完整藏文原文 · 德格版页 当前仅加载第 56 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
མཚོ་ཆེན་པོ་ལ་གནས་ན་མང་པོ་འབབ་པ་འདུས་ཏེ། རོ་བྲོ་བ་གཅིག་ལ་གནས་པས་ནི་རོ་བྲོ་བ་ཀུན་འདུས་སོ། །ཡ་རབས་ཚངས་པར་སྤྱོད་པས་གསོལ་པ། ཆོས་ལ་རོ་གཅིག་པུ་ནི་ཇི་ལྟ་བུར་ཐེག་པ་གསུམ་གྱི་ལམ་སྟེ། དེའི་ཤེས་རབ་མཚུངས་ཞེས་བགྱི། སངས་རྒྱས་ཀྱིས་གསུངས་
D135.056.0138b01.01པ། ཡ་རབས་དཔེར་ན་ཆུ་བོ་ཀོང་དང་། ཧ་དང་། ཧོ་ཧེ་དང་། མཚོ་དང་མཚུངས་ཏེ་ཆེ་ཆུང་ཐ་དད་དོ། །ཟབ་མི་ཟབ་ཐ་དད་དོ། །མིང་མཁན་ཐ་དད་དོ། །ཆུ་དེ་ཀོང་གི་ནང་ན་འདུག་པ་ན་མིང་ཀོང་གི་ཆུ་ཞེས་བྱའོ། །འོ་ཡི་ནང་ན་འདུག་ན་འོ་ཡི་ཆུ་ཞེས་བྱའོ། །ཧའི་ནང་ན་འདུག་ན་ཧའི་
D135.056.0138b02.01ཆུ་ཞེས་བྱའོ། །ཀུན་ལྷན་ཅིག་མཚོའི་ནང་ན་འདུག་པ་མིང་མཚོ་ཆུ་ཞེས་བྱའོ། །ཆོས་ཀྱང་དེ་དང་མཚུངས་དེ་ཀུན་ཡང་དག་པའི་མི་གཡོ་བ་ལ་འདུག་སྟེ། མིང་སངས་རྒྱས་ཀྱི་ལམ་འབའ་ཞིག་གོ། །ཡང་ཡ་རབས་སངས་རྒྱས་ཀྱི་ལམ་གཅིག་པུ་ལ་གནས་ན་སྤྱད་པ་གསུམ་སྤྱད་པ་མ་ཡིན་ནོ། །
D135.056.0138b03.01ཡ་རབས་ཚངས་པར་སྤྱོད་པས་གསོལ་པ། ཇི་ལྟ་བུར་ན་སྤྱད་པ་གསུམ་ཞེས་བགྱི། སངས་རྒྱས་ཀྱིས་གསུངས་པ། གཅིག་ནི་དོན་བཞིན་དུ་སྤྱོད་པ་བླངས་པའོ། །གསུམ་ནི་མི་གཡོ་བ་བཞིན་དུ་བླངས་ཏེ་སྤྱོད་པའོ། །ཡ་རབས་དེ་ལྟ་བུ་སྤྱོད་པ་གསུམ་གྱིས་སྒོ་མང་པོའི་མདོ་བསྡུས་ཏེ་ཆོས་
D135.056.0138b04.01ཐམས་ཅད་ཀྱི་སྒོ་མོར་འདིར་མི་འཇུག་པ་མེད་དོ། །སྤྱོད་པ་འདིར་ཞུགས་པ་ནི་སྟོང་པའི་མཚན་མ་མི་སྐྱེའོ། །དེ་ལྟར་ཞུགས་པ་ནི་ཡང་དག་པར་གཤེགས་པར་ཞུགས་ཞེས་བྱར་རུང་ངོ་། །ཡང་དག་པར་གཤེགས་པར་ཞུགས་པ་ནི་ཞུགས་ཞུགས་ན་མ་ཞུགས་སོ། །ཡ་རབས་ཚངས་པར་
D135.056.0138b05.01སྤྱོད་པས་གསོལ་པ། བསམ་གྱིས་མི་ཁྱབ་པར་ཡང་དག་པར་གཤེགས་པའི་འཇུག་པ་ལྗང་བུ་ལས་འབྲུར་རྙེད་པ་དང་མཚུངས་ཏེ་འཇུག་པའི་གནས་མེད་དོ། །ཕྱི་མོ་རྩ་བ་རྣོ་བའི་གྲུབ་སྟེ་ཕྱི་མོ་ཐོབ་ན་ཕྱི་མོ་བདེན་པའི་མུ་ཐོབ་པ་དེའི་ཤེས་རབ་དུ་མཆིས། སངས་རྒྱས་ཀྱིས་
D135.056.0138b06.01གསུངས་པ། ཤེས་རབ་དེ་ལ་གྲངས་མེད་དེ། མདོ་ཙམ་ཞིག་བཤད་ན་ཤེས་རབ་དེ་ལ་བཞི་ཡོད་དོ། །བཞི་གང་ཞེས་བྱས་ན། གཅིག་ནི་ཐུབ་པའི་ཤེས་རབ་སྟེ། འདི་ནི་མི་གཡོ་བ་བཞིན་ནོ། །གཉིས་ནི་འགྱུར་བའི་ཤེས་རབ་སྟེ། དེ་ནི་ཐབས་ཀྱིས་ནི་བཤིག་པའོ། །
D135.056.0138b07.01