完整藏文原文 · 德格版页 当前仅加载第 56 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །སྟོང་པ་མི་གཡོ་བའི་སེམས་ཀྱིས་མོད་བཞིན་སེམས་སྟོང་པ་ཐོབ་བོ། །ཕོ་དགེ་བ་མཚན་མ་མེད་པའི་སེམས་ལ་ནི་སེམས་ཀྱང་མེད། ང་ཡང་མེད་ཆོས་སོ་ཅོག་གི་མཚན་མ་ནི་དེ་དང་མཚུངས་སོ། །གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ་སེམས་
D135.056.0123b01.01ཅན་ཐམས་ཅད་ལ་ང་ཡོད་པ་དང་སེམས་ཡོད་པ་ཆོས་གང་སྤྱད་པས་ཚོར་ཏེ། སེམས་ཅན་དེ་དག་བཅིངས་པ་འདི་ལས་འབྱུང་ཞིང་འབྲལ་བར་བགྱི། སངས་རྒྱས་ཀྱིས་གསུངས་པ། སྐྱེས་བུ་ཕོ་དགེ་བ་ང་ཡོད་པ་ནི་རྒྱུ་རྐྱེན་བཅུ་གཉིས་ལ་རྟག་ཏུ་བཅུག་ན། རྒྱུ་རྐྱེན་བཅུ་གཉིས་ནི་ཐོག་མ་རྒྱུ་དང་
D135.056.0123b02.01འབྲས་བུ་ལས་བྱུང་ངོ་། །རྒྱུ་དང་འབྲས་བུའི་གཡོ་བ་ནི་སེམས་ཀྱི་སྤྱོད་པ་ལས་ལངས་ཏེ་སེམས་ཀྱང་མེད་ན་ལུས་མེད་པ་ལྟ་སྨོས་ཀྱང་ཅི་དགོས། ང་ཡོད་ན་ནི་མཐོང་བ་ཡོད་པ་ཡང་ཞི་བར་བྱའོ། །ང་མེད་ན་ནི་མཐོང་བ་མེད་པ་ཡང་ཞི་བར་བྱའོ། །སེམས་སྐྱེས་ན་ནི་ཞི་བའི་རང་བཞིན་ཡང་ཞི་བར་བྱའོ། །
D135.056.0123b03.01སེམས་ཞི་ན་ནི་སྐྱེ་བའི་རང་བཞིན་ཡང་ཞི་བར་བྱའོ། །མཐོང་བའི་རང་བཞིན་དེ་ཞི་ན་གདོད་ཡང་དག་པའི་དབྱིངས་སུ་ཞུགས་སོ། །དེ་ཅིའི་ཕྱིར་ཞེ་ན། ཕྱི་མོ་ནས་སྐྱེ་བ་མ་ཞིའོ། །མ་ཞི་མ་སྐྱེས་ན་མི་སྐྱེ་མི་ཞི་སྟེ་ཆོས་སོ་ཅོག་ཀྱང་དེ་བཞིན་ནོ། །གྲོལ་ཐར་བྱང་ཆུབ་སེམས་དཔས་ཡང་སངས་
D135.056.0123b04.01རྒྱས་ལ་གསོལ་པ། བཙུན་པ་སེམས་ཅན་ལ་ལས་ཆོས་སྐྱེ་བར་མཐོང་བའི་ཚེ་མཐོང་བ་གང་ཞི་བར་བགྱི། སངས་རྒྱས་ཀྱིས་བཀའ་སྩལ་པ། བཙུན་པ་བྱང་ཆུབ་སེམས་དཔའ་ལ་ལས་ཆོས་སྐྱེ་བར་མཐོང་བ་ཡང་ཞི་བར་བྱའོ། །ཆོས་ཞི་བར་བྱ་བ་མཐོང་བ་ཡང་ཞི་བར་བྱའོ། །
D135.056.0123b05.01མཐོང་བ་ཞི་ན་མེད་པ་ཡང་དག་པའི་ཆོས་ཐོབ་སྟེ། མི་འགྱུར་བའི་ངོ་བོ་ཉིད་དུ་ཞུགས་ནས་མི་འགྱུར་བ་ལ་སྐྱེ་བ་མེད་དོ། །གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ་སེམས་ཅན་དེ་དག་གར་སྐྱེ་བ་མ་མཆིས་པ་ལ་གནས་པར་བགྱིས་ན་དེ་དེའི་སྐྱེ་བ་མ་མཆིས་
D135.056.0123b06.01པ་ལགས་སམ། སངས་རྒྱས་ཀྱིས་བཀའ་སྩལ་པ། སྐྱེ་བ་མེད་པ་གནས་པ་ཉིད་ནི་སྐྱེ་བ་མ་ཡིན་ནོ། །དེ་ཅིའི་ཕྱིར་ཞེ་ན། གནས་པ་ཡང་མེད་སྐྱེ་བ་ཡང་མེད་ན་གདོད་སྐྱེ་བ་མེད་པ་ཡིན་ནོ། །བྱང་ཆུབ་སེམས་དཔའ་སྐྱེ་བ་དང་། སྐྱེ་བ་མེད་པ་སྐྱེ་བ་སྤྱད་པས་སྐྱེ་བའི་སེམས་
D135.056.0123b07.01