完整藏文原文 · 德格版页 当前仅加载第 56 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
བས་བུ་གཅིག་ས་གནས་སུ། །འཇིག་རྟེན་མྱ་ངན་ཁམས་སུ་གནས། །དེ་ནས་ཡང་དག་པར་གཤེགས་པས་ཕལ་མང་པོ་ལ་བཀའ་སྩལ་པ། བྱང་ཆུབ་སེམས་དཔའ་འདི་བསམ་གྱིས་མི་ཁྱབ་སྟེ་ཁོར་མོར་བྱམས་པ་ཆེན་པོ་སྤྱད་དེ་སེམས་ཅན་སྡུག་བསྔལ་ལས་བྱུང་ངོ་། །སེམས་ཅན་ལ་ལ་
D135.056.0143b01.01ཞིག་ཡི་གེ་འདིའི་ཆོས་གཟུངས་སུ་འཛིན་ཅིང་བྱང་ཆུབ་སེམས་དཔའ་དེའི་མིང་དང་གཟུངས་སུ་འཛིན་ན་ལས་ངན་པར་མི་ལྟུང་སྟེ། བསྒྲིབས་པའི་བགེགས་ཐམས་ཅད་ཀུན་བསལ་ཏེ་མེད་དོ། །སེམས་ཅན་ལ་ལ་ཞིག་གོ་བདུན་གཞན་བསམ་པ་མེད་པར་མི་གཡོ་བའི་འོད་བྱང་ཆུབ་ཐོབ་པར་
D135.056.0143b02.01བྱས་སོ། །དེའི་ཚེ་བྱང་ཆུབ་སེམས་དཔས་རྟག་པར་ལུས་སྤྲུལ་ཏེ། ཆོས་བཤད་ནས་མི་དེའི་མགོན་སྐྱབས་བྱས་ཏེ་མཐར་སྐད་ཅིག་སྐད་ཅིག་ཀྱང་མི་གཏོང་ཞིང་མི་དེ་ལ་སོགས་པ་སྨྱུར་ཏེ་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་ཐོབ་པར་བྱས་སོ། །ཁྱེད་ལ་སོགས་པ་བྱང་ཆུབ་སེམས་
D135.056.0143b03.01དཔའ་སེམས་ཅན་ལ་སྟོན་ཅིང་སློབ་ན་ཇི་ལྟ་བུར་ཐེག་པ་ཆེན་པོ་གཞུང་མི་འགྱུར་བ་བྱེ་བྲག་ཕྱེད་པ་ཀུན་སྤྱོད་སྦྱོར་དུ་ཆུག་ཅིག །དེ་ནས་དགའ་བོས་འདུག་པ་སྟན་ལས་ལངས་ཏེ་མདུན་དུ་སངས་རྒྱས་ལ་གསོལ་པ། ཡང་དག་པར་གཤེགས་པས་ཐེག་པ་ཆེན་པོའི་བསོད་ནམས་ཀྱི་ཕུང་པོ་ཡང་དག་
D135.056.0143b04.01པར་མདུད་པ་གཅོད་པ་སྐྱེ་བ་མེད་པའི་ཚོར་བ་བསོད་པ་བཤད་པ་བསམ་གྱིས་མི་ཁྱབ་པ་དེ་ལྟ་བུའི་ཆོས་ཀྱི་མིང་ཅི་ཞེས་བགྱི། ཆོས་ཀྱི་གཞུང་དེ་མནོས་ཏེ་གཟུངས་སུ་བཟུང་ན་བསོད་ནམས་ཇི་ཙམ་ཞིག་ཐོབ། སངས་རྒྱས་ཀྱི་བྱམས་པའི་ཐུགས་རྗེས་བདག་ལ་དགྲོལ་བཤད་པར་སྨོན་ཏོ། །སངས་
D135.056.0143b05.01རྒྱས་ཀྱིས་གསུངས་པ། ཕོ་དགེ་བ་ཆོས་ཀྱི་ཡི་གེ་འདིའི་མིང་ནི་བསམ་གྱིས་མི་ཁྱབ་སྟེ་སྔ་མ་འདས་པའི་སངས་རྒྱས་རྣམས་ཀྱིས་འོར་བར་དགོངས་པས་ཡང་དག་པར་གཤེགས་པའི་ཡེ་ཤེས་ཀྱི་མཚོར་ཆུད་པར་གསུངས་སོ། །སེམས་ཅན་ལ་ལ་ཞིག་གིས་ཆོས་ཀྱི་ཡི་གེ་འདི་གཟུངས་སུ་འཛིན་པ་
D135.056.0143b06.01གཅིག་ཡོད་ན་ཆོས་ཀྱི་ཡི་གེ་ཐམས་ཅད་ལ་ཅི་ཡང་རེ་ཞིང་བཙལ་བ་མེད། ཆོས་ཀྱི་ཡི་གེ་འདིས་ནི་ཆོས་ཀུན་གྱི་མདོ་བཏུས་ཏེ་ཆོས་སོ་ཅོག་གི་གཅེས་པ་བསྡུས་སོ། །ཆོས་ཀྱི་ཡི་གེ་རྣམས་ཀྱི་ཕྱི་མོའི་བསམས་པ་སྟེ། ཆོས་ཀྱི་ཡི་གེ་འདིའི་མིང་ནི་ཐེག་པ་ཆེན་པོ་བསྡུས་སོ། །ཡང་མིང་རྡོ་རྗེའི་ཏིང་ངེ་
D135.056.0143b07.01