完整藏文原文 · 德格版页 当前仅加载第 56 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་གསོལ་བ་ལྟ་སྨོས་ཀྱང་ཅི་དགོས། མཐུ་ཆེན་བྱང་ཆུབ་སེམས་དཔས་གསོལ་པ། དེའི་ས་གཅིག་དང་སྟོང་པའི་མཚོ་ཐེག་པ་གཉིས་ཀྱི་མིས་མི་མཐོང་ལགས་སམ། སངས་རྒྱས་ཀྱིས་གསུངས་པ་དེ་ཡིན་ནོ། །ཐེག་པ་གཉིས་ཀྱི་མི་དེ་ནི་ཏིང་ངེ་འཛིན་གྱི་ལུས་ཐུབ་སྟེ། སྟོང་
D135.056.0135b01.01པའི་མཚོ་དང་ས་གཅིག་ལ་ནི་ཆང་ནད་རྙེད་པ་དང་མཚུངས་སོ། །ར་རོ་སྟེ་མྱོས་པ་སངས་ཀྱང་བསྐལ་པ་བགྲང་གི་བར་དུ་འོན་ཀྱང་མི་ཚོར་རོ། །ཆང་ཞུ་ན་གདོད་ཚོར་ཏེ། དེས་གདོད་སྤྱོད་པ་འདི་སྤྱད་པས་ཕྱིས་སངས་རྒྱས་ཀྱི་ལུས་ཐོབ་བོ། །དཔེར་མི་དེས་ལོག་སྲེད་བཏང་ལ་སྤྱོད་པ་དྲུག་
D135.056.0135b02.01ཏུ་ཞུགས་ཏེ། སྤྱོད་པའི་ས་ནས་ཁྲིམས་བསྡུའོ། །གསུམ་ནི་ཕྱི་མོ་ཤེས་རབ་ཀྱི་སྙིང་རྗེ་ཆེན་པོའི་སྟོབས་ཀྱི་རྐྱེན་གྱིས་སེམས་ཅན་གྱི་ཚུལ་ཁྲིམས་བསྡུས་སོ། །བཞི་ནི་གཅིག་ཚོར་བ་སྤྱད་པའི་ཤེས་རབ་ཀྱི་སྟོབས་ཀྱི་རྐྱེན་གྱིས་དེ་བཞིན་དུ་མི་གཡོ་བར་འདུག་པ་སྟེ། དེ་ནི་རྐྱེན་
D135.056.0135b03.01བཞི་ཞེས་བྱའོ། །ཕོ་དགེ་བ་དེ་ལྟ་བུ་རྐྱེན་ཆེན་པོ་བཞིའི་སྟོབས་ཀྱིས་དོན་གྱི་མཚན་མ་ལ་མི་ཆགས་ན་ངོ་བོ་མེད་པ་ཡིན་ཏེ། གནས་གཅིག་དང་བྲལ་བས་བཙལ་དུ་མི་རྙེད་དོ། །ཕོ་དགེ་བ་དེ་ལྟ་བུ་དོན་གཅིག་གིས་ནི་སྤྱད་པ་དྲུག་སྤྱད་པར་བསྡུས་ཏེ་སངས་རྒྱས་ཀྱི་བྱང་ཆུབ་ཡེ་ཤེས་
D135.056.0135b04.01ཀྱི་མཚོ་ཡིན་ནོ། །ཤཱ་རིའི་བུས་གསོལ་པ། དོན་གྱི་མཚན་མ་ལ་མ་ཆགས་ན་ངོ་སོ་མེད་པ་ལགས་ཏེ། ཆོས་ཀྱི་ཡང་དག་པའི་རྟག་སྐྱིད་ད་གཙང་ལགས། ང་གཉིས་ལས་འདས་ཏེ་མྱ་ངན་ལས་འདས་པ་ཆེན་པོ་ལགས་པས་སེམས་ཅི་ལ་ཡང་མ་ཆགས་ཏེ། མཐུ་ཆེན་པོ་ལགས་
D135.056.0135b05.01སོ། །ཞུགས་པ་དེའི་ཚོར་བའི་ནང་ན་ལམ་གྱི་ལེའུའི་ཆོས་སུམ་ཅུ་རྩ་བདུན་དང་ལྡན་པའི་རིགས་སོ། །སངས་རྒྱས་ཀྱིས་གསུངས་པ་དེ་ཡིན་ནོ། །ལམ་གྱི་ལེའུའི་ཆོས་སུམ་ཅུ་རྩ་བདུན་དང་ལྡན་ནོ། །བཞི་བསམ་པའི་གནས་དང་། དྲང་པོའི་འགྲུས་པ་བཞི་དང་། ཡིད་ཀྱི་
D135.056.0135b06.01རྐང་པ་བཞི་དང་། རྩ་བ་ལྔ་དང་། སྟོབས་ལྔ་དང་། ཚོར་བ་བདུན་གྱི་ཤས་དང་། དྲང་པོ་བརྒྱད་ཀྱི་ལམ་ལ་སོགས་པ་སྟེ། མིང་མང་ལ་གཞུང་གཅིག་པས་གཅིག་ཀྱང་མི་གཅིག་ཐ་ཡང་མི་དད་དོ། །མིང་གིས་བགྲངས་པས་ན་མིང་དང་མཁན་དུ་ཟད་མོད་ཀྱི་ཆོས་ཐོབ་པར་རུང་ངོ་། །
D135.056.0135b07.01