完整藏文原文 · 德格版页 当前仅加载第 57 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
འདྲ་དང་། །དགའ་ལྡན་གནས་སུ་འཛམ་བུའི་གསེར་མདོག་འདྲ། །འཐབ་བྲལ་གནས་སུ་ཁ་བ་བ་མོའི་མདོག །སུམ་ཅུ་རྩ་གསུམ་གསེར་གྱི་འོད་ཟེར་འདྲ། །སྐྱོང་བའི་གནས་སུ་དཔལ་གྱི་སྙིང་པོའི་མདོག །རྒྱ་མཚོར་མུ་ཏིག་དམར་པོའི་མདོག་འདྲ་བཀོད། །མི་ཅི་གནས་སུ་
D145.057.0080a01.01མཐོན་མཐིང་བཻ་དཱུརྱ། །ཀླུ་ཡི་གནས་སུ་དཔལ་གྱི་སྙིང་པོའི་མདོག །གསང་བའི་གནས་སུ་ཤེལ་གྱི་མདོག་འདྲ་བ། །ལྷ་མིན་གནས་སུ་རྡོ་ཡི་སྙིང་པོ་འདྲ། །བྱང་དུ་ནོར་བུ་སྐར་མདོག་ཁ་དོག་འདྲ། །གླིང་གཞན་རྣམས་སུའང་བཀོད་པ་གཞན་དང་གཞན། །འཛམ་བུའི་གླིང་དུ་ཟླ་བའི་ནོར་བུ་
D145.057.0080a02.01འབར། །སྤྲིན་གྱི་མཚན་ཉིད་འཐུན་པའི་གློག་ཀྱང་འགྱེད། །དེ་ནི་དབང་སྒྱུར་གནས་སུ་ཚངས་སྒྲ་སྒྲོགས། །འཕྲུལ་དགའ་གནས་སུ་རྔ་སྒྲ་སྒྲོག་པར་བྱེད། །དགའ་ལྡན་གནས་སུ་སིལ་སྙན་རོལ་མོའི་སྒྲ། །འཐབ་བྲལ་གནས་སུ་ལྷ་ཡི་བུ་མོའི་སྒྲ། །སུམ་ཅུ་གསུམ་དུ་མི་ཅི་མང་པོའི་
D145.057.0080a03.01སྐད། །སྐྱོང་བའི་གནས་སུ་དྲི་ཟའི་སྐད་དུ་སྟེ། །རྒྱ་མཚོར་རི་འཐབ་སྒྲ་སྐད་འདྲ་བའོ། །མི་ཅི་གནས་སུ་གླིང་བུ་ཀུ་ནལ་སྒྲ། །ཀླུ་ཡི་གནས་སུ་ཀ་ལ་པིང་ཀའི་སྒྲ། །གསང་བའི་གནས་སུ་ཀླུ་ཡི་བུ་མོའི་སྒྲ། །ལྷ་མིན་གནས་སུ་ལྷ་ཡི་རྫ་རྔའི་སྒྲ། །མི་ཡི་གནས་སུ་རྒྱ་མཚོ་གླིང་བུའི་སྒྲ། །
D145.057.0080a04.01དེ་ནི་དབང་སྒྱུར་གནས་སུ་ལྷ་སྤོས་ཞིམ། །མེ་ཏོག་སྣ་ཚོགས་བཀོད་པའི་ཆར་ཡང་འབེབས། །འཕྲུལ་དགར་ཟླ་བ་ཟླ་{བཟངས་,བཟང་}འདྲ་བ་ཡི། །མེ་ཏོག་མན་དཱར་ཕྲེང་དང་བྱུག་པ་འབེབས། །དགའ་ལྡན་གནས་སུ་ནོར་བུ་ཆེན་པོའི་མདོག །རྒྱན་གྱི་དམ་པ་རིན་ཆེན་སྣ་ཚོགས་དང་། །གཙུག་
D145.057.0080a05.01གི་ནོར་བུ་ཟླ་བ་འདྲ་བ་དང་། །གསེར་མདོག་འདྲ་བའི་དར་ལའི་ཆར་ཡང་འབེབས། །རྒྱལ་མཚན་གདུགས་དང་བ་དན་སྣ་ཚོགས་དང་། །ཕྲེང་བ་རྣམས་དང་རྒྱན་དང་བྱུག་པ་དང་། །མུ་ཏིག་དམར་དང་གསེར་དང་དར་ལ་དང་། །སིལ་སྙན་ཡིད་འོང་འཐབ་བྲལ་གནས་སུ་འབེབས། །སུམ་ཅུ་
D145.057.0080a06.01གསུམ་དུ་ཡིད་བཞིན་ནོར་བུ་མཆོག །སྐྱོང་བའི་གནས་སུ་ཙན་དན་སྙིང་པོའི་མཆོག །གུར་གུམ་སིལ་མ་ལྷ་ཤིང་ཏ་མ་ལ། །སྤོས་ཆུའི་རྒྱུན་དང་མེ་ཏོག་རབ་ཏུ་འབེབས། །སྐྱོང་བའི་གནས་སུ་ཀླུ་ཡི་དབང་པོ་དེ། །ཉམ་སྟོབས་སྐྱེ་བའི་ཁ་ཟས་སྐོམ་གྱི་རྣམས། །ཁ་དོག་དྲི་ཞིམ་རོ་དང་
D145.057.0080a07.01