完整藏文原文 · 德格版页 当前仅加载第 56 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་སྤྱོད་པས་ཐོགས་པ་མེད། །སེམས་ཅན་རྒྱ་ཆེན་བསྒྲལ་བའི་ཕྱིར། །བདེན་པ་གཅིག་གིས་གཞུང་སྤྱད་པ། །སྤྱད་པ་ཀུན་ཀྱང་རོ་གཅིག་ལམ། །མཐའ་རུ་ཐེག་པ་ཆུང་མི་སྤྱོད། །བཤད་པ་ཀུན་ཀྱང་གཞུང་རོ་གཅིག །མི་བདེན་ཐམས་ཅད་ཀུན་དང་བྲལ། །སངས་རྒྱས་ཡེ་ཤེས་ས་ལ་
D135.056.0122b01.01བཞུགས། །མི་འགྱུར་ཡང་དག་བདེན་པའི་དབྱིངས། །ཆོས་ཀུན་འཇིག་རྟེན་ཁམས་ལས་བྱུང་། །མ་གྲོལ་མ་ཐར་ཡོང་ཡེ་མེད། །གྲངས་མེད་བྱང་ཆུབ་སེམས་དཔའ་རྣམས། །ཐམས་ཅད་ཀུན་ཀྱང་སེམས་ཅན་གྲོལ། །ཕལ་ཕྱིར་ཡངས་ཤིང་ཟབ་པ་དྲིས། །སྟོང་པ་ཞི་བའི་
D135.056.0122b02.01ཆོས་མཚན་རིག །མི་འགྱུར་གནས་པའི་དེ་རུ་རིག །ཡང་དག་གཤེགས་པའི་ཡེ་ཤེས་ཐབས། །དེ་ཕྱིར་མངོན་བཞུགས་བདེན་པ་འཆང་། །ཀུན་ཀྱང་ཐེག་པ་གཅིག་བཞིན་འབྲང་། །གོ་བདུན་རྣམས་ཀྱི་རོ་བྲོ་མེད། །དཔེ་རུ་ཆར་གཅིག་རླན་གྱིས་སུ། །རྩྭ་རྣམས་ཐམས་
D135.056.0122b03.01ཅད་ཀུན་རྒྱས་ནས། །སོ་སོའི་རང་བཞིན་ཐ་དད་དོ། །ཆོས་རོ་གཅིག་གིས་བདས་པ་ནི། །ཐམས་ཅད་ཀུན་ཏུ་ཁྱབ་པར་གང་། །དཔེ་རུ་ཆར་དེས་བདས་དང་འདྲ། །ཀུན་ཀྱང་བྱང་ཆུབ་མྱུ་གུ་སྐྱེ། །རྡོ་རྗེ་རྡོ་འདྲ་དེ་རུ་ཞུགས། །ཡང་དག་བདེན་ཐུབ་ཆོས་བཤད་དེ། །འགྱུར་དོགས་པ་
D135.056.0122b04.01ཡི་འགྱོད་པ་བཅད། །ཚོགས་གཅིག་རྒྱས་བཏབ་ཀུན་ཀྱང་འགྲུབ། །རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེའི་ལེའུ་གཉིས་ཏེ་མཚན་མ་མེད་པའི་ཆོས་ཀྱི་ལེའུའོ།། །།དེ་ནས་བཙུན་པ་ཏིང་ངེ་འཛིན་ལས་བཞེངས་ནས་འདི་སྐད་ཅེས་གསུངས་སོ། །སངས་རྒྱས་ཡེ་ཤེས་
D135.056.0122b05.01ཀྱིས་ནི་ཡང་དག་པའི་ཆོས་ཀྱི་མཚན་མར་ཞུགས་ཏེ། ངོ་བོ་ཉིད་མི་འགྱུར་བའི་ཕྱིར་རོ། །ཐབས་ཀྱི་རྫུ་འཕྲུལ་ཀུན་ཀྱང་མཚན་མ་ཡང་མེད། ཕན་པ་ཡང་མེད་དོ། །ཚོགས་པ་གཅིག་གིས་གཞུང་རྟོགས་པས་ནི་ཤེས་པར་ཡང་དཀའ་ཆུད་པར་ཡང་དཀའ་སྟེ། ཐེག་པ་གཉིས་མཐོང་
D135.056.0122b06.01བ་དང་ཤེས་པ་ནི་གནས་མ་ཡིན་ནོ། །སངས་རྒྱས་དང་བྱང་ཆུབ་སེམས་དཔའ་འབའ་ཞིག་ཤེས་པར་ནུས་སོ། །སེམས་ཅན་བསྒྲལ་དུ་རུང་བ་རྣམས་ལ་རོ་གཅིག་པུ་བཤད་དོ། །དེའི་ཚེ་གྲོལ་ཐར་བྱང་ཆུབ་སེམས་དཔའ་འདུག་པ་ལས་ལངས་ནས་ཐལ་མོ་སྦྱར་པུས་མོ་བཙུགས་ཏེ་
D135.056.0122b07.01