཞག་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་ཞིང་དེ་བཞིན་གཤེགས་པ་སྣང་བ་མཐའ་ཡས་པ་ལ་ཆོས་
D116.051.0227b02.01ཉན་ཏོ། །དེ་ནས་བཅོམ་ལྡན་འདས་ལ་སྒྲིབ་པ་ཐམས་ཅད་རྣམ་པར་སེལ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་ཐབས་གང་གིས་ན་བདག་གིས་མཐོང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་ང་ལ་བལྟ་བ་དང་། ཕྱག་བྱ་བ་དང་། བསྙེན་
D116.051.0227b03.01བཀུར་བའི་ཕྱིར་མི་མཇེད་པའི་འཇིག་རྟེན་གྱི་ཁམས་འདི་ཉིད་དུ་འོང་ནའོ། །དེ་ནས་བཅོམ་ལྡན་འདས་ལ་སྒྲིབ་པ་ཐམས་ཅད་རྣམ་པར་སེལ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་མཆི་བར་གནང་
D116.051.0227b04.01བར་མཛོད་ཅིག །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་གི་ཚེ་ན་སེམས་ཅན་ཡོངས་སུ་སྨིན་པར་འགྱུར་བ་དེའི་ཚེ་ཐོག་མ་ཁོ་ནར་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་འོང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་
D116.051.0227b05.01ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་བདག་སྡིག་པ་དང་ལྡན་ཞིང་ཡུན་རིང་དུ་གསོན་ལ། སྤྱན་རས་གཟིགས་ཀྱི་དབང་པོ་མཐོང་བ་དང་འབྲལ་ཞིང་ལོང་བར་གྱུར། ལམ་གསུམ་དུ་འགྲོ་བར་གྱུར་པ་ལྟ་ཅི་རུང་སྙམ་དུ་སེམས་ཤིང་འདུག་གོ། །དེ་ནས་བཅོམ་ལྡན་འདས་ལ་ཡང་བྱང་ཆུབ་
D116.051.0227b06.01སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་གང་གི་ཚེ་ན་མཆི། དེ་ནས་བཅོམ་ལྡན་འདས་བཞད་ནས་རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་
D116.051.0227b07.01