完整藏文原文 · 德格版页 当前仅加载第 57 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་དུ་མེད་པ་ནི་བཏགས་ཏེ་བསྟན་ཏོ། །འཇམ་དཔལ་གྱིས་སྨྲས་པ། ཀྱེ་རྒྱལ་བའི་སྲས་བཏགས་པས་ཅི་ཞིག་འདོགས་པར་བྱེད། བྱང་ཆུབ་སེམས་དཔའ་ཀུན་ཏུ་བཟང་པོས་སྨྲས་པ། འཇམ་དཔལ་བཏགས་པས་ནི་དངོས་པོ་ཡང་མི་འདོགས། དངོས་པོ་མེད་པ་ཡང་མི་འདོགས་
D145.057.0037a01.01སོ། །འཇམ་དཔལ་གྱིས་སྨྲས་པ། ཀྱེ་རྒྱལ་བའི་སྲས་གལ་ཏེ་བཏགས་པས་དངོས་པོ་ཡང་མི་འདོགས་དངོས་པོ་མེད་པ་ཡང་མི་འདོགས་ན་ཐེག་པ་གསུམ་པོ་དག་ཇི་ལྟར་བསྟན། བྱང་ཆུབ་སེམས་དཔའ་ཀུན་ཏུ་བཟང་པོས་སྨྲས་པ། འཇམ་དཔལ་ཁྱོད་ཆོས་ཀྱི་དབྱིངས་ཆགས་བ་མེད་
D145.057.0037a02.01པ་ལ་ཆགས་པར་མ་བྱེད། དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པས་ཆོས་ཐམས་ནི་དངོས་པོ་མེད་པའོ་ཞེས་བསྟན་པའི་ཕྱིར་ཏེ། གང་དངོས་པོ་མེད་པའི་ཕྱིར་ཞེ་ན། ཕུང་པོ་ལྔ་དམིགས་པ་མེད་པའི་ཕྱིར་རོ། །འཇམ་དཔལ་གྱིས་སྨྲས་པ། བྱང་ཆུབ་སྤྲོས་པ་དང་
D145.057.0037a03.01བཅས་པ་ཡིན་ནམ། འོན་ཏེ་སྤྲོས་པ་མེད་པ་ཡིན། བྱང་ཆུབ་སེམས་དཔའ་ཀུན་ཏུ་བཟང་པོས་སྨྲས་པ། རིགས་ཀྱི་བུ་བྱང་ཆུབ་ནི་སྤྲོས་པ་དང་བཅས་པ་ཡང་མ་ཡིན། སྤྲོས་པ་མེད་པ་ཡང་མ་ཡིན་ཏེ། འདི་ལྟར་བྱང་ཆུབ་དང་། སྤྲོས་པ་དང་བཅས་པ་དང་། སྤྲོས་པ་མེད་པ་དེ་ནི་གཉིས་སུ་
D145.057.0037a04.01མེད་དེ་གཉིས་སུ་དབྱེར་མེད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་རིགས་ཀྱི་བུ་བསམ་གྱིས་མི་ཁྱབ་པ་བསྟན་པ་འདི་ལེགས་སོ་ལེགས་སོ་ཞེས་བྱ་བ་བྱིན་ནོ། །གཏམ་འདི་བརྗོད་པས་ལྷ་དང་བཅས་པའི་འཇིག་རྟེན་འདི་ལ་རྨོངས་
D145.057.0037a05.01པར་འགྱུར་རོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཆོས་བསྟན་པ་འདི་ལྟ་བུ་ནི་རྣམ་པ་འཚལ་བར་མི་རུང་ངོ་། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་
D145.057.0037a06.01གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཐམས་ཅད་བཏགས་པ་འདིས་བཏགས་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་ཏུ་བཟང་
D145.057.0037a07.01