完整藏文原文 · 德格版页 当前仅加载第 57 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་ཁམས་རྒྱ་ཆུང་ཞེས་འཆད་པའམ། སེམས་ཅན་གྱི་ཁམས་རྒྱ་ཆེ་ཞེའམ། སེམས་ཅན་གྱི་ཁམས་ཀུན་ནས་ཉོན་མོངས་པ་ཅན་ཞེའམ། སེམས་ཅན་གྱི་ཁམས་ཀུན་ནས་ཉོན་མོངས་པ་ཅན་མ་ཡིན་ཞེའམ། སེམས་ཅན་གྱི་ཁམས་གདུལ་སླ་ཞེའམ། སེམས་ཅན་
D145.057.0043a01.01གྱི་ཁམས་གདུལ་དཀའ་ཞེའམ། ཆོས་ཀྱི་དབྱིངས་རྒྱ་ཆུང་ཞེའམ། ཆོས་ཀྱི་དབྱིངས་རྒྱ་ཆེ་ཞེའམ། འཇིག་རྟེན་གྱི་ཁམས་དག་འཇིག་ཅེའམ་མི་འཇིག་ཅེའམ་ཆོས་ཀྱི་དབྱིངས་ཡོད་ཅེའམ་ཆོས་ཀྱི་དབྱིངས་མེད་ཅེས་འཆད་ཀྱང་རུང་སྟེ། སངས་རྒྱས་ཀྱི་ཆོས་རྣམས་ལ་བསམ་པ་ངེས་པ་ཡིན་ཏེ།
D145.057.0043a02.01ཀྱེ་རྒྱལ་བའི་སྲས་དག་འདི་ནི་བསམ་པ་ཕུན་སུམ་ཚོགས་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་བསམ་པ་ཕུན་སུམ་ཚོགས་པའི་བྱང་ཆུབ་སེམས་དཔའ་དེ་ལ་ཆོས་ཀྱི་རྗེས་སུ་འཇུག་པ་བཅུ་ཡང་དག་པར་བརྗོད་པར་བྱ་སྟེ། བཅུ་གང་ཞེ་ན། འདི་ལྟ་སྟེ། ཆོས་ཐམས་ཅད་མཚན་
D145.057.0043a03.01མ་མེད་པ་ཉིད་དུ་ཡང་དག་པར་བརྗོད་པར་བྱ་བ་དང་། ཆོས་ཐམས་ཅད་མཚན་ཉིད་མེད་པ་ཉིད་དང་། དངོས་པོ་མེད་པ་ཉིད་དང་། མེད་པ་ཉིད་དང་། {བརྫུན་,རྫུན་}པ་ཉིད་དང་། དབེན་པ་ཉིད་དང་། ངོ་བོ་ཉིད་མེད་པ་ཉིད་དང་། སྒྱུ་མ་ལྟ་བུ་ཉིད་དང་། རྨི་ལམ་ལྟ་བུ་ཉིད་དང་། རྣམ་པར་རྟོག་པ་མེད་པ་ཉིད་
D145.057.0043a04.01དུ་ཡང་དག་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་མི་འཕྲོགས་པའི་ཕྱིར་ཤས་ཆེར་ལྷག་པའི་བསམ་པ་རྣམ་པར་འཕེལ་བའི་ཆོས་ཅན་དུ་གྱུར་ཅིང་། གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ།
D145.057.0043a05.01ཀྱེ་རྒྱལ་བའི་སྲས་དག་འདི་ནི་བསམ་པ་ཕུན་སུམ་ཚོགས་པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་དག་དེ་ལ་ཕྱིར་མི་ལྡོག་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་ཕྱིར་མི་ལྡོག་པའི་བྱང་ཆུབ་སེམས་དཔའ་ནི་
D145.057.0043a06.01དམིགས་པ་བཅུ་ཐོས་ན། སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་སྟེ། བཅུ་གང་ཞེ་ན། འདི་ལྟ་སྟེ། སངས་རྒྱས་ཡོད་དོ་ཞེའམ་མེད་དོ་ཞེས་ཐོས་ཀྱང་སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པ་དང་། ཆོས་ཡོད་དོ་ཞེའམ་མེད་དོ་ཞེས་བྱ་བ་དང་། བྱང་ཆུབ་སེམས་དཔའ་ཡོད་དོ་ཞེ་
D145.057.0043a07.01