完整藏文原文 · 德格版页 当前仅加载第 51 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། །ང་ནི་ལྷ་ཡང་མ་ཡིན། མི་ཡང་མ་ཡིན་ཏེ། ཕོངས་པ་དང་། བྲེལ་བ་ལ་ཐུགས་རྗེ་བར་བྱེད་པ་བྱང་ཆུབ་ཀྱི་ལམ་སྟོན་པར་བྱེད་པ་སྟེ། བྱང་ཆུབ་སེམས་དཔའོ། །དེ་ནས་ལྷའི་བུས་ཅོད་པན་དང་རྣ་ཆ་ཕུལ་ནས་ཚིགས་སུ་བཅད་དེ་སྨྲས་པ། ཀྱེ་མའོ་ཡོན་ཏན་དག་གི་ཞིང་། །
D116.051.0219b01.01ཉེས་པ་ཐམས་ཅད་རྣམ་སྤངས་པ། །དེ་རིང་ཉིད་དུ་ས་བོན་བཏབ། །དེ་རིང་ཉིད་དུ་འབྲས་བུ་གྲུབ། །དེ་ནས་ལྷའི་བུ་དེས་ཚིགས་སུ་བཅད་པ་དེ་སྨྲས་ནས་དེ་ཉིད་དུ་སོང་ངོ་། །དེ་ནས་བྲམ་ཟེ་ཆེན་པོ་དེ་ལྷའི་རིས་དེ་ནས་བབས་ཏེ་སིང་གྷ་ལའི་གླིང་དུ་སོང་ངོ་། །སོང་ནས་འདོད་པའི་གཟུགས་སུ་སྤྲུལ་ཏེ་
D116.051.0219b02.01སྲིན་མོ་རྣམས་ཀྱི་མདུན་དུ་འདུག་པ་དང་། གཟུགས་བཟང་པོ་མཐོང་ནས་དེའི་ཚེ་འདོད་པའི་སེམས་སྐྱེས་སོ། །གང་གི་ཚེ་ན་འདོད་པའི་སེམས་སྐྱེས་པ་དེའི་ཚེ་དེའི་དྲུང་དུ་སོང་སྟེ་ཕྱིན་ནས་བདག་ཅག་དང་སྟེན་ཅིག །བདག་ཅག་ནི་བུད་མེད་གཞོན་ནུའོ། །བདག་ཅག་ལ་ནི་ཁྱིམ་ཐབ་མ་མཆིས་
D116.051.0219b03.01སོ། །བདག་པོ་མ་མཆིས་པའི་ནི་བདག་པོར་གྱུར་ཅིག །མགོན་མ་མཆིས་པའི་ནི་མགོན་དུ་གྱུར་ཅིག །རྟེན་མ་མཆིས་པའི་ནི་རྟེན་དུ་གྱུར་ཅིག །འདི་ནི་ཁྱོད་ཀྱིས་ཟས་ཀྱི་ཁབ་བོ། །ན་བཟའི་ཁབ་བོ། །སྐྱེད་མོས་ཚལ་དགའ་བར་བགྱིད་པ་དག་ལགས་སོ། །རྫིང་བུ་དགའ་བར་
D116.051.0219b04.01བགྱིད་པ་དག་ལགས་སོ། །དེས་སྨྲས་པ། གལ་ཏེ་བདག་གིས་བསྒོ་བ་བཞིན་དུ་བྱེད་ནའོ། །བདག་ཅག་བགྱིད་དོ། །དེས་དེ་དག་ལ་འཕགས་པའི་ཡན་ལག་བརྒྱད་དང་ལྡན་པའི་ལམ་ཡང་བསྟན། ཞལ་ནས་གསུངས་པ་བཞི་ཡང་ཁ་ཏོན་བྱེད་དུ་བཅུག་ནས་ལན་ཅིག་ཕྱིར་འོང་བའི་འབྲས་
D116.051.0219b05.01བུ་ཡང་ཐོབ། ཕྱིར་མི་འོང་བའི་འབྲས་བུ་ཡང་ཐོབ་ནས་སྲིན་མོ་དེ་དག་ལ་འདོད་ཆགས་ཀྱི་སྡུག་བསྔལ་མི་ལྡང་སེམས་ཞེ་སྡང་བར་ཡང་མི་བྱེད། སུ་ལ་ཡང་སྲོག་གི་བར་ཆད་བྱེད་པར་མི་འདོད། ཆོས་ལ་མངོན་པར་དགའ་ཞིང་གནས་ལ་སྡོམ་པ་བླངས་ཏེ་སླན་ཆད་བདག་ཅག་སྲོག་གཅོད་པར་མི་
D116.051.0219b06.01བགྱིད་དོ། །འཛམ་བུའི་གླིང་གི་མི་དག་ཇི་ལྟར་ཟས་དང་སྐོམ་གྱིས་འཚོ་བ་བདག་ཅག་ཀྱང་དེ་བཞིན་དུ་འཚོའོ། །སླན་ཆད་སྲིན་མོའི་ཚུལ་དུ་མི་བགྱིད་དོ་ཞེས་དེ་འདྲ་བའི་བསླབ་ཚིག་གི་སྡོམ་པ་བླངས་ཏེ་འཁོད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་སིང་
D116.051.0219b07.01