完整藏文原文 · 德格版页 当前仅加载第 56 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
རུང་བའི་རྣམ་པར་ཤེས་པ་རྣམས་ཀྱང་དེ་དང་མཚུངས་སོ། །ཇི་ལྟ་ཞེ་ན། མིག་དང་མིག་གི་རེག་པ་ཀུན་ནས་སྟོང་པ་མི་གཡོ་བ་སྟེ། རྣམ་པར་ཤེས་པ་ཡང་སྟོང་ཞིང་མི་གཡོའོ། །མི་གཡོ་བའི་མཚན་མ་ཡང་མེད། ནང་ལོགས་ན་བླངས་པ་གསུམ་ཡང་མེད་དེ། བླངས་པ་གསུམ་སྟོང་
D135.056.0127b01.01ཞིའོ། རྣ་བ་དང་། སྣ་དང་། ལྕེ་དང་། ལུས་དང་། སེམས་ཡིད་དང་། ཡིད་ཀྱི་རྣམ་པར་ཤེས་པ་དང་། ངའི་རྣམ་པར་ཤེས་པ་དང་། ཀུན་གཞིའི་རྣམ་པར་ཤེས་པ་དང་། དེ་དང་མཚུངས་ཏེ་སྟོང་པ་ཞི་བའི་སེམས་དང་། སྐྱེ་བ་མེད་པའི་སེམས་ཀུན་ཀྱང་མི་སྐྱེའོ། །སྟོང་པ་ཞི་བའི་སེམས་
D135.056.0127b02.01དང་། སྐྱེ་བ་མེད་པའི་སེམས་སྐྱེས་སུ་ཟིན་ན། དེ་ནི་སྐྱེ་བ་སྤྱོད་པ་ཡོད་པ་ཡིན་ཏེ་སྐྱེ་བ་སྤྱོད་པ་མེད་པ་མ་ཡིན་ནོ། །ནང་ལོགས་སུ་བླངས་པ་གསུམ་དང་། སྤྱོད་པ་གསུམ་དང་། ཚུལ་ཁྲིམས་གསུམ་སྐྱེ་བས་སྟོང་ཞིང་ཞི་སྟེ་མ་སྐྱེས་ན་སེམས་མི་སྐྱེ་ཞིང་སེམས་རྟག་པར་སྟོང་ཞིང་ཞི་སྟེ།
D135.056.0127b03.01དོན་ཡང་མེད་སྤྱོད་པ་ཡང་མེད་སེམས་སྟོང་ཞིང་ཞི་བའི་མཚན་མ་ཡང་མི་རིགས་ཏེ། རེག་པ་མེད་པ་ལ་མི་ཆགས་སོ། །གནས་པ་མེད་པར་འཇུག་སྟེ་མཚན་མ་མེད་པའི་དོན་མདོ་བཟུང་ན་གདོད་བླངས་པ་གསུམ་མེད་དེ། ཀུན་སྟོང་ཞིང་གནས་གཙང་དག་སྟེ། ཆགས་པ་མེད་ནས་
D135.056.0127b04.01ཏིང་ངེ་འཛིན་དུ་ཡང་མི་འཇུག །བསམ་གཏན་ལ་ཡང་མི་འཇུག །སྐྱེ་བ་ཡང་མེད། སྤྱོད་པ་ཡང་མེད་དོ། །སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། བསམ་གཏན་གྱིས་གཡོ་བ་བསྡུ་བ་དང་། སྒྱུ་མ་འཁྲུགས་པ་རྣམས་ཐུབ་པར་ནུས་ན་ཅིའི་སླད་ནས་བསམ་
D135.056.0127b05.01གཏན་མི་བགྱིད། སངས་རྒྱས་ཀྱིས་གསུངས་པ། བྱང་ཆུབ་སེམས་དཔའི་བསམ་གཏན་ནི་གཡོ་བ་ཡིན་ནོ། །མི་གཡོ་ན་བསམ་གཏན་མ་ཡིན་ཏེ། སྐྱེ་བ་མེད་པའི་བསམ་གཏན་ཡིན་ནོ། །བསམ་གཏན་གྱི་ངོ་བོ་ཉིད་སྐྱེ་བ་མེད་དོ། །བསམ་གཏན་སྐྱེ་བའི་མཚན་མ་དང་
D135.056.0127b06.01བྲལ་ལོ། །བསམ་གཏན་གྱི་ངོ་བོ་ཉིད་ལ་ཆགས་པ་མེད་དེ། བསམ་གཏན་གཡོ་བའི་ཆགས་པ་དང་བྲལ་ན་བསམ་གཏན་གྱི་ངོ་བོ་ཉིད་ལ་གཡོ་བ་དང་། མི་གཡོ་བ་མེད་པར་རིག་པས་སྐྱེ་བ་མེད་པ་འཐོབ་བོ། །སྐྱེ་བ་མེད་པའི་ཤེས་རབ་ནི་སྐྱེ་བ་ལ་ཡང་མི་གནས་ཏེ། སེམས་ཀྱང་
D135.056.0127b07.01