完整藏文原文 · 德格版页 当前仅加载第 56 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐོབ་པར་མི་རུང་བའི་ཆོས་ནི་གཞུང་གཅིག་ལ་ཡི་གེ་མེད་དོ། །ཡི་གེའི་མཚན་མ་མེད་པའི་གཞུང་ནི་ཡང་དག་པའི་བདེན་པའི་སྟོང་པའི་ངོ་བོ་ཉིད་དོ། །སྟོང་པའི་ངོ་བོ་ཉིད་ཀྱི་གཞུང་ནི་ཡང་དག་པའི་བདེན་པ་མི་གཡོ་བ་ཡིན་ནོ། །ཡང་དག་པའི་མི་གཡོ་
D135.056.0136a01.01བའི་གཞུང་ནི་ཆོས་སོ་ཅོག་ལྡན་ནོ། །ཕོ་དགེ་བ་ཡང་དག་པའི་གཞུང་ལ་འདུག་པ་ནི་སྡུག་བསྔལ་གསུམ་གྱི་མཚོ་ལས་འདས་སོ། །ཤཱ་རིའི་བུས་གསོལ་པ། ཆོས་སོ་ཅོག་ཐམས་ཅད་ནི་ཚིག་ཀུན་དང་ཡི་གེ་ལགས་སོ། །ཚིག་དང་ཡི་གེའི་གཟུགས་ནི་གཞུང་མ་མཆིས་པ་ལགས་སོ། །
D135.056.0136a02.01ཡང་དག་པའི་བདེན་པའི་གཞུང་ནི་ཚིག་གིས་བཤད་དུ་མི་རུང་ན་ཡང་དག་པར་གཤེགས་པར་ཇི་ལྟར་ཆོས་བཤད། སངས་རྒྱས་ཀྱིས་གསུངས་པ། ངས་ཆོས་བཤད་པ་ནི་ཁྱེད་སེམས་ཅན་གྱི་རྣམས་བཤད་པའི་ཁར་ལུས་པས་ན་བཤད་དུ་མི་རུང་བ་བཤད་དོ། །དེ་ལྟ་བས་ན་
D135.056.0136a03.01བཤད་ཅེས་བྱའོ། །ངས་བཤད་དོ་ཅོག་ནི་གཞུང་གི་ཚིག་སྟེ་ཡི་གེ་མེད་དོ། །སེམས་ཅན་གྱིས་བཤད་པ་ནི་ཡི་གེའི་ཚིག་སྟེ་གཞུང་མེད་དོ། །གཞུང་མེད་པའི་ཚིག་ནི་ཀུན་སྟོང་པའོ། །མེད་པའི་སྟོང་པའི་ཆོས་ནི་གཞུང་མེད་པའི་ཚིག་གོ། །གཞུང་བཞིན་གྱི་ཚིག་ནི་བདེན་
D135.056.0136a04.01པའི་སྟོང་པ་སྟེ་མི་སྟོང་པའོ། །སྟོང་པ་དང་བདེན་པ་ཡང་དག་པར་མེད་དེ། མཚན་མ་གཉིས་དང་བྲལ་ལ། བར་མ་དང་བར་མ་མེད་པ་ཡང་མེད་དེ། བར་མ་མེད་པའི་ཆོས་ནི་མཚན་མ་གསུམ་དང་བྲལ་ཏེ་གནས་ཀྱང་མི་མཐོང་ངོ་། །ཡང་དག་པའི་མི་གཡོ་བ་བཞིན་དུ་བཤད་
D135.056.0136a05.01དོ། །མི་གཡོ་བ་ལ་ཡོད་མེད་ཀྱང་མེད་དོ། །མེད་པ་ཡང་མེད་དོ། །མི་གཡོ་བ་ལ་ཡོད་མེད་མེད་དོ། །ཡོད་མེད་དང་ཡོད་པ་དང་མེད་པ་གནས་མེད་དོ། །གནས་མེད་པ་བཤད་པས་ན་མི་གཡོ་བ་ལ་གནས་སོ། །མི་གཡོ་བ་ལ་ཡང་མི་གཡོ་བ་མེད་ན་མི་གཡོ་བ་མེད་པར་མ་བཤད་
D135.056.0136a06.01དོ། །ཤཱ་རིའི་བུས་གསོལ་པ། སེམས་ཅན་ཐམས་ཅད་དང་ལོག་སྲེད་ཀྱི་གྲལ་གང་ལ་སོགས་པར་གནས་ན་ཡང་དག་པར་གཤེགས་པ་དང་། ཡང་དག་པར་གཤེགས་པའི་བདེན་པའི་མཚན་མ་ཕྱིན་པ་ཐོབ། སངས་རྒྱས་ཀྱིས་གསུངས་པ། ལོག་སྲེད་ཀྱི་སེམས་ནས་ཡང་དག་
D135.056.0136a07.01