完整藏文原文 · 德格版页 当前仅加载第 51 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ལྷ་གཞན་གང་གི་ཡང་མཐུ་འདི་འདྲ་བར་མི་འགྱུར་རོ། །དེ་ནས་འཁོར་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོའི་མཚན་མ་ཇི་ལྟ་བུ་ཞེས་དྲིས་སོ། །དེ་ནས་སྐྱེས་བུ་དེས་ཡོན་ཏན་བཤད་པར་བརྩམས་པ་མུན་པར་གྱུར་པ་རྣམས་ཀྱི་ནི་སྒྲོན་མར་
D116.051.0220b01.01གྱུར་པའོ། །ཉི་མས་གདུངས་ཤིང་ཚིག་པ་རྣམས་ཀྱི་ནི་གདུགས་སུ་གྱུར་པའོ། །སྐོམ་གྱིས་གདུངས་པ་རྣམས་ཀྱི་ནི་ཆུ་བོར་གྱུར་པའོ། །འཇིགས་ཤིང་སྐྲག་པར་གྱུར་པ་རྣམས་ལ་ནི་མི་འཇིགས་པ་སྦྱིན་པར་བྱེད་པའོ། །ནད་ཀྱིས་བཏབ་པ་རྣམས་ལ་ནི་སྨན་པར་གྱུར་པའོ། །
D116.051.0220b02.01སེམས་ཅན་སྡུག་བསྔལ་བ་རྣམས་ཀྱི་ནི་ཕ་དང་མར་གྱུར་པའོ། །སེམས་ཅན་བསྟིར་མེད་པར་སྐྱེས་པ་རྣམས་ལ་ནི་མྱ་ངན་ལས་འདས་པ་སྟོན་པར་བྱེད་པ་སྟེ། དེའི་ཡོན་ཏན་གྱི་ཁྱད་པར་ནི་འདི་ལྟ་བུའོ། །གང་དེའི་མཚན་གྱི་རྗེས་སུ་དྲན་པ་དེ་དག་ནི་འཇིག་རྟེན་ན་བདེ་བ་དང་ལྡན་པ་ཡིན་
D116.051.0220b03.01ནོ། །དེ་དག་ནི་འཁོར་བའི་སྡུག་བསྔལ་གྱི་ཐ་མ་ཡོངས་སུ་སྤོང་བའོ། །གང་སྤྱན་རས་གཟིགས་ཀྱི་དབང་པོ་ལ་རྟག་ཏུ་མེ་ཏོག་དང་། པོག་བསྡུས་ཤིང་འབུལ་བའི་སྐྱེས་བུ་གང་ཟག་དེ་དག་ནི་སེམས་དཔའ་བ་དང་ལྡན་པ་ཡིན་ནོ། །གང་བྱང་ཆུབ་སེམས་དཔའ་སེམས་དཔའ་ཆེན་པོ་
D116.051.0220b04.01སྤྱན་རས་གཟིགས་ཀྱི་མདུན་དུ་དཀྱིལ་འཁོར་གྲུ་བཞི་བྱེད་པ་དེ་དག་ནི་འཁོར་ལོས་སྒྱུར་བའི་རྒྱལ་པོ་རིན་པོ་ཆེ་སྣ་བདུན་དང་ལྡན་པར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང་། རྟ་རིན་པོ་ཆེ་དང་། བལ་གླང་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་
D116.051.0220b05.01བདག་རིན་པོ་ཆེ་དང་། བློན་པོ་རིན་པོ་ཆེ་དང་བདུན་ཏེ། རིན་པོ་ཆེ་དེ་བདུན་དང་ལྡན་པར་འགྱུར་རོ། །གང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་ལ་མེ་ཏོག་འབུལ་བ་དེ་དག་ནི་ལུས་དྲི་ཞིམ་ཞིང་། གང་ལ་ལར་སྐྱེས་པར་ལུས་ཡོངས་སུ་རྫོགས་པར་འགྱུར་
D116.051.0220b06.01རོ། །ཞེས་སྐྱེས་བུ་དེས་དེ་ལྟར་ཡོན་ཏན་གྱི་ཁྱད་པར་བཤད་ནས་འཁོར་དེ་དག་བདག་བདག་གི་ཁང་པར་དོང་ངོ་། །དེ་ནས་སྐྱེས་བུ་རྙིས་པ་དེས་འཐུན་པའི་ཆོས་བཤད་ནས་དེ་ཡང་བདག་གི་ཁང་པར་སོང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་
D116.051.0220b07.01