完整藏文原文 · 德格版页 当前仅加载第 56 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
རྐྱེན་གྱི་རང་བཞིན་མེད་ན་ཇི་ལྟ་བུར་རྐྱེན་ལས་ལངས་ཞེས་བྱ། ཆགས་མེད་བྱང་ཆུབ་སེམས་དཔས་གསོལ་པ། ཁམས་སོ་ཅོག་སྟོང་པ་ཇི་ལྟ་བུར་མཐོང་། སངས་རྒྱས་ཀྱིས་གསུངས་པ། མཐོང་བ་ཉིད་མི་བདེན་པ་ཡིན་ནོ། །ཇི་ལྟ་ཞེས་བྱ་ན། ཡོད་
D135.056.0129a01.01དོ་ཅོག་ཐམས་ཅད་ཀྱང་སྐྱེ་བ་ཡང་མེད། མཚན་མ་ཡང་མེད་དེ། ཕྱི་མོ་ནས་རང་གི་མིང་མེད་པས་ཀུན་ཀྱང་སྟོང་པ་མི་གཡོ་སྟེ། ཆོས་སོ་ཅོག་གི་མཚན་མ་ཡང་དེ་དང་མཚུངས་སོ། །སེམས་ཅན་ཐམས་ཅད་ཀྱི་ལུས་ཀྱང་དེ་དང་མཚུངས་ཏེ། ལུས་ཀྱང་མེད་ན་ཇི་ལྟར་མཐོང་
D135.056.0129a02.01ཞེས་བྱ། ཆགས་མེད་བྱང་ཆུབ་སེམས་དཔས་གསོལ་པ། ཁམས་ཐམས་ཅད་ཀྱང་སྟོང་། ལུས་ཐམས་ཅད་ཀྱང་སྟོང་། རྣམ་པར་ཤེས་པ་ཐམས་ཅད་ཀྱང་སྟོང་ན་ཚོར་བ་ཡང་སྟོང་པའི་རིགས་སོ། །སངས་རྒྱས་ཀྱིས་གསུངས་པ། ཚོར་བ་གཅིག་པོ་ཞེས་བྱ་བ་ནི་
D135.056.0129a03.01མི་ཞིགས་མི་དེངས་ཏེ། ཡང་དག་པར་མི་འགྱུར་བའི་ངོ་བོ་ཉིད་ནི་སྟོང་པ་ཡང་མ་ཡིན། མི་སྟོང་པ་ཡང་མ་ཡིན། སྟོང་པ་ཡང་མེད། མི་སྟོང་པ་ཡང་མེད་དོ། །ཆགས་མེད་བྱང་ཆུབ་སེམས་དཔས་གསོལ་པ། ཁམས་ཀྱི་རྣམས་ཀྱང་དེ་བཞིན་ཏེ། སྟོང་པའི་མཚན་མ་ཡང་མ་
D135.056.0129a04.01མཆིས། སྟོང་པའི་མཚན་མ་མཆིས་པ་ཡང་མ་མཆིས་སོ། །སངས་རྒྱས་ཀྱིས་གསུངས་པ་མ་ཡིན་ནོ། །ཁམས་ཞེས་བྱ་བ་ནི་ཕྱི་མོའི་ངོ་བོ་ཉིད་ཡང་དག་པར་མི་འགྱུར་བས་ཡང་དག་པར་མི་འགྱུར་བའི་ཕྱི་མོའི་ངོ་བོ་ཉིད་ལ་གནས་མལ་མེད་དོ། །ཆགས་མེད་བྱང་ཆུབ་
D135.056.0129a05.01སེམས་དཔས་གསོལ་པ། ཚོར་བ་ཡང་དེ་དང་མཚུངས་ཏེ། གནས་མལ་མ་མཆིས་སོ། །སངས་རྒྱས་ཀྱིས་གསུངས་པ་དེ་ཡིན་ནོ། །དེ་ཡིན་ནོ། །ཚོར་བ་ལ་གནས་མལ་མེད་པས་ན་གཙང་གདང་ངོ་། །གཙང་གདང་བ་ལ་ཚོར་བ་ཡང་མེད་དོ། །ཅི་ཡང་གནས་མེད་པས་
D135.056.0129a06.01ན་གཙང་གདང་སྟེ། གཙང་གདང་བ་ལ་ཁ་དོག་མེད་དོ། །ཆགས་མེད་བྱང་ཆུབ་སེམས་དཔས་གསོལ་པ། སེམས་དང་མིག་དང་། རྣམ་པར་ཤེས་པ་ཡང་དེ་དང་མཚུངས་ཏེ། བསམ་གྱིས་མི་ཁྱབ་བོ། །སངས་རྒྱས་ཀྱིས་གསུངས་པ། སེམས་དང་། མིག་དང་།
D135.056.0129a07.01