完整藏文原文 · 德格版页 当前仅加载第 56 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ཞི་བར་གནས་སོ། །འབྱུང་ཡང་མི་འབྱུང་། འཇུག་ཀྱང་མི་འཇུག་སྟེ། ཕྱི་ནང་མཉམ་སྙོམས་སོ། །ཕོ་དགེ་བ་དེ་བསམ་གཏན་དེ་རྣམས་ཀྱིས་བརྟགས་ན་འདུ་ཤེས་ཀུན་ཐུབ་སྟེ། མི་གཡོ་བ་མེད་པས་ཕན་ཚུན་མེད་དོ། །དེ་ཅིའི་ཕྱིར་ཞེ་ན། མི་གཡོ་བའི་ཕྱིར་
D135.056.0137b01.01རོ། །མི་གཡོ་བ་སྤྱད་དེ་མི་གཡོ་བའི་ཡང་དག་པ་ལ་བརྟགས་ན། མི་གཡོ་བའི་མཚན་མ་ལ་རྟོགས་པ་མི་མཐོང་བས་མཚན་མ་རྣམས་སྟོང་ཞིང་ཞིའོ། །སྟོང་ཞིང་ཞི་ན་མི་གཡོ་བའི་གཞུང་ཡིན་ནོ། །དེ་ལྟ་བུའི་འདུ་ཤེས་བསམ་གཏན་ཐུབ་པ་ཡིན་ཏེ། བསམ་གཏན་ཉིད་
D135.056.0137b02.01མ་ཡིན་ནོ། །དེ་ཅིའི་ཕྱིར་ཞེ་ན། བསམ་གཏན་གྱི་ངོ་བོ་ཉིད་གཡོ་བའི་རྣམ་གྲངས་དང་བྲལ་ཏེ། གོས་པ་ཡང་མེད། བསྒོ་བ་ཡང་མེད། ཆོས་ཀྱང་མེད། འགྲིབ་པ་ཡང་མེད་དེ། རྣམ་པར་རྟོག་པའི་རྣམས་དང་བྲལ་བས་ཕྱི་མོའི་གཞུང་གིས་གཞུང་བཞིན་ནོ། །ཕོ་དགེ་བ་
D135.056.0137b03.01དེ་ལྟ་བུར་རྟོགས་ཏེ་ཐུབ་ན། གཟོད་མིང་བསམ་གཏན་ཞེས་བྱའོ། །ཤཱ་རིའི་བུས་གསོལ་པ། བསམ་གྱིས་མི་ཁྱབ་བོ། །ཡང་དག་པར་གཤེགས་པས་རྟག་པར་མི་གཡོ་བའི་ཡང་དག་པར་སྤྱོད་དེ། སེམས་ཅན་བསྟན་པ་དེ་ལྟ་བུའི་ཡང་དག་པའི་གཞུང་ལ་ཡི་གེའི་འབྲུ་མང་ལ་
D135.056.0137b04.01གཞུང་གི་རྒྱ་ཆེ་སྟེ། རྩ་བ་རྣོ་བའི་སེམས་ཅན་གྱིས་གདོད་སྤྱད་ནུས་ཀྱི་རྩ་བ་རྟུལ་བའི་སེམས་ཅན་གྱིས་ཡིད་གཞག་དཀའོ། །ཇི་ལྟ་བུའི་ཐབས་ཀྱིས་རྩ་བ་རྟུལ་བ་དེ་བདེན་པ་ཆུད་པར་བགྱིར་རུང་། སངས་རྒྱས་ཀྱིས་གསུངས་པ། རྩ་བ་རྟུལ་བ་དེའི་ཚིག་བཞི་ལེའུ་གཅིག་མནོས་ཏེ་
D135.056.0137b05.01གཟུངས་སུ་འཛིན་དུ་བཅུག་ན་ཡང་དག་པའི་བདེན་པར་ཆུད་དེ། སངས་རྒྱས་ཀྱི་ཆོས་སོ་ཅོག་ནི་ལེའུ་གཅིག་གི་ནང་དུ་འདུས་སོ། །ཤཱ་རིའི་བུས་གསོལ་པ། ཇི་ལྟ་བུར་ན་ཚིག་བཞི་ལེའུ་གཅིག་ཅེས་བགྱི་བ་བཤད་པར་སྨོན་ཏོ། །དེ་ནས་བཙུན་པས་ལེའུ་བཤད་དེ་གསུངས་
D135.056.0137b06.01པ། རྒྱུ་དང་རྐྱེན་ལས་སྐྱེས་པའི་གཞུང་། །གཞུང་དེ་ཡོད་མེད་སྐྱེ་བ་མེད། །སྐྱེ་དང་ཤི་རྣམས་གཞུང་མེད་ན། །གཞུང་དེ་སྐྱེ་བ་ཤི་བ་མེད། །དེ་ནས་ཕལ་མང་པོས་ལེའུ་བཤད་པ་ཐོས་ནས་ཐམས་ཅད་ཀུན་ཤིན་ཏུ་དགའ་སྟེ། ཀུན་སྐྱེ་ཤི་མེད་པར་བྱས་པ་ཐོས་ནས་ཤེས་རབ་ཀྱིས་
D135.056.0137b07.01